Timoti daidi 4:8 - Deoso-ka Yama Hani

⁸ Ai kiti nafebone, ai yaka, yama ai ani ai teni. Hibayata yakani ai‑ya kasomi bide toha, makobote ai‑ya kasomi terani. Ai‑ya ai kasomi ba‑basi nabone, Deoso ati ai tokadabahi. Deoso ati ai tokadaba, hibayata ai‑ya kasoma, makobote ai‑ya kasomahari nebonane.

Timoti daidi 4:8 Iomraidhean Croise

Mateo 12:32

Owa‑ya mai weeniya, makobote owati‑ya mai nofawaha, mai ihi manakone Deoso haanamarebonane. Deoso‑ka Doni‑ya mai weeniya, mai ihi manakone wada, mai manakone fawateraboneni.

Mateo 19:29

Owati dai mitahi. Owati‑ya mai tokadaba ihi mai‑ka yama nafi‑ya mai tonawadakosa, mai ihi manakone wadaboneni. Mai‑ka yobe, mai‑ka fadara, mai‑ka ayo, mai‑ka asima, mai‑ka abi, mai‑ka ami, mai‑ka madehe, mai na, mai tonokosa, mai manakone amosa‑ya mai kayafaboneni. Mai manakone fiyakanaboneni. Makobote mai abateraboneni.

Mateo 6:33

Neme‑ke ai nafi‑ka hidi kitabote tohawahebona dai nokotoniya, Deoso ati dai tokadabiya, dai‑ka yama‑bone‑ya Deoso daanebonane.

Maroko 10:30

Mai ihi amosa 100 kana manakone‑nima manakone naboneni. Bofe‑ya mai winanasa niya mai ihi amosa manakone kote‑ya mai kayafaboneni. Yobe toha, mai‑ka ayo mai toha, mai‑ka asima mai toha, mai‑ka ami mai toha, mai‑ka madehe toha, fadara toha na‑ya, mai one kayafaboneni. Bofe‑ya mai winanasa niya yama towe‑ya mai one kayafahare, mai‑ya mai one bisinaboneni. Makobote mai abateraboneni.

Homa 8:28

Deoso ai‑ya kadikematane, Bidi i‑di Yeso‑nima ai nawahabonehe. Deoso‑ya ai nofa yama ai‑ya kobona, ai‑ka awi towe toha, ai‑ka awi amosa toha na, ai‑ya koboniya, Deoso ai‑ya kasome ene ai watoneni.

Korito daidi 3:22

Owa, i‑di Aboro, i‑di Bedoro, oda na, dai‑ka oda amani. Deoso ene yama nafi dai‑ya kasomaboneni. Dai hasiniya, Deoso dai‑ya kasoma, dai abiya, dai‑ya kasoma neya, dai kasomi‑ya fawaterebonane.

Korito daidi 8:8

Bani ai kabe ene Deoso ai‑ya nofi na‑nafi ni awirihi, ai‑ya nofi bi‑bidi ni awirihi, bani ai kabare ai‑ya nofi na‑nafi ni awirihi, ai‑ya nofi bi‑bidi ni awirihi nane.

Timoti daidi 4:7

Deoso ati‑ta tinofabisahi. Hiyara bote‑ya mai hiyariya, mai ati tinofariyahi. Tiwa‑ya tinawadahi, Deoso ati‑nima tinabonehe.

Timoti daidi 6:3

Owati‑nima mai tihiyarahi, yama‑ya mai watowahabonehe. Ai‑ka Ayo Yeso Kirisito ati‑nima mai ati ni awiriya, yama‑ya mai kanawatobone mai ati na,

Timoti daidi 6:5

Yeso ati‑ya mai nofara, “Yeso ati oda ati nofa, mai oda kanawatoya, yinero nafi oda kayafaboneni.” Mai atibodi ati na. Mai ihi Yeso ati‑ya mai one nofara, mai ibi ati tokatoweboneni.

Timoti daidi 6:6

Deoso ati ai tokadabiya, ai ya‑yaina, yama dama ai kayafa‑nima yama naboneni.

Timoti yoto‑ke 3:5

“Deoso‑ka ama·oni.” Mai ati na, Mai ihi amosawamara. Timoti, mai‑ya tisawiriyahi.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.

Ebereo 13:9

Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Yowaho daidi 2:25

Deoso Bidi i‑di Kirisito ai‑ya sawi, ai abaterabone ati nane.

Yeso Kirisito ene‑bona 3:12

Dai maakani awiriya, Deoso‑ka yobe fowari ewene‑nima dai nabone, Deoso‑ya dai sawiteboneni. Oka Deoso oni‑ya dai‑ya okanahanowahaboneni. Owa oni yati‑ya dai‑ya okanahanowahaboneni. Oka Deoso tabaro oni‑ya dai‑ya okanahanowahaboneni. Deoso tabaro oni Yerosare yati tohineni. Fara oka Deoso tabora‑ya yanana, bofe‑ya kisaboneni.

Yeso Kirisito ene‑bona 3:21

Bofe‑ya osawemaro, hawi bai‑ya maa·okani awiramaroni. Makobote Okobi owa‑ya yose, yama nafi‑ka hidi ohawahineni. Hawi bai‑ya dai maakani awiriya, dai‑ya oyosemakebone, mai‑ka hidi bidi dai tohawahaboneni.