Timoti daidi 4:1 - Deoso-ka Yama Hani

¹ Deoso‑ka Doni ati dai mitahi. Yeso kami yakari‑ya Yeso ati‑ya mai ati nofa, ati‑ya mai ati nofami awiraboneni. Madi mai ati‑ya mai nofawaha, madi mai ati‑nima mai nawahaboneni.

Timoti daidi 4:1 Iomraidhean Croise

Mateo 18:7

Ka! Bofe‑ya mai wi‑wina mai one ati ihi owati‑ya mai one tokadabara, mai ihi manakone wadani.

Roka 17:1

Yeso hika mai da‑daba mai‑ya hiyare, “Mai one ati ihi owati‑ya mai one tokadabaraboneni. Ka! Hini mai ihi tohiya, mai manakone wadaboneni.

Yowaho 16:13

Deoso‑ka Doni Deoso ati yokana‑ya ka‑kamina koboneya, Deoso ati nafi‑ya yofikanebonane. Hini ati ene ati yanani awirebona, yama himita‑ya kaminabisebonane. Yama nabone tamine‑ya kaminebonane.

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 17:18

Ebekoriyo mai toha, Esitoiko mai toha na, Baoro‑ya mai hiyara, Deoso tamine‑ya mai ibi hiyara, “Baoro yama‑ya watore, hini yamata‑nima ati nati?” Mai one ati na. “Mai one‑ka deoso tamine‑ya hiyare awane.” Mai one ati na. Yeso abe, kitame ene ai kitamaharebone tamine‑ya Baoro hiyarane. Ai kitamabone tamine‑ya mai mita, yama‑ya mai watorani.

Yeso‑ka yo‑yose mai tamine 20:23

Ai tabaro dami‑ya Deoso‑ka Doni ati ene‑mona owa‑ya mai hiyarateni. ‘Yerosare‑ya tikiya, kadeya‑ya tiwa‑ya mai nafoyiya, tiwa‑ya mai bisinaboneni.’ Mai ati teni.

Yeso‑ka yo‑yose mai tamine 21:11

I‑di Baoro‑ka sitaraho‑ya waratone, hini teme‑ya soki, mano‑ya soki ne, ati yanane, “Deoso‑ka Doni ati dai mitahi. ‘Haa‑nima sitaraho hidi‑ya mai sokini naboneni. Yerosare‑ya tokeya, mai sokihineya, Bara mai‑ya mai daahinebonane.’ Ati ne.” Akabo ati nemarine.

Yeso‑ka yo‑yose mai tamine 28:25

Baoro hiyari hawa tohi yanatoneya, mai ibi weena, mai‑ya hiyaramatase, “Hibati‑ya Deoso‑ka Doni dai‑ka idi mai tamine‑ya kamine, ati‑ya Deoso ati‑ya mi‑mita‑mata i‑di Isa·iya kanahanomatane. Fare ati‑nima yama na,

Korito daidi 10:20

Owati dai mitamatasahi. Mai‑ka deoso bare‑mona‑ka bani tohemona, madi mai‑ka bani tohabisane. Madi mai‑ya dai kahiyarariyahi. Madi mai eyehe bani‑ya dai kayafariyahi.

Korito daidi 11:19

Dai yorotokana, dai one tamine‑ya dai hiyara, “Yama‑ya mai wato awirini. Deoso oda‑ya kanawato, yama oda watobisineni.” Dai ati na, Mai one ati‑ya mai nofarabone, dai ati‑ta‑ya mai nofabone dai atibodi nofateni.

Korito daidi 12:11

Deoso‑ka Doni ohari, ene dame, ai‑ya yama‑ya ati daane, yama‑ya ai‑ya daatene.

Korito daidi 2:10

Yama ai watoramaro Deoso‑ka Doni ai‑ya kanawatowahe, ai‑ka yama nafi‑ya wato, Deoso atibodi ati‑ya wato nane.

Korito yoto‑ke 11:3

Hibayata dai tamine omita, owa habo siitoneni. Hibati‑ya i‑di Efa i‑di Satanasi ati‑ya nofamete‑nima Satanasi ati dai nofawahaba awineni. Satanasi ati dai nofa‑mani, Kirisito ati ohari dai nofara neni.

Koroso 2:18

Dai‑ya mai keyeheriyahi. “Wada owa ihi yama owatowahani.” Mai ati na, mai ati dai nofariyahi. “Deoso‑ka yo‑yose mai dai kahiyara, dai abano dai nofara, dai abano dai nakomahi, Deoso dai‑ya nofi ba‑basi nebonane. Owa abano onofara‑nima dai abano dai nofara, hini owa ene Deoso wadarine oawateni.” Mai ati na, mai ati dai nofariyahi.

Timoti yoto‑ke 3:13

Mai ihi towe toha, mai ihi towe ba‑basi naboneni. Mai one‑ya mai keyeheneni. Mai one mai hikayeheriya, mai ati‑ya mai nofahareboneni.

Timoti yoto‑ke 4:4

Deoso ati‑ya mai mitami awiraboneni. Mai one keyehe‑ya mai hirina mai ati‑ya mai mitabisaboneni. Hiyara bote‑ya mai nofabisaboneni.

Tiyako 3:15

Haa‑nima Deoso ene terene. Haa‑nima Satanasi ati‑ya mai no‑nofa mai ihi teni.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro yoto‑ke 2:1

Hibati‑ka mai one Deoso ati‑ya mai mitamone mai ati na, bara mai ati‑ya mai kaminabisa, Deoso yokana ati‑ya mai kaminarameteni. Fara dai tabaro‑ka dai‑ya mai ka‑kanawato, mai one Deoso yokana ati‑ya mai kamina, mai one‑ta Deoso ati‑mona‑ya mai kamina, deoso bare ati‑ya mai kaminabisineni. Mai ati dai tokadabiya, Deoso yokana ati‑ya dai nofaraboneni. “Yeso Kirisito ai‑ka hidi tohi awire, ai manakone‑ya nanahabi awirane.” Mai one ati naboneni. Keyehe‑ya mai hirina, hini mai ati ihi mai abawahaboneni.

Bedoro yoto‑ke 3:3

Yama dai watohi. Yeso kami yakari‑ya dai‑ya mai hahakanaboneni. “Yeso kamebona dai ati na, Yeso kamaterebonane.” Mai ati naboneni. Mai atibodi towe ati‑nima mai naboneni.

Yowaho daidi 2:18

Oka dao dai toha, owati dai mitahi. Ai amoni fa‑famaraba ni‑ya Yeso kamebonane. Kirisito‑ya ka‑kako kakibona tamine dai mitemarine. Hibayata Kirisito‑ya mai dama mai kakoneni. Kirisito‑ya mai kaka, mai ai awa, Yeso kami nahore ai watoboneni.

Yowaho daidi 4:6

Deoso‑ka ai toha, Deoso‑ka mai one ai ati‑ya mai nofateni. Deoso‑ka mai tohara ai ati‑ya mai nofaterani. Ai ati‑ya mai nofa, Deoso‑ka mai toha mai ai wato. Ai ati‑ya mai nofara Satanasi‑ka mai toha, mai ai wato teni.

Yoda‑ka yama hani 1:18

“Yeso kami yakari‑ya bara mai kakeboneni. Deoso‑ya mai weenabone, hini mai atibodi ati kasira ati‑nima mai naboneni.” Yeso‑ka yo‑yose mai ati namaroni.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.

Yeso Kirisito ene‑bona 13:14

Bani Hame wami‑ke ene kite‑ya bofe‑ka mai awa, hika keyehe mai hikadaba, “Bani Hame faha‑ke yima ihi‑ya nawademari, kitame, korimari dai wamanahi, korimari dai kahiyarebonaha.” Bani Hame wami‑ke ati nene.

Yeso Kirisito ene‑bona 16:14

Satanasi‑ka madi mai amani. Mai noki‑ya mai ihi kitineni. Bofe‑ka hidi webote mai‑ya mai haaneni. Mai‑ka sodado mai‑ya mai yorotokana, Deoso‑ka mai‑ya mai nanahababonehe. Deoso mai‑ya bisini kitabisebonane. Deoso kitabote amane.

Yeso Kirisito ene‑bona 18:2

Ati yanane, ati kite, “Babironi kita abi fama, madi towe mai‑ka tabora tohawahani. Bani mai afe wada, mai kabara, mai‑ka tabora tohawahineni.

Yeso Kirisito ene‑bona 18:23

Babironi‑kaya nabarina wahi wadamateraboneni. Babironi‑kaya mai fanamateraboneni. Mai ihi towe manakone amani. Fara Babironi‑ka yama mai da‑daa yinero webote‑ya mai kiha, mai ati ihi bofe‑ka mai nafi yinero‑ya mai nokotonihe. Mai ihi towe amani.

Yeso Kirisito ene‑bona 19:20

Mai kiti awirani. Bani Hame faha‑ke toha, Deoso ati‑ya mi‑mita‑mona ati ne toha, mai na, mai‑ya mai wata, mai‑ya mai nanahabi awira, hiniya wara hirini‑ya yati hirini sawini‑kaya mai‑ya mai korotoniki amani. Deoso ati‑ya mi‑mita‑mona ati ne, hiniya keyehe‑ya hi‑hiri, ene kite bofe‑ka mai awiya, hika keyehe mai hikadabamaroni. Bani Hame faha‑ke‑ka yo‑yose amane. Keyehe‑ya hi‑hiri ene Bani Hame faha‑ke oni korimari‑ya bofe‑ka mai kobobokanihe, Bani Hame faha‑ke korimari‑ya mai kahiyara namaroni.

Yeso Kirisito ene‑bona 2:11

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Deoso‑ka hawi bai‑ya dai maanamara, dai amosineni. Yama kome fawarabone‑kaya dai tokaraboneni.” Ati nene.

Yeso Kirisito ene‑bona 2:17

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Hawi bai‑ya mai maanamara, mai amosineni. Deoso‑ka baho oni mana toha, hibati‑ya kemamaro, fara mai‑ya daa·onaboneni. Mai‑ka yati bide sawa‑ba daa·onaboneni. Yati bide mese‑ya mai oni yati okanahanaboneni. Mai oni yati mai one hiwatoraboneni.” Ati nene.

Yeso Kirisito ene‑bona 2:29

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.

Yeso Kirisito ene‑bona 2:7

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Hawi bai‑ya mai maanamara, mai amosineni. Owati ihi ai abarabone‑ka awa bono‑ya mai kababoneni. Deoso tabaro amose bai‑ya awa bono ade waineni.” Ati nene.

Yeso Kirisito ene‑bona 20:10

Diaboro mai‑ya keyehemari wara hirini‑ya korohiniwahene. Wara hirini‑ya Bani Hame faha‑ke hibati‑ya sawi, Deoso ati‑ya mi‑mita‑mona ati ne hiniya keyehe‑ya hi‑hiri hibati‑ya sawi, fara wara hirini, yati hirini na sawi‑kaya mai toka, yama tehe‑ya mai kome tohanadi, yama soki‑ya mai kome tohanaba, mai kome kita fawateraboneni.

Yeso Kirisito ene‑bona 20:8

Satanasi kimisameya, bofe‑ka mai nafi‑ya keyehe‑ya hirinebonane. Koki‑ka sodado mai toha, Makoki‑ka sodado mai toha, mai na, Satanasi mai‑ya yorotokanihibonane. Faha webote widi‑ka siki‑nima mai na, mai dama mai kadiki ai watoraboneni.

Yeso Kirisito ene‑bona 3:13

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.

Yeso Kirisito ene‑bona 3:22

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.

Yeso Kirisito ene‑bona 3:6

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.

Yeso Kirisito ene‑bona 9:20

Ai one hasina, mai atibodi yama‑ya kadikarani. Hibati‑ke madi towe toha, mai‑ka deoso oro wamani toha, mai‑ka deoso barata wamani toha, mai‑ka deoso metaho owa wamani toha, mai‑ka deoso yati wamani toha, mai‑ka deoso awa wamani toha ne, yama noki awirihi, narabi hawirihi, yakani wadarihi na, fara‑ya mai kahiyara, mai ihi towe fawani awirani.