1 Juan 2:7 - Jakalteko

⁷ Wuẍtaj, wanab, huneꞌ chejbanile chiwaltojan teyet tiꞌ, caw mach acꞌto heyabeni. Caw xaticꞌa hallax heyabeꞌ yettaxticꞌa heyanico heba yul iskꞌab Comam Dios. Caw xin heyohtaxa huneꞌ chejbanile tiꞌ, huneꞌ chihalni tato caw yilal coxahann̈en coba hununon̈.

1 Juan 2:7 Iomraidhean Croise

San Mateo 5:43

Yalnipaxo Comam Jesús: —Hex tiꞌ heyohtaj tato hallax hacaꞌ tiꞌ: “Xahan cheyil mac xahan chexilni. Mac ayco ishowal teyin̈ xin, ocojabpaxo hehowal yin̈,” ẍiayoj.

San Juan 13:34

Chiwakꞌcanojan huneꞌ acꞌ chejbanile tiꞌ teyet, xahan cheyil heba hununex. Hacaꞌ isxahanil ayex wuhan, hac tuꞌ cheyutepaxo heba.

Hechos 17:19

Yuxin ilaxto naj bey huneꞌ tzalan chiyij Areópago, bay chakꞌ ebnaj lahtiꞌ, iskꞌamben ebnaj tet naj: —¿Chimyu hawalni jetan̈ tzet ye huneꞌ cuybanile chawalicꞌoj?

Hebreos 6:9

Waxan̈ca hac tuꞌ cotzotelan̈ hex wuẍtaj hex wanab, hex xahan ay juan̈, yajaꞌ caw johtajan̈ tato hex tiꞌ ayxaco iscꞌulchꞌanil Comam Dios teyin̈, haꞌ xin chalniloj tato ayxa hecolbanil.

1 Juan 2:24

Haꞌ huneꞌ cuybanile tiꞌ jabe yettax janico coba yul iskꞌab Comam Dios, caw xin yilal wal yeco yul janma. Tato caw wal yeco huneꞌ cuybanile tuꞌ yul janma, wal tuꞌ huneln̈e jeco yin̈ Comam Dios, yebpaxo yul iskꞌab Iscꞌahol.

1 Juan 3:11

Huneꞌ cuybanile tiꞌ heyabe yettax heyanico heba yul iskꞌab Comam Dios tato yilal coxahann̈en coba hununon̈.

1 Juan 3:2

Hex wuẍtaj, hex wanab, hex caw xahan ay wutiꞌan, caw yuninalxa Comam Dios jehi, yaj maẍto chisyelo isba sunil iscꞌulal Comam chiyakꞌ jet. Caw johtaj tato yet chihul Comam Jesucristo tuꞌ, caw lahanxa chon̈elico yebi, yuto chijilaꞌ yin̈ Comam hacaꞌ caw yehi.

1 Juan 3:21

Yajaꞌ xin hex wuẍtaj hex wanab, hex xahan ay wutiꞌan, tato caw akꞌancꞌulal ye janma, ta caw machi cotxꞌojal chijabe, caw mach chon̈xiw yul sat Comam Dios.

1 Juan 3:23

Haꞌ chejbanile halbilcano jet yu Comam Dios, haꞌ janayto yul janma tato Iscꞌahol Comam Dios ye Comam Jesucristo, yeb xin coxahann̈en coba hununon̈, hacaꞌ yute yalnicano Comam jet.

1 Juan 4:1

Wuẍtaj wanab, tato ay ebnaj chiecꞌ halnoj tato caw ischejab Comam Dios yehi, caw mach ton̈eo cheyayto tzet chal ebnaj tuꞌ yul heyanma. Caw babel cheyabe istzotel ebnaj tato Istzotiꞌ Comam Dios chal ebnaj, yuto caw txꞌiꞌal ebnaj lekꞌtiꞌwom chalni tato ischejab Comam Dios yehi.

1 Juan 4:11

Hex wuẍtaj hex wanab, hex xahan ay wutiꞌan, yilal coxahann̈en coba hununon̈, yuto hac tuꞌ yu con̈isxahann̈en Comam.

1 Juan 4:21

Comam Jesucristo akꞌn̈ecano huneꞌ cuybanile tiꞌ jet: “Haꞌ mac chiochen Comam Dios, caw yilal isxahann̈enpaxo yuẍtaj,” ẍi Comam.

1 Juan 4:7

Hex xahan ay wutiꞌan, xahanojab chijil coba hununon̈ yuto yin̈ Comam Dios chitit huneꞌ coxahann̈en coba tiꞌ. Tato caw xahan chijil coba hununon̈, chal yelapnoj tato ayon̈xaco yuninalo Comam Dios, johtaxa Comam.