Apocalipsis 12:10 - Jakalteko

¹⁰ Lahwi tuꞌ, wabenan huneꞌ yul nukꞌe yul satcan̈ yin̈ caw ip, yalni hacaꞌ tiꞌ: Wal tinan̈ mahul colbanile, chisyelo Comam Dios yip cat yoc yahawil, cat isyelaxpaxilo yip Comam Cristo, yuto xakꞌojlaxayto naj akꞌomcꞌule yin̈ ebnaj juẍtaj yeb yin̈ ebix janab, naj ayticꞌaco akꞌocꞌule hunun tzꞌayic yeb hunun akꞌbal tet Comam Dios.

Apocalipsis 12:10 Iomraidhean Croise

San Mateo 26:64

Istakꞌwi Comam tet naj: —Hoꞌ, hanintonan hacaꞌ hawalni tiꞌ. Chiwalan teyet tato Hanin Akꞌbilintijan texol yu Comam Dios cheyil woc tzꞌon̈nojan yin̈ iswatxꞌkꞌab Comam Dios caw aycano yip, cat heyilni wulan xol moyan, ẍi Comam.

San Mateo 28:18

Ishitzico Comam iscꞌatan̈ ebnaj iscuywom tuꞌ, yalni Comam: —Quinyacojan Comam Dios Yahawo yin̈ tzet ay yul satcan̈ yeb yin̈ tzet ay yul sat yiban̈kꞌinal tiꞌ.

San Mateo 6:10

Hulan̈ cat hawoc jahawilojan̈ yul sat yiban̈kꞌinal tiꞌ. Yijab isba tzet chawoche sat txꞌo txꞌotxꞌ tiꞌ hacaꞌ chu yijni isba yul satcan̈.

San Lucas 11:2

Yalni Comam tet ebnaj: —Hayet chextxahli, hac tiꞌ cheyute heyalni: Hach Comam, hach coDios, ayach yul satcan̈, nimanojab yelapno habi yul sat anma. Hulan̈ cat hawoc Yahawilo yul sat yiban̈kꞌinal tiꞌ. Yijab isba tzet chawoche sat txꞌo txꞌotxꞌ tiꞌ, hacaꞌ yijni isba tzet chawoche yul satcan̈.

San Lucas 22:31

Yalni Comam Jesús tet naj Pedro: —Simón, Simón xaiskꞌan naj matzwalil tet Comam Dios ta chexyilwe naj hacaꞌ chu istxayelax ixim trigo.

1 Corintios 5:4

Yet checutxban heba hewatxꞌen huneꞌ tuꞌ, hacaꞌojtam ayinicojan texol yu yip Comam Jesucristo.

2 Corintios 12:9

Yajaꞌ takꞌwi Comam wetan hacaꞌ tiꞌ: “Akꞌ tzalaho hacꞌul yin̈ iscꞌulchꞌanil incꞌulan xawakꞌan tawet, yaj yu inhelanilan chitecha hawu. Han̈cꞌan̈e huneꞌ tuꞌ xin chiocnico hawu yuto caw ecꞌna caw cꞌul isyenilo isba wipan yin̈ isyaꞌtajil,” ẍi Comam. Hac tuꞌ xin caw chintzalahan yin̈ isyaꞌtajil chihul wiban̈an, yuto chisyelo isba yip Comam Cristo win̈an.

Tito 2:3

Hacticꞌapax tuꞌ ebix janab ixnamejxa, cꞌulojab chute isba yin̈ tzet chiswatxꞌe hacaꞌ chiyoche Comam Dios. Machojab halom kꞌumalo ebix, machojab chiucꞌwipaxo teꞌ. Cꞌulojab isbeybal ebix chisye tet anma.

1 Pedro 5:8

Caw helan cheyute heba, majwahan̈wej yuto haꞌ naj matzwalil, naj ayco ishowal jin̈, lahan naj hacaꞌ hunu noꞌ balam caw chꞌel yaw yet chꞌecꞌ saywal yin̈ noꞌ meꞌ yu chiscꞌuxaytoj.

Apocalipsis 11:15

Hayet yokꞌtzen naj ishuj ángel istrompeta yabelax huneꞌ yul nukꞌe awi yin̈ caw ip yul satcan̈, yalni: Sunil tzet ay yip yul sat yiban̈kꞌinal tiꞌ chioccano yul iskꞌab Comam Dios Jahawil yeb yul iskꞌab Comam Jesucristo, cat yoccano yahawil yin̈ sunilbal tiempo, ẍi.

Apocalipsis 2:26

Haꞌ mac chikꞌoji yeb xin maẍticꞌa chisbej iswatxꞌen tzet chiwalan, chiwakꞌan yip yoc yahawo yiban̈ ej con̈ob,

Apocalipsis 7:10

Chalni anma tuꞌ yin̈ caw yip: ¡Comam Dios tzꞌon̈an yul istzꞌon̈obal yeb Comam oc xahanbalil, haꞌ akꞌni cocolbanil! ẍi anma.