Timoti daidi 4:10 - Deoso-ka Yama Hani

¹⁰ Ai‑ka Hidi i‑di Yeso Kirisito abemari, kitame, abamaterebonane. Ai‑ka Hidi ati ai nofa ene yama‑ya ai ani, ai‑ya mai bisiteni. Ai‑ya Yeso nakitamebona ati ne, fara ai nimaneni.

Timoti daidi 4:10 Iomraidhean Croise

Mateo 16:16

“Deoso‑ka Ka‑kadika amatini. Deoso yokana Bidi amatini.” Simaho Bedoro ati nemarine.

Mateo 27:43

Deoso ati‑ya nofemona ati ne, Deoso hinakisameba awane. Deoso Bidi‑mona Deoso hikayaweba awane.” Mai ati nameteni.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 4:42

Fana‑ya mai hiyara, “Yeso tamine tikamina, tiwati oda nofaroni. Hibayata‑ka Yeso ati oda mitawaha, Yeso ati oda nofa, ati oda tokadabawahane. Bofe‑ya mai wi‑wina mai nafi‑ya kasomebona oda watowahane.” Mai ati namaroni.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito yoto‑ke 1:10

Oda ababone oda ati na, oda abi yanatona, Deoso oda‑ya kasome, oda abi yanatonamatasiya, Deoso oda‑ya kasomatasebona oda ati nineni.

Timoti daidi 2:3

Mai nafi tamine ai hiyariya, ai‑ya Ka‑kasoma i‑di Deoso ya‑yainebonane.

Timoti daidi 2:4

Yeso ati mai dami nofabone, keyehe‑ya mai nofara, Deoso hawine yokana‑ya mai dami watabone, Deoso atibodi nofatene.

Timoti daidi 2:6

Yama nafi hawa tohiya, Deoso ati ene Yeso kamemarine, ai nafi manakone‑ya nanahabebonaha. Fare tamine‑ya ai hiyarahi mai nafi‑ya.

Timoti daidi 3:15

Okomaki kanibote oni awiriya, yama tiwatowahaboneni. Deoso‑ka mai ai toha, haa‑nima ai ene naboneni. Deoso‑ka mai ai toha, ai ene‑ya mai awiya, Deoso‑ya mai watowahaboneni. Yobe ewene amosare, yobe soneba awane. Fare‑nima ai ene amosara, Deoso Ati Amosabote mai watoraba awineni.

Timoti daidi 6:17

Mai‑ka yinero dame, mai tihiyara, “Dai‑ya dai kahiyarariyahi. Dai‑ka yinero dai nokotoniriyahi. Deoso ati‑ta dai nofabisahi. Deoso ati dai nofiya, dai‑ka yamata‑bone‑ya dai‑ya daanebonane.” Tinahi.

Ebereo 11:26

Kirisito ati okadaba, owa manakone ba‑basi, Fara·o ati okadabiya, owa manakone bi‑bidi nibisaboneni. Kirisito ati okadababoneni.” Mose atibodi ati nematane.

Ebereo 13:13

Yeso‑ka hawi‑ya ai sawe, ai‑ya mai kakaboneni. Ai‑ya mai kakoya, sibaraboneni.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Yowaho daidi 2:2

Yeso ai manakone‑ya nanahabemari, Yeso ati ene Deoso ai‑ya yawamaterebonane. Ai nafi manakone‑ya Yeso nanahabemarine.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.