Apocalipsis 22:6 - Jakalteko

⁶ Yalnipaxo naj ángel wetan: —Huntekꞌan tzotiꞌ tiꞌ caw yeli, iscawxobal iscꞌul anma yehi. Comam Dios Jahawil, Comam chiiptzen ischejab yalnicꞌo Istzotiꞌ, haꞌ chejniti yángel yalno tet ischejab yin̈ huntekꞌan tzet toxa chiyuhi, ẍi naj.

Apocalipsis 22:6 Iomraidhean Croise

San Mateo 13:41

Hanin Akꞌbilintijan texol yu Comam Dios tiꞌ, chinchejtijan ebnaj ángel iscutxbaco sunil mac chꞌakꞌni aycꞌayo yet anmahil yeb mac istxꞌojaln̈eticꞌa chiswatxꞌe,

San Lucas 1:70

Huneꞌ tiꞌ halbilcano yu Comam Dios tet ebnaj ischejab sicꞌbililo yu yet payat:

San Lucas 16:16

Yalnipaxo Comam Jesús: —Yalan̈to maẍto chul naj Juan anican̈ haꞌ iswiꞌ anma, cuylax isley naj Moisés yeb tzet tzꞌibn̈ebilcano yu ebnaj ischejab Comam Dios yet payat. Yin̈xa istiempohal naj Juan tuꞌ xin, ichico ispujbalaxicꞌo tzotiꞌ cꞌul yin̈ tzet chu yoc anma yul iskꞌab Comam Dios, haꞌ anma tuꞌ chakꞌ yip yanma yoc yul iskꞌab Comam.

Hechos 12:11

Hac tuꞌ yu isnanilo naj yin̈ tzet yehi, yalni naj hacaꞌ tiꞌ: —Wal tinan̈ chintxumilojan tato caw yeli mayati Comam Jesús Jahawil huneꞌ yángel quiniscololojan yul iskꞌab naj rey Herodes, yeb sunil tzet chisnaco ebnaj wet con̈ob Israelan win̈an, ẍi naj ischuquil.

Hechos 3:18

Yajaꞌ hac tuꞌ yu yijni isba yu Comam Dios tzet yal Comam yul Yum yet payat yu sunil ebnaj ischejab Comam, tato yilal chiꞌecꞌyaꞌ yanma Comam, Comam akꞌbil ismunil yu Comam Dios.

Romanos 1:2

Huneꞌ Tzotiꞌ cꞌul yet colbanile tuꞌ, halbilcano yu Comam Dios yet payat, tzꞌibn̈ebilcano yul Yum Comam yu ebnaj ischejab.

1 Corintios 14:32

Haꞌ mac chalni tzotiꞌ chitit tet Comam Dios, chisje iscachni isba yet ay mac lan̈an istzoteli,

1 Corintios 7:29

Hex wuẍtaj, hex wanab, haꞌ chalilo huntekꞌan chiwaltotiꞌan to hanicꞌxan̈e tiempo ayon̈icꞌoj, yuxin hex ay heyixal, machojabn̈etaj yin̈ heyixal cheyaco henabal, wal xin yilal heyakꞌni hamanil yin̈ yet Comam.

2 Tesalonicenses 1:7

Hex lan̈an heyaben isyaꞌtajil tinan̈, chexyikꞌalo Comam Dios xol isyaꞌtajil tuꞌ jintajan̈ yet chitit Comam Jesucristo yul satcan̈ yeb ebnaj ángel caw aycano yip. Chul Comam xol kꞌa kꞌaꞌ yakꞌaꞌ isyaꞌtajil tet anma mach chisje yohtan̈elo Comam Dios, anma mach chiyoche yabeꞌ istzotiꞌal colbanile aycano yu Comam Jesucristo.

Hebreos 12:9

Conabawetij hacaꞌ yet niẍte uninon̈ akꞌlax cocachbanil yu comam yeb yu comiꞌ caw xin jabe yin̈ tzet yala, ¿hatom xin tzet chal Comam Dios ay yul satcan̈, mach chicoyije yun̈e cochahni cokꞌinal?

2 Pedro 1:21

Yuto haꞌ ebnaj ischejab Comam tuꞌ caw machi hunu tzet ye tuꞌ isnati ebnaj yul yet ischuquil yet istzꞌibn̈encanoj, wal xin haꞌ Comam Dios akꞌni yohtan̈elo ebnaj yu Comam Espíritu Santo.

2 Pedro 3:2

Naweti tzet tzꞌibn̈ebilcano yu ebnaj ischejab Comam Dios yet payat, yeb chejbanile yal Comam Jesucristo Jahawil, Cocolomal, huntekꞌan akꞌbilxacano teyet juhan̈ han̈on̈ ischejab Comam jetiꞌan̈.

Apocalipsis 1:1

Haꞌ huneꞌ tiꞌ yakꞌ Comam Dios, isyeb Comam Jesucristo tet ebnaj ischejab yin̈ huntekꞌan tzet yilal yuni yeb toxa chiyuhi. Ischejniti Comam Jesucristo yángel yakꞌni wohtan̈elojan, hanin Juan intiꞌan, ischejab Comam Jesucristo.

Apocalipsis 18:20

Yuxin tzalahan̈we hex ayex yul satcan̈ yu maaycꞌay huneꞌ con̈ob tuꞌ. Tzalahan̈wepaxo hex yetexxa Comam Dios, hex ischejab Comam yet payat yeb hex ischejab Comam Jesús, yuto hacaꞌ yu yakꞌni huneꞌ con̈ob tuꞌ ecꞌoyaꞌ heyanma, hac tuꞌ yu yakꞌlax ecꞌoyaꞌ yanma yu Comam Dios.

Apocalipsis 19:9

Yalni huneꞌ naj ángel wetan: —Tzꞌibn̈e huneꞌ tiꞌ: “Sakꞌal yet macta awtebil yin̈ ismohyilal Comam oc xahanbalil,” ẍi naj. Yalnipaxo naj: —Huntekꞌan tzotiꞌ tiꞌ yet Comam Dios yehi, isyelal chala, ẍi naj.

Apocalipsis 21:5

Yalni Comam tzꞌon̈an yul istzꞌon̈obal wetan: —Hanintiꞌan chiwakꞌ acꞌbojan sunil tzettaj ye tuꞌ, ẍi Comam. Yalnipaxo Comam wetan: —Tzꞌibn̈ecano huntekꞌan tzotiꞌ tiꞌ yuto isyelal yehi, yeb chu iscawxi iscꞌul anma yin̈, ẍi.

Apocalipsis 21:9

Lahwi tuꞌ yul naj ishuj ángel incꞌatan̈an, naj ikꞌn̈e chꞌen ishuj vaso bay ayayto islahobal isyaꞌtajil, yalni naj wetan: —Cata, chinyehan tawet mac chioc yixalo Comam oc xahanbalil, ẍi naj.

Apocalipsis 22:1

Lahwi tuꞌ isyeni naj ángel huneꞌ ha haꞌ caw saj wetan, haꞌ chiakꞌni kꞌinale. Caw xin chikꞌaxpon cosat yul haꞌ hacaꞌ vidrio. Huneꞌ ha haꞌ tuꞌ, haꞌ bay ay istzꞌon̈obal Comam Dios yeb Comam oc xahanbalil, haꞌ tuꞌ chitit haꞌ.

Apocalipsis 22:16

Chalnipaxo Comam Jesús: —Hanintiꞌan inchejtijan wángelan yalno sunil huntekꞌan tiꞌ tet sunil mac ayxaco yul inkꞌaban. Hanintiꞌan titnajinan yin̈ yuninal naj rey David, hacaꞌ hunu teꞌ xeꞌ teꞌ xawolni, hac tuꞌ wehan. Lahaninpaxojan hacaꞌ txꞌumel sajbes chiahilo yin̈ sacꞌayalil, ẍi Comam.

Apocalipsis 22:7

Chal Comam Jesús hacaꞌ tiꞌ: —¡Caw toxa chinhulan! ¡Sakꞌal yet mac chiyijen Istzotiꞌ Comam Dios halbilcano yul huneꞌ hum tiꞌ! ẍi Comam.

Apocalipsis 4:1

Lahwi tuꞌ, wilnihan huneꞌ pulta hajan yul satcan̈, haꞌ xin huneꞌ yul nukꞌe wabehan yet babelal, huneꞌ hacaꞌ yokꞌ chꞌen trompeta halni wetan: —Ahan̈ti bey tiꞌ cat inyenihan huntekꞌan chiyub yintajilo tiꞌ, ẍi wetan.