Timoti daidi 3:16 - Deoso-ka Yama Hani

¹⁶ Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Timoti daidi 3:16 Iomraidhean Croise

Mateo 1:23

“Fana atona maki‑ya famatera naba tohawahaboneni. Bidi wadeya, oni Emano·eo tohebonane.” Deoso‑ka yama hani ati neni. Emano·eo ai ati‑ya Deoso ai‑ya sawine.

Mateo 13:11

“Neme‑ke ai nafi‑ka hidi kitabote tohawahebona tamine dai watobisaboneni. Mai hiwatorebonane.

Mateo 28:2

Mai yakakaniya, wami wawawakanamaroni. Deoso‑ka yo‑yose neme‑ya kise, yati webote‑ya karotowiti, yati mese‑ya itarimatane.

Mateo 3:16

Yowaho habahinirise, tokomorosame, Deoso‑ka Doni neme‑ya kise, Yeso‑ya sawiwahe, wayomata awi‑nima awi ne‑ya Yowaho awematane.

Mateo 4:11

Diaboro tokome nowati‑ya Deoso‑ka yo‑yose mai kake, Yeso‑ya mai kasomameteni.

Maroko 1:13

Kabani‑ya Yeso winawahe, amoni 40 kane bani kabani‑ka mai‑ya dabematane. Satanasi Yeso‑ya hiyarematane, Deoso ati‑ya tokadabamarebonaha. Deoso‑ka yo‑yose Yeso‑ya mai kasomameteni.

Maroko 16:19

Ai‑ka Ayo Yeso hiyari hawa toheya, Deoso ene neme‑ya tokome, Deoso mano kanika‑ya itariwahematane.

Maroko 16:5

Mai towakiyoma, maki yetene‑ya mai awameteni. Mai‑ka kanika‑ya maki itari, bora sawa‑ya weyene, maki‑ya mai awa, mai sotatonameteni.

Roka 2:32

Tika Ka‑kadika yama wahi‑nima ne, tiwa hawine‑ya Bara mai‑ya yofikanebonane. Isara·eo‑ka nodi ai toha tika ai amani. Tika Ka‑kadika ene ai ya‑yainaboneni.” Simiyaho ati nematane.

Roka 20:44

Deoso‑ka Ka‑kadika i‑di Dafi‑ka hidi webote tohemona i‑di Dafi ati nematamonane. Fare i‑di Dafi‑ka nodi tohe, i‑di Dafi‑ka hidi webote tohahari ne.” Yeso ati nematane.

Roka 22:43

Deoso‑ka yo‑yose neme‑ke fodoki, Yeso‑ya nakitamematane.

Roka 24:4

Mai atibodi yama‑ya kadikiya, mai yowi‑ya maki mai fama fodoke, mai demena, mai‑ka bora wahi kitameteni.

Roka 24:51

Mai‑ya hiyareya, neme‑ya tokomematane.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 13:3

“Okobi ati ene yama nafi‑ka hidi ama·oni. Deoso‑ya yana·onamaro, okoma kanibote onaboneni.” Yeso atibodi ati nemarine.

Yowaho 15:26

Deoso‑ka Doni Deoso ati yokana‑ya ka‑kamina amane. Okobi‑ya okomiya, dai‑ya kasomebona oyoseya, dai‑ya koboneya, owa tamine‑ya kaminebonane.

Yowaho 16:28

Hibati‑ya Okobi oda famamaro, dai tabaro‑ya okemaro, Okobi‑ya okomatasaboneni.” Yeso ati nemarine.

Yowaho 17:5

Bofe‑ba awisari‑ya ai fama ai amosabote ai wehene wadamaroni. Tiwa‑ya osawimatasiya, hini owa wehene wadamaro, owa wehene wadamatasahi.

Yowaho 20:12

Deoso‑ka yo‑yose mai fama bora sawa‑ya mai weyenikima mai‑ya Mariya awameteni. Yeso abo hibati‑ya fori‑kaya mai demenare, Yeso teme kafori‑kaya owa itari, Yeso tati fori‑kaya owa itari nematane.

Yowaho 6:62

Neme‑ya dai‑ka Ayo tokomisame dai awiya, owati dai nofaraba awineni.

Yeso‑ka yo‑yose mai tamine 1:19

Yerosare‑ya mai wi‑wina Yoda tamine‑ya mai mita, ‘fadara ama toha’ oni mai haahina Akedama tohamoneni.

Yeso‑ka yo‑yose mai tamine 10:34

Bedoro mai‑ya hiyarawahe, “Ka! Deoso noko‑ka fara ai nafi hinama toha owatowahani.

Yeso‑ka yo‑yose mai tamine 14:27

Mai kobokanama, mai ati ihi Kirisito‑ka mai‑ya mai yorotokana, Deoso mai‑ya kasome tamine‑ya mai kamina, “Yeso ati‑ya Bara mai nofawahineni, Deoso ene.” Mai ati namoneni.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Homa 10:12

Yodeo mai‑nima Bara mai na, mai‑ka hidi i‑di Yeso Kirisito tohe‑ya mai haana, fara hinama mai‑ya kasomi nafi tene.

Homa 10:18

Deoso ati‑ya mai nafi mitakarini? Ati mai nafi himitemarine. Yama Deoso wamahinamete‑ya wami nafi‑ya mai awineni. “Yama wamani Deoso tamine‑ya kaminateni.” Deoso‑ka yama hani ati nineni. “Deoso kitabote tohe, ai nafi‑ya nofane.” Hika yama wamani ati teni.

Homa 16:25

Hibati‑ya yama mai hiwatoramete tamine‑ya Yeso owa‑ya kamine, fara dai‑ya okamina, dai‑ya Yeso kasoma, dai atibodi‑ya nakita, dai habo‑ya nakita nebonane.

Homa 16:26

Hibati‑ya Deoso ati‑ya mai mi‑mita‑mete Yeso tamine‑ya mai kanahanamete, tamine yokana‑ya mai watora, tamine mai hikanahanomata tamine ai watowaha, Bara dai toha dai nafi hiwatowahebonane, Deoso ati dai nofabone, ati dai tokadabebonaha.

Homa 3:4

Deoso ati‑nima yama nasa naboneni. Ati fawaterebonane. Ai nafi‑ta keyehe‑ya ai hirina awineni. Deoso‑ta keyehe‑ya hiriterene. Deoso ati‑nima yama na dai awaboneni. Deoso ati ai kadika, “Deoso ati tosawariterene. Hini ati‑nima yama teni. Deoso ati‑ya mai nofara, Deoso ati‑nima yama nasa nineni.” Deoso‑ka yama hani ati nineni.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Homa 9:5

I‑di Abaraho, i‑di Isaki, i‑di Yako mai na, ai‑ka idi mai tohamete. I‑di Abaraho‑ka nodi‑bona i‑di Kirisito, yama nafi‑ka hidi tohe, fare Deoso toha ne, Kirisito‑ya ai kahiyari fawateraboneni. Fara amani.

Korito daidi 15:47

I‑di Adaho bofe‑ke atabo‑ya Deoso wamahine, Adaho owa i‑di Yeso Kirisito neme‑ke amane.

Korito daidi 2:7

Hibati‑ya Deoso ati‑ya mai mitaramete, ati ohiyarawahene. Ai‑ka idi‑bona‑ya Deoso wamani awisareya, hini‑ya hiyare, “Oka dao oyoseboneni. Oka dao oyose, ati‑ya mai nofiya, owa tabaro‑ya mai winawahaboneni.” Deoso ati nematane.

Korito yoto‑ke 1:19

I‑di Timoti, i‑di Sira oda na, Deoso Bidi i‑di Yeso Kirisito tamine dai‑ya oda hiyaramaroni. Deoso ati nafi‑ya Yeso tokadabe, ati‑ya fiyakani awiremarine. Yeso tosawarire, Deoso ati‑nima tene. Keyehe‑ya hiriterene.

Karatiya 2:8

Deoso ati ene Yodeo mai‑ya Yeso ati‑ya i‑di Bedoro kamine, Deoso ati ene Bara mai‑ya Yeso ati okaminahari oneni. Yeso Kirisito‑ka yo‑yose i‑di Bedoro amane. Yeso Kirisito‑ka yo‑yose‑hari ama·oni.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Efesiyo 1:9

Hibati‑ya Deoso atibodi yama kobohina‑ya mai watoramete, Kirisito ene Deoso ai‑ya kanawatowahe, yama Deoso hinofa ai watowahineni.

Efesiyo 6:19

Owa tamine‑ya Deoso‑ya dai hiyaraharihi. Yeso Ati Amosabote ohiyare, Deoso ati‑ya mai watoramete, ati mai hiwatowahebonane. Deoso owa‑ya kasomebona, owa habo siitorabone, owa tamine dai hiyarahi.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 1:6

Deoso Ati Amosabote ati dai mite, ati dai nofe, mai one‑ya ati dai kaminamaki, dai ene Deoso Ati Amosabote mai one nofamoneni. Awa yana, tonafe, bonowahateni. Fara‑nima Deoso Ati Amosabote toheya mai dami mita, ati mai hinofe Deoso‑ka mai dodamateni.

Koroso 2:2

Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.

Tesaronika yoto‑ke 1:10

Ai‑ka Hidi kameya, ati ai no‑nofa ai yorotokanabone, ai‑ka Hidi ai nafi kahiyaraboneni. “Ayo Yeso, amosabote amatini. Tiwa ene amosini.” Ai ati naboneni. Yeso tamine oda kamine, Yeso ati dai nofa, dai ati‑ya mai one mitamakiya, Yeso ati‑ya mai nofiya, Yeso koboneya, mai nafi kahiyaraboneni.

Tesaronika yoto‑ke 2:7

Hibayata Satanasi mai‑ya keyeheteni. Satanasi‑ka owa‑ta hini‑ya kemoteni, Satanasi‑ka tohe mai hiwatorebonaha. Makobote yama nafi hawa tohiya, ene mai hiawawahebonane.

Timoti daidi 3:9

Hibati‑ya yama‑ya mai watora, Deoso ai‑ya kanawatowahene. Mai atibodi yati ati‑nima mai ihi tohawahineni, mai atibodi mai‑ya weerabonehe.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 7:7

Ai webote toha, ai bi‑bidi na‑ya kasomateni. Fare Meokisadeki webote tohe, Abaraho bi‑bidi nane.

Ebereo 8:1

Owati dai mita yama‑ya dai watowahaboneni. Deoso‑ka yama‑bone‑ya mai da‑daa mai‑ka hidi webote i‑di Yeso tohe. Ai manakone‑ya Deoso‑ya daane, ai‑ka Abi neme‑ke‑ka kanika‑ya itariwahane.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.

Yowaho daidi 1:2

Hibati‑ya ai‑bone‑ya wamane, neme‑ya Deoso eyehe winemata, ai tabaro‑ya kaki, oda awemari tamine okanahanoneni. Yeso ene ai atibodi abateraboneni.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yeso Kirisito ene‑bona 17:5

Noki ate‑ya oni kawana, hini oni yokana tohi awirani. “Mai ihi towe toha, mai ye‑yee toha, mai na, mai‑ka ami ama·oni. Babironi sidadi kita ama·oni.” Yama hani ati na, kawanani. Tamine yokana owato awirani.

Yeso Kirisito ene‑bona 17:7

Deoso‑ka yo‑yose ati yananamatase, “Tiwatibodi yama‑ya kadiki kitariyahi. Bani Hame ma‑mawane fana‑ya weyene, tati 7 kane toha, narabo ewene 10 kane toha ne mai tiawa, mai tamine tiwatora, mai tamine yokana okaminaboneni.

Yeso Kirisito ene‑bona 7:9

Hawa tohiya, kii·onamatasa, mai dama mai oawani. Mai dama mai ihi mai kadiki ai watoterani. Hidi Webote Kaneiro Bidi eyehe noko‑kaya tabora nafi‑ka mai one saweni. Tabora dami‑ka mai sawe, bora sawa‑ya mai sakona, mai ya‑yaini ihi kosi afe‑nima yama na‑ya mai aka nani.