Timoti daidi 5:3 - Deoso-ka Yama Hani

³ Mai‑ka madehe awira, mai‑ka yobote mai abamaro, mai bote toha, mai tikasomahi.

Timoti daidi 5:3 Iomraidhean Croise

Mateo 15:6

‘Sibarini, hika yama‑ya Deoso‑ya daanebona, badi, madi, mai na mai hinofare, yama sibarini.’ Dai ati teni. Deoso ati‑ya dai nofara, ai‑ka idi mai ati dai nofabisineni.

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Roka 2:37

i‑di Ana hasinibisa, hika ano 84 tohameteni. Deoso‑ka yobe‑ya i‑di Ana sawi fawara, yama tehe‑ya Deoso‑ya hiyara, yama soki‑ya Deoso‑ya hiyara, tafi nafira, Deoso‑ya kahiyarameteni.

Roka 7:12

Sidadi‑ka nokobi yakari‑ya mai kakiya, yetene abo‑ya mai diwakana, mai‑ya Yeso awematane. Hibati‑ya badi abe, madi ohari wama, bidi ohari abamakitasematane. Nahi‑ya mai wi‑wina mai dama fana‑ya mai dabameteni.

Yowaho 1:47

Mai towakama, Yeso‑ya mai kobokana, Natanaeo‑ya Yeso hiyare, “Isara·eo‑ka nodi yokana amatini. Tiwa ene amosa hinama tohani.” Yeso ati ne,

Yeso‑ka yo‑yose mai tamine 6:1

Yeso ati‑ya mai no‑nofa mai dodamawaha, mai fanawi bote honita toha, mai tafe‑bone‑ya mai daateni. Kereko mai ati yawawaha, “Oda‑ka fana bote mai honita waha‑ka yamata‑bone dai daana bi‑bidi, Yodeo dai‑ka fana bote mai honita waha‑ka yamata‑bone dai daana ba‑basi teni.” Mai ati namoneni.

Yeso‑ka yo‑yose mai tamine 9:39

Bedoro eyehe mai kama, yobe nemehe‑ya mai tokomisama, mai fanawi honita toha, hibati‑ya mai‑ka yobote mai abamaro, mai‑ya Tabita ka‑kasoma, abawaha, tabiyo mai ohina, mai naha, “Bedoro, oda‑ka bora i‑di Doka wamahinamaro, tiawahi.” Mai ati na.

Yeso‑ka yo‑yose mai tamine 9:41

Bedoro Tabita yahi‑ya waratone, Tabita‑ya nawaamisame, mai fanawi honita‑ya haa, Yeso ati‑ya mai no‑nofa mai‑ya haa ne, mai kamake, “Tabita kitama, dai awahi.” Ati nemonane.

Tesaronika daidi 2:6

Oda‑ya dai kahiyara oda ati rihi, mai one oda‑ya mai kahiyarabone oda ati rihi teni. Yeso Kirisito‑ka yo‑yose oda toha, oda‑ya dai kasomahi oda ati na‑mani, yama sibara neni. Haa‑nima oda ati terani.

Timoti daidi 5:2

Ami tihiyari‑nima mai fanawi bote tihiyarahi. Asima tihiyari‑nima atona mai tihiyarahi. Mai nokotiniriyahi.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Bedoro daidi 2:17

Deoso ati‑ya dai no‑nofa dai ene‑ya mai awiya, mai yawaraboneni. Deoso ati‑ya mai no‑nofa mai dai nofa, Deoso ati‑ya dai tokadaba, kofeno‑ka hidi mai ati‑ya dai tokadaba, dai nahi.

Bedoro daidi 3:7

Mai makidi dai toha, owati dai mitahi. Dai faniya, dai‑ka yibote mai dai kasomiyahi. Yama‑ya mai weyeniya, mai‑ka yama kote dai weyekana, yama‑ya mai anina, mai dai kasoma nahi. Dai‑ka yibote mai dai weera, mai tamine dai hiyara, mai dai kahiyarabisahi. Dai kiti na‑nafi na, mai fanawi kiti bi‑bidi na, mai dai kasomahi. Mai dai kasomara, Deoso‑ya yama‑ya dai haaniya, dai ati‑ya mitarebonane. Deoso‑ka dai toha, Deoso‑ka dai‑ka yibote toha nineni.