Timoti daidi 6:3 - Deoso-ka Yama Hani

³ Owati‑nima mai tihiyarahi, yama‑ya mai watowahabonehe. Ai‑ka Ayo Yeso Kirisito ati‑nima mai ati ni awiriya, yama‑ya mai kanawatobone mai ati na,

Timoti daidi 6:3 Iomraidhean Croise

Mateo 22:21

“I‑di Sesa korimari, oni ne, yinero bako‑ya waane.” Mai ati namaroni. “Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine.

Mateo 28:20

Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Homa 16:17

Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.

Tesaronika daidi 4:8

Oda ati tohara, Deoso ati tohabise, ati dai tokadabi awireya, Deoso ati dai tokadabarani. Deoso ati dai tokadabahi. Deoso amane, Hika Doni‑ya dai‑ya da‑daa.

Timoti daidi 1:10

Mai fanawi one‑ya mai aha, maki mai‑ya mai aha, mai na, mai tamine‑ya i‑di Mose kanahano, yara mai‑ya mai one‑ya mai daa, keyehe‑ya mai hiri, mai na, mai tamine‑ya i‑di Mose kanahano nemarine. Deoso ati oda kamine, oda ati‑nima mai terani. Mose‑ka yama hani ati‑nima Deoso mai‑ya bisinebonane.

Timoti daidi 1:3

Masedoni‑kaya okabone, tiwa ohiyara, “Efesiyo‑ya tiwina, mai tikanawatoyahi, Yeso ati‑ya mai nofabonehe. Mai ati bara‑ya mai‑ya mai kanawata, mai‑ya tiwati barinahi.” Onamaroni. Owati‑maro‑nima tinahi.

Timoti daidi 1:6

Mai one hiniya hiyara mai ati honita tohani.

Timoti yoto‑ke 1:13

Tiwa okanawato‑nima mai tikanawatohi. Deoso ati‑nima owati toha, fara owati‑nima tinahi. Mai tihiyariya, mai tinofiyahi. Yeso Kirisito ati ai nofa nafiyahi.

Timoti yoto‑ke 4:3

Makobote Deoso ati miti‑ya mai nofara, “Ati oda nofe, ati‑nima tiwati niya, tiwati oda nofaboneni. Ati oda nofe, ati‑nima tiwati ni awiriya, mai one oda ati‑nima mai ati na, mai ati oda nofaboneni.” Mai ati naboneni.

Tito 1:1

I‑di Baoro ama·oni. Deoso‑ka yama anini‑ya ani·oteni. I‑di Yeso Kirisito owa‑ya yosemari, Deoso mai hikayawamaro, mai okanawataboneni. Deoso ati‑ya mai watabone, Deoso ati‑ya mai tokadaba nabone, mai okanawataboneni.

Tito 1:9

Deoso ati yokana‑ya mitemari, fare mai‑ya kanawatomakibonane. Ati bare‑ya mai one kamina mai‑ya ati barinebonane.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.