1 Juan 4:16 - Jakalteko

¹⁶ Hac tuꞌ xin chu johtan̈eniloj cat janipaxayto yul janma ta caw chon̈yoche Comam Dios. Wal Comam Dios, caw chiyoche Comam anma, yuxinto haꞌ mac chixahann̈e yet anmahil, caw ayco Comam Dios yul yanma.

1 Juan 4:16 Iomraidhean Croise

San Juan 6:69

Wal han̈on̈tiꞌan̈, caw xajaytojan̈ yul janmahan̈ tawin̈. Caw xin johtajan̈ tato ach tiꞌ Cristo hach, Iscꞌahol Comam Dios caw itzitz, ẍi naj Pedro tet Comam.

San Juan 9:3

Yalni Comam xin: —Maẍtaj yu ismul ismam naj yeb ismiꞌ naj, maẍtajpaxo yu ismul naj yuxinto hac tuꞌ ye naj. Wal xin Comam Dios caw choche iscꞌul chisyelo yip yin̈ naj, yuxinto hac tuꞌ ye naj.

1 Corintios 2:9

Wal xin tzꞌibn̈ebilcano yul Yum Comam Dios hacaꞌ tiꞌ: Ay huntekꞌan tzet watxꞌebilxa yu Comam Dios tet mac chiochen Comam. Huneꞌ tuꞌ maẍto hunu mac xailni, yeb xaabeni, maẍtopaxo mac xaecꞌ isnabal yin̈, ẍiayoj.

1 Juan 3:1

Wal xin txumweloj yin̈ ta mach isbi hanta caw isxahanil ayon̈ yu Comam Dios, yuxin chon̈yal Comam Dios yuninaloj, caw xin yeli con̈ yuninalon̈xa Comam. Wal anma yet yul sat yiban̈kꞌinal tiꞌ, caw mach chikꞌoji istxumniloj tato yuninalxa Comam Dios jehi. Hacpax tuꞌ yakꞌle Comam Jesucristo, maẍticꞌa txumchalo yu anma tato Iscꞌahol Comam Dios ye Comam.

1 Juan 3:16

Johtaxa tzet chalilo coxahann̈en coba, yuto yakꞌ camo isba Comam Jesucristo jin̈; hacon̈pax tuꞌ hinanojabon̈ jakꞌni camo coba yin̈ hunu juẍtaj.

1 Juan 3:24

Tato chicoyije tzet chal Comam, caw ayxaco Comam jetbiho chal tuꞌ, yeb ayon̈xaco yul iskꞌab Comam. Caw xin johtaj tato ayco Comam Dios jin̈, yu Comam Espíritu Santo xayakꞌ Comam jet.

1 Juan 4:7

Hex xahan ay wutiꞌan, xahanojab chijil coba hununon̈ yuto yin̈ Comam Dios chitit huneꞌ coxahann̈en coba tiꞌ. Tato caw xahan chijil coba hununon̈, chal yelapnoj tato ayon̈xaco yuninalo Comam Dios, johtaxa Comam.