Timoti daidi 3:2 - Deoso-ka Yama Hani

² Deoso‑ka mai‑ya kanawatobona, eya ene nebonane. Hika yobote ohareboneni. Mai fanawi one‑ya nokotoni awirihi tebonane. Mai one kake, ati ene hika yobe‑ya mai winateni. Ati, atibodi ati, ene ne‑ya nawadatene. Deoso ati kanawato‑ya watone.

Timoti daidi 3:2 Iomraidhean Croise

Roka 1:6

Sakariya fadi‑ya fame mai ihi amosa, Deoso ati‑nima mai ihi nameteni.

Roka 2:36

Simiyaho hiyari hawa toheya, Ana kamakemeteni. Ase‑ka nodi amani. I‑di Fanoeo bide amani. Deoso ati‑ya mi‑mita amani. Bote tohawahameteni. Hibati‑ya fanamete, ano 7 kane‑ya maki abe,

Homa 12:13

Yeso ati‑ya mai no‑nofa yama‑ya mai one kihara, mai dai kasoma, mai‑ka yama‑ba dai daanahi. Mai a‑amo‑ke mai‑ka yobe awire, tika yobe‑ya mai amonahi.

Firibo 2:15

Haa‑nima dai niya, dai ene kabatata raboneni. Deoso bidi amosabote dai tohawahaboneni. Mai ihi amosara dai yakari‑ya mai wina, yama soki‑nima mai na, yama soki‑ya yama wahi ai awa‑nima dai‑ya mai awaboneni.

Timoti daidi 3:12

Deoso‑ka mai‑ya mai kasomabone mai‑ka yobote oharibisa, mai fanawi one‑ya mai nokotonirihi. Ati fadi hinofa, ati hika madehe hinofa, hineya sibarebonane.

Timoti daidi 3:8

Deoso ati‑ya mai ka‑kanawato mai ihi amosa‑nima Deoso‑ka mai‑ya mai kasoma mai ihi tohaharihi. Keyehe‑ya mai hiririhi, kawi‑ya mai nokotonirihi, yinero‑ya mai nokotonirihi, mai nahi.

Timoti daidi 4:3

“Dai fanarihi, bani dai kabarihi, dai nahi.” Madi mai ati ihi mai ati naboneni. Bani‑ya Deoso wamanematane, ai tefe bonehe. Deoso ati ai nofa, Deoso‑ya ai kahiyariya, bani ai kaba, ai sibarihi ai teni.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Timoti daidi 5:22

Deoso ati‑ya mai hiyarabone mai ati na, mai ihi tiwibaiyahi. Mai ihi amosiya, mai tati‑ya tiwa yehe foriya, “Deoso ati tihiyariyahi.” Tinahi. Mai ihi amosara, mai tati‑ya tiwa yehe foririyahi. Tiwati yanariyahi. Ene amosare tati‑ya tiwa yehe foriya, tiwa‑ya mai awiya, tiwa‑ya mai weenaboneni. “Ene amosare ene‑nima ene nawahene.” Mai ati naboneni. Tiwa ene amosa hinama tohiyahi.

Timoti daidi 5:9

Fana mai fanamaro, mai‑ka yobote mai abamaro, mai makidi one‑ya mai nokotonira, mai‑ka faha fowe 60 kana, mai tikadikiya, mai oni tikanahanoya, mai tikasomiyahi, Deoso‑ka yinero‑ya.

Timoti yoto‑ke 2:24

Yeso‑ka amatini. Mai‑ya wee kanibote tiriyahi. Mai tikasoma, Deoso ati‑ya mai watowahaboneni. Mai‑ya tikanawata, tiyawa kanibote tiriyahi. Tiwa‑ya mai ati bisiniya, tiwati yanariyahi.

Tito 2:2

Maki bote mai tikanawatohi. Mai ihi amosa, mai ati amosawama, kawi ihi mai towe toharihi na, Deoso ati‑ya mai nofa, mai one‑ya mai nofa nabone, mai‑ya tikanawatohi. Mai ihi amosa, mai ihi‑ya mai one awiya, fara mai ihi amosa, mai ihi‑nima mai one ihi naboneni.

Ebereo 13:2

Dai tabaro‑ya mai kobona, mai dai kasoma, mai tafe‑ba dai daa, mai ati amoniya, dai tabaro‑ya mai amo nahi. Mai‑ya ai owa kasome, ai owa mai amanikani ati ne, Deoso‑ka yo‑yose mai‑ya kasomematane.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro daidi 4:9

Dai‑ka yobe‑ya dai one kobona, mai naha, mai‑ya dai ya‑yainahi.

Bedoro daidi 5:8

Dai noko wadahi. Yama‑ke yomahi‑nima Satanasi nane. Yama‑ke yomahi bani mai‑ya kiiyotene, bani mai‑ya kabebonaha. Fare‑nima dai‑ya ka‑kako i‑di Satanasi dai‑ya kakatome, dai noko wadahi. Dai noko wadariya, dai‑ya keyehe, ati dai tokadabebonane.