Timoti daidi 3:7 - Deoso-ka Yama Hani

⁷ Ene amosabise‑ya mai awa, Deoso ati‑ya mai nofara mai ati fawanaboneni. Ene amosare‑ya mai awiya, mai ati fawaraboneni. Hiniya fai‑ya mai weenaboneni. Fai ati‑ya mai one nofamarihi naboneni. Ene amosare, ene Satanasi ya‑yainebonane.

Timoti daidi 3:7 Iomraidhean Croise

Maroko 4:11

“Deoso ai nafi‑ka hidi kitabote tohawahebona tamine dai watowahaboneni. Mai one‑ya ohiyara, owati okahemobisateni.

Yeso‑ka yo‑yose mai tamine 10:22

“Sodado mai‑ka hidi i‑di Koneriyo oda‑ya yosene. I‑di Koneriyo amosabote amane. Deoso ati‑ya nofe, Yodeo mai nafi hinofatene. Mahi owa‑ya Deoso‑ka yo‑yose‑ya awe, tiwa‑ya haanebona, tiwati‑ya mitebona Deoso‑ka yo‑yose ati nemonane.” Mai ati na.

Yeso‑ka yo‑yose mai tamine 22:12

Damaso‑ya Ananiya wine, amose, Mose ati‑nima ne, Yodeo mai nafi hinofatene.

Yeso‑ka yo‑yose mai tamine 6:3

Oda‑ka soho dai toha, maki mai 7 kana mai dai kadikahi. Yama‑ya mai wa‑wato mai toha, Deoso‑ka Doni mai‑ya sawi mai toha na, mai dai kadikiya, oda ati ene yamata‑ya mai daanaboneni.

Korito daidi 10:32

Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.

Korito daidi 5:12

Yeso ati‑ya mai nofara mai ihi ai kadikariyahi. Yeso ati‑ya mai nofa‑mone mai ati na, mai ihi ai kadika, mai ihi amosa, mai ai kahiyara, mai ihi amosara mai ai weeteni.

Korito yoto‑ke 6:3

Oda ene amosini, Deoso tabaro hawine‑ya mai yakana, oda ene‑ya mai awa, mai taratokarihi, oda ene‑ya mai one awa, Deoso‑ya mai weerihi nabone oda ati teni.

Korito yoto‑ke 8:21

Ai‑ka Hidi i‑di Yeso ai ene amosa‑ya awa, mai one hiawa hinabone oda ati nofani.

Koroso 4:5

Deoso ati‑ya mai nofara mai‑ya dai hiyarahi. Kirisito tamine mai‑ya dai hiyarahi. Dai ene‑ya mai awiya, Kirisito tamine‑ya mai nofawahaba awineni. Dai ene amosiya, Deoso ati‑ya mai nofawahaba awineni.

Tesaronika daidi 4:12

Yeso ati‑ya mai nofara dai‑ka yama anini‑ya mai awa, dai ene amosa‑ya mai watowahaboneni. Oda ati‑nima dai niya, dai‑ka yama anini kita, dai‑ka yamata tosiyoteraboneni. Hasinaboneni.

Tesaronika daidi 5:22

Dai ene amosa hinama tohahi.

Timoti daidi 3:6

Hibati‑ya Yeso ati‑ya nofe, sibabisarene. Yeso ati‑ya nofa yati tohe, dai‑ya kanawatorayaho. Yeso ati‑ya nofa yati tohe dai‑ya kanawato hini‑ya kahiyare, hini‑ya nofi nafi, Satanasi ene‑nima ene nawahebonane. Satanasi hini‑ya nofi nafi ene Deoso yawemarine. Ai‑ya ai nofi nafe, ai ene Deoso yawebonane.

Timoti daidi 5:14

Owati timitamatasahi. Mai fanawi fanamaro, mai‑ka yibote mai abamaro, mai bote tohi awira, mai fanamiya, mai‑ka madehe‑ya mai nayaniya, mai‑ka madehe‑ya mai kanawatoyahi. Haa‑nima mai niya, mai ihi amosaboneni. Yeso ati‑ya mai nofara ai‑ya mai weeni awiraboneni.

Timoti daidi 6:9

Yinero‑ya mai no‑nokotoni towe mai amani. “Yama amosara‑ya ai aniniya, ai‑ka yinero nafibisebonane.” Mai ati teni. Mai ihi amosara. Satanasi mai‑ya waratonebonane. Yama amosara‑ya mai nokotonihe, hini mai ihi mai abawahaboneni.

Timoti yoto‑ke 2:26

Hibati‑ya Satanasi mai‑ya kayawe, ati‑nima mai namaro, hibayata Deoso ati‑ya mai nofiya, Satanasi ati abawahebonane. Yeso mai‑ya kasomebonane, mai atibodi abarabonehe.

Tito 2:5

Yama towe‑ya tiwatibodi kadikariya, tiwa ene amosa, tiwa tabaro‑ka tika yama anitibisa, tika yibote, tika madehe na, mai‑ka yama‑ba hawatinihi. Tika yibote weetirihi. Tiwati amosa, tika yibote ati tinofa tiyahi. Owati nafi‑nima tiniya, Deoso ati mai one nofaba awineni. Deoso ati‑ya mai nofa mai ihi amosini.” Mai fanawi bote ati naboneni.

Tito 2:8

Deoso ati tihiyara, tiwa ene amosa‑ya mai dami awiya, Deoso ati‑ya mai one nofara mai yawaba awineni. Tiwa ene amosa mai dami awa, Deoso ati‑ya mai nofara mai ati fawanaboneni.

Yowaho faina 1:12

I‑di Demetiro ene amose‑mona mai ati na, fare Deoso ati tohaharinane. Demetiro ene amose, ene oawemarine. Owati tiwatoteni. Keyehe‑ya hiri·oterani.