Timoti daidi 4:6 - Deoso-ka Yama Hani

⁶ Deoso ati‑ya tiwa‑ya okaminamaro, Yeso ati‑ya mai no‑nofa mai‑ya tihiyaramakitasahi. Owati‑ya mai‑ya tihiyariya, sibaraboneni. Haa‑nima Yeso Kirisito‑ya ai na‑narifa ai teni. Yeso ati‑ya tiwatowahaboneni.

Timoti daidi 4:6 Iomraidhean Croise

Mateo 13:52

“Mose‑ka yama hani ati‑ya mai ka‑kamina Neme‑ke ai nafi‑ka hidi kitabote tohawahebona tamine‑ya mai watomakiniya, yama nafi‑ya mai wataboneni. Mai one‑ya mai kanawataboneni. Yama hani‑ya kanahanomata tamine toha, hibayata ati tamine toha ne‑ya mai‑ya mai kanawataboneni.” Yeso ati nemarine.

Roka 1:3

Mai ati omita, mai‑ka yama hani okadika, yama owatowahamaroni. Ti·ofiro, tika yama hani‑bone okanahanoneni. Yeso ene tamine okamini amosineni.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 20:31

Dai noko wadahi. Dai atibodi yama‑ya watoyahi. Dai ati kadamowamariyahi. Faha fowe fama, faha fowe oharimaki niya, dai ohiyaramaroni. Yama tehe‑ya dai‑ya ohiyara, yama soki‑ya dai‑ya ohiyara oteni. ‘Dai noko wadahi.’ Ona, dai tabiyo ohi·onamaroni.

Yeso‑ka yo‑yose mai tamine 20:35

Dai yofi·okana, yama‑ya ani·ona, dai kiyana, dai okasoma, onamaro, owa‑nima dai niyahi. Dai yofi·okanani. Yeso ati‑ya dai ati kadamowamariyahi. ‘Yama‑ya dai‑ya mai daana, Deoso dai‑ya kasomi bi‑bidi, yama‑ya dai daana, Deoso dai‑ya kasomi ba‑basi nibisane.’ Yeso ati nemona,” Baoro ati nemarine.

Homa 15:15

Dai‑ka yama hani‑bone okanahana, owati kiti ba‑basi na, yama dai watamaro dai kadikamatasaboneni. Deoso owa‑ya kadike, owa‑ya kasomemarine, dai‑ya okanawatabonehe.

Korito daidi 4:17

Owati‑ya dai ati kadamowamarabone, i‑di Timoti oyoseneni. I‑di Timoti onofi nafi, oka dao‑nima ne. Yeso Kirisito tamine‑ya okamine, owati‑nima nemari, fare oka dao amane. Mai tabori‑ya mai okanawato‑nima dai tabaro‑ya i‑di Timoti dai‑ya kanawatomakitasebonane.

Korito yoto‑ke 11:23

Yeso Kirisito mai‑ya yosemona mai ati na, owa‑ya yoseharimarine. Ka‑kana mai ati‑nima owati namatasaboneni. Mai ihi‑ya owa ene fiyakana, owa‑ya mai bisini fiyakana, owa‑ya mai kosini fiyakana, owa‑ya kadeya‑ya mai nafoyi fiyakana, owa abi yanatoni fiyakana nineni.

Korito yoto‑ke 3:6

Deoso ati‑ya i‑di Mose kanahanomata, ati nafi ai tokadabara, ai manakone wadateni. Ai manakone abara‑mani, ai aba neni. Deoso oda‑ya yose, ai manakone‑ya Yeso nanahabe tamine dai‑ya oda kaminaboneni. Ati ai nofe, ai manakone wadamarabone, Deoso‑ka Doni ai‑ya sawi, Deoso‑ka Doni ene Deoso‑ka ai toha ai wata, Deoso tabaro‑ya ai winaboneni.

Korito yoto‑ke 6:4

Deoso‑ka oda toha Deoso ati yokana oda kamine‑ya mai watabone, oda ene amosateni. Oda‑ka yamata wadara, oda ati yawara. Oda‑ya mai bisina, mai oda weera. Oda atibodi koma, oda ati yawa kanibote ra. Oda ene amosa‑ya mai awa, Deoso‑ka oda toha, Deoso ati yokana oda kamine oda‑ya mai wataboneni.

Efesiyo 6:21

I‑di Tikiko i‑di Kirisito ati‑ya nofi nafi, oda‑ka soho amane. Yeso ati oda kamine, oda‑ya kasomatene. Dai tabaro‑ya tokebonane, owa tamine‑ya kaminebonaha.

Firibo 2:20

Owa‑nima Timoti ne, dai‑ya nofi nafine. Mai one dai‑ya nofi bi‑bidi na, i‑di Timoti‑ta dai‑ya nofi nafine.

Firibo 2:22

I‑di Timoti ene dai awemari, ene sibaremarine. Oka dao‑nima i‑di Timoti ne, oda fama, Deoso‑ka yama oda aninineni, Deoso Ati Amosabote mai watowahabonehe.

Firibo 3:16

Hibati‑ya Deoso ati ai tokadabamaro, Deoso ati ai tokadabasahi.

Koroso 2:19

Yeso Kirisito ati‑ya mai nofarani. Yeso Kirisito ai‑ka hidi amane. Ai atibodi ai‑ya yose, ati ai tokadabateni, Fara‑nima Kirisito ai‑ya yose, ati ai tokadabahareboneni. Kirisito ati ai no‑nofa ai atibodi ati ai tokadaba‑nima Yeso Kirisito ati ai tokadabahi. Madehe yana, tonafe‑nima Kirisito ati ai tokadaba, Deoso ene yama ai wato ba‑basi nawahaboneni.

Koroso 3:16

Kirisito ati dai kadiki nafiyahi. Dai‑ka mai‑ya ati nafi dai kanawatohi. Mai ihi amosabone, mai‑ya dai kamina, Deoso‑ka wayoma dai hirina, dai ya‑yaina, Deoso‑ya dai kahiyarahi.

Koroso 4:7

Dai tabaro‑ya i‑di Tikiko tokebona, owa tamine‑ya dai‑ya hiyarebonane. Deoso ati‑ya nofe, Deoso ati‑ya kaminatene. Deoso haahinemarine, ai‑ka ayo i‑di Kirisito ati‑ya kaminebonaha.

Tesaronika daidi 3:2

Oda‑ka soho, i‑di Timoti oda yose, dai tabaro‑ya tokemarine. I‑di Timoti dai awa, dai habo kitawahabone oda ati namaroni. Kirisito ati‑ya hiyarane, Kirisito ati dai nofi ba‑basi nabonehe.

Timoti daidi 1:10

Mai fanawi one‑ya mai aha, maki mai‑ya mai aha, mai na, mai tamine‑ya i‑di Mose kanahano, yara mai‑ya mai one‑ya mai daa, keyehe‑ya mai hiri, mai na, mai tamine‑ya i‑di Mose kanahano nemarine. Deoso ati oda kamine, oda ati‑nima mai terani. Mose‑ka yama hani ati‑nima Deoso mai‑ya bisinebonane.

Timoti daidi 4:16

Tiwa noko wadahi. Deoso ati yokana tikamina, Deoso ati‑nima tiniya, Deoso tabaro‑ya tiwinawahaboneni. Tiwati‑ya mai mita, tiwati‑ya mai tokadabiya, Deoso tabaro‑ya mai winahareboneni.

Timoti daidi 6:3

Owati‑nima mai tihiyarahi, yama‑ya mai watowahabonehe. Ai‑ka Ayo Yeso Kirisito ati‑nima mai ati ni awiriya, yama‑ya mai kanawatobone mai ati na,

Timoti yoto‑ke 1:6

Hibati‑ya tiwa tati‑ya owa yehe fore ene Deoso tiwa‑ya kasomane yama‑ya tiwatowahabonehe. Tiwa habo kitamaro, Deoso ati tikaminiya, tiwa habo kitasa nahi.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Timoti yoto‑ke 4:3

Makobote Deoso ati miti‑ya mai nofara, “Ati oda nofe, ati‑nima tiwati niya, tiwati oda nofaboneni. Ati oda nofe, ati‑nima tiwati ni awiriya, mai one oda ati‑nima mai ati na, mai ati oda nofaboneni.” Mai ati naboneni.

Tito 2:1

Tiwa‑ta Deoso Ati Amosabote tihiyarahi, Deoso ati‑nima mai nabonehe.

Bedoro daidi 2:2

Madehe borehe madi yohari fahi‑ya mai nokotoniteni, mai yanabonehe. Fara‑nima ai‑ka Abi i‑di Deoso ati ai nokotonihe, ai ene amosawama, neme‑ya ai winawahaboneni.

Yowaho yoto‑ke 1:9

Yama nafi‑ya mai watobisamone mai ati na, Kirisito ati‑ya mai tokadabara, Deoso mai‑ya sawiterene. Kirisito ati‑ya mai tokadaba, Deoso mai‑ya sawi, Deoso Bidi mai‑ya sawi tene.

Yoda‑ka yama hani 1:5

Hibati‑ya yama tamine dai mitamaro, tamine okanahanomatasaboneni. Eyito‑ya ai‑ka idi mai wina, mai‑ya Yeso kasome, mai‑ya i‑di Mose kakamematane. Makobote Deoso ati‑ya mai one tokadabara, mai‑ya Yeso nanahabematane.