1 Juan 1:9 - Jakalteko

⁹ Tato chijalati comul tet Comam Dios, chiyakꞌcano tan̈o Comam comul jiban̈. Sunil comachiswalilal chiyicanilo Comam jin̈, yuto istoholal chiswatxꞌe Comam, yeb xin sunil tzet chal Comam masan chij isba.

1 Juan 1:9 Iomraidhean Croise

San Mateo 3:6

Yet chalnati anma ismul xin, cat yahcano haꞌ iswiꞌ yu naj Juan yul haꞌ niman Jordán.

San Marcos 1:5

Sunil anma ay yul ismajul Judea yeb anma ay yul con̈ob Jerusalén apni abeno tzet chal naj Juan. Hayet chalnati anma ismul, cat yahcano haꞌ iswiꞌ yu naj yul haꞌ niman Jordán.

San Lucas 22:57

Hayet yaben naj Pedro huneꞌ tuꞌ, yalni naj: —Mach wohtajojan naj chawal tuꞌ, ẍi naj tet ix.

San Juan 17:25

Walach hach tiꞌ Mam, caw toholcano sunil tzet chawatxꞌe. Wal anma ay yul sat yiban̈kꞌinal tiꞌ, caw mach cachyohtajoj. Walinan xin, caw ohtabilach wuhan, caw xin yohtapaxo ebnaj ayco yul inkꞌabtiꞌan tato hach an̈eintijan.

Hechos 19:18

Caw ay anma chabilxa Comam Jesucristo yu apni bey tuꞌ, yichico yalnahti anma sunilal istxꞌojal xa-le-iswatxꞌe yet yalan̈tocanoj.

Romanos 3:26

Hacpax tuꞌ tinan̈, chisyelo Comam Dios tato haꞌ istoholal chiswatxꞌe, yeb ta yexn̈eto iswatxꞌen istoholal yet chon̈yalni Comam cꞌulal yu chijayto yul janma yin̈ Comam Jesucristo.

1 Corintios 1:9

Sunil tzet chalte Comam Dios masan caw chij isba, haꞌ xin Comam quexawtenico yul iskꞌab Iscꞌahol, haꞌ ton Comam Jesucristo Jahawil.

1 Corintios 6:11

Ayex tiꞌ hac tuꞌ heyeco yet yalan̈tocanoj, yajaꞌ wal tinan̈ sajxa ye heyanma yeb yetxa Comam Dios heyehi. Xaquexoc cꞌulal yul sat Comam Dios yu Comam Jesucristo, yeb yu Yespíritu Comam Dios.

Efesios 5:26

Hac tuꞌ yute isba Comam, yakꞌ camo isba yun̈e joc yeto Comam Dios; con̈issajn̈encano yin̈ comul hacaꞌ con̈istxꞌah yu ha haꞌ,

1 Timoteo 1:15

Huneꞌ chiwaltiꞌan caw yelcanoj. Sunil anma yilal yanayto yul yanma tato hulicꞌo Comam Jesucristo yul sat yiban̈kꞌinal tiꞌ yun̈e iscolnicanilo sunil anma mulum. Xol sunil huntekꞌan anma mulum tuꞌ, hanintiꞌan ecꞌbal mulum inan.

Tito 2:14

Haꞌ Comam tuꞌ yakꞌ camo isba coseleloj con̈iscolnilo yin̈ istxꞌojal yul sat yiban̈kꞌinal tiꞌ. Con̈issajn̈e Comam yin̈ comul yun̈e joc iscon̈oboj, yun̈e haxan̈e iscꞌulal chijoche cowatxꞌeꞌ.

Hebreos 10:23

Colin̈bawe coba yin̈ cuybanile xajabe tiꞌ, machojab chicabcon cocꞌul yin̈ tzet ayco yipo janma, huneꞌ bay tzujanon̈icoj, yuto chij isba tzet haltebil jet yu Comam Dios.

Hebreos 11:11

Hacpax tuꞌ ix Sara yayto ix yul yanma yin̈ Comam Dios, yuxin waxan̈ca caw ixnamxa ix yeb xin maẍticꞌa hunu yunin ix, yajaꞌ akꞌlax yip ix yuninwi. Ispitzcꞌa nichꞌan yunin ix yeb yichamil yuto yayto ix yul yanma ta haꞌ tzet chalte Comam Dios masan chiyij isba.

Hebreos 6:10

Yuto Comam Dios istoholaln̈eticꞌa chiswatxꞌe, machi xin chisnahuln̈eto Comam iscꞌulal hewatxꞌe yeb iscꞌulchꞌanil hecꞌul heye tet Comam yet hecolwa yin̈ mac yetxa Comam Dios yehi, huneꞌn̈e haꞌ xin lan̈an hewatxꞌenpaxo tinan̈.

1 Juan 1:7

Comam Dios issajilkꞌinal yehi, yuxinto yin̈ issajilkꞌinal Comam Dios tuꞌ chon̈belwi, caw jetbixa coba hununon̈. Haꞌ xin ischiqꞌuil Comam Jesús, Iscꞌahol Comam Dios, haꞌ chon̈sajn̈en yin̈ sunil comul.

Apocalipsis 15:3

Chanicꞌo anma tuꞌ isbit naj Moisés ischejab Comam Dios, yeb isbit Comam oc xahanbalil, chalni anma tuꞌ: Hach Jahawil, yeb hach coDiosalan̈ caw sunil tzettaj ye tuꞌ chu hawatxꞌeni. Caw aycano yelapno sunil tzet ye tuꞌ watxꞌebil hawu yeb chicꞌay cocꞌul jilni. Istoholal yeb isyelal chawala. Hach tiꞌ yahawilach yin̈ sunilej con̈ob.