Timoti daidi 4:12 - Deoso-ka Yama Hani

¹² Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Timoti daidi 4:12 Iomraidhean Croise

Mateo 18:10

“Owati dai mitahi. ‘Madehe towe hini tohiya.’ Dai atibodi ati riyahi. Okobi tabaro‑ya Deoso‑ka yo‑yose madehe‑ya mai kayawateni.

Korito daidi 11:1

Kirisito‑nima oteni. Owa‑nima dai niyahi.

Firibo 4:8

Oka soho dai toha, owati dai mitahi. Owati fawani yanatoni. Yama amosa toha, mai ati amosa, mai ihi amosa toha na, mai tamine‑ya dai atibodi kadikabisahi. Dai‑ya mai kasoma, mai one‑ya mai kasoma na, mai ihi amosa, mai‑ya mai atibodi kahiyara, mai ihi amosi ba‑basi na, mai tamine dai kadika nahi.

Tesaronika daidi 1:6

Oda‑nima dai nawaha, i‑di Yeso‑nima dai nawahamaroni. Yeso ati dai no‑nofa, dai‑ya mai bisina, dai yawara, dai ya‑yaina, Deoso‑ka Doni dai‑ya sawi ene dai ya‑yainawahamaroni.

Tesaronika daidi 2:10

Oda ene dai awa, oda ene‑ya i‑di Deoso awa ne, Deoso ene‑nima oda ene namaroni. Yeso ati‑ya dai no‑nofa, dai‑ya oda sawe, oda ene sibaramaroni.

Timoti daidi 1:14

Yeso ene sibare, hibati‑ya mai bisi·ona, Yeso onofara, Yeso owa‑ya nofe, ati ene Deoso ati‑ya onofawaha, hika mai onofawahineni.

Timoti yoto‑ke 2:15

Timoti, tiwa noko wadahi. Deoso ati tikadika, Ati Amosabote mai‑ya tikamine, Deoso tiwa ene‑ya kadikeya, tiwa habo siitoraboneni.

Timoti yoto‑ke 2:22

Yetene mai ihi towe‑nima tinirihi, kawi nokotinirihi, mai fanawi nokotinirihi, Yeso‑ta nokotinibisahi. Yeso‑ya mai nofa mai tisawihi. Tiwa ene amosahi, Yeso mai‑ya nofa‑nima mai‑ya tinofahi, mai‑ya tiwatibodi ati somahi, tiwatibodi tiwa‑ya weenamakiraboneni.

Timoti yoto‑ke 2:7

Owati timitiya, owati tikadikiya, Kirisito tiwa‑ya kanawatobonane. Yeso Kirisito tiwa‑ya kanawato, yama nafi tiwatowahaboneni.

Tito 2:15

Tito, eya tinahi. Mai tikanawata, mai ihi amosara mai weetinahi, mai ihi amosabonehe. Mai tikasomahi, Yeso ati‑ya mai nofawahabonehe. Yeso ati tihiyariya, tiwati‑ya mai mitiyahi.

Tito 2:7

Tito, owati‑nima tiyahi. Tiwa ene amosa‑ya mai awiya, tiwa ene‑nima mai ihi naba awineni. Mai‑ya tikanawatoya, tiwa ene amosa tiwatibodi ati‑nima tiwati tohahi.

Tiyako 3:13

Yama‑ya dai wa‑wato dai ene amosa tamine‑ya dai hiyari awira, mai‑ya dai kasoma, dai ene amosa‑ya mai awa, yama dai wata dai‑ya mai watowahaboneni.

Tiyako 3:17

Deoso ene yama‑ya mai wato yokana toha, mai ihi amosa mai ibi weerihi, mai ati kitarihi, mai one ati‑ya mai mita, mai one tosaware, mai‑ya mai ati somawamateni. Mai ihi amosa dama, mai dami‑ya mai nofa, mai atibodi ati‑nima mai ihi teni.

Bedoro daidi 5:3

Mai dai weenadiriyahi. Hiniya mai dai kasoma, dai ene amosiya, dai ene‑ya mai awiya, yama‑ya mai watowahiya, Deoso ati‑ya mai tokadababoneni.