Timoti daidi 3:1 - Deoso-ka Yama Hani

¹ “Deoso‑ka mai‑ya okanawataboneni.” Ai owa ati ne, yama amosa‑ya ati kobonane. Timoti, owati timitahi. Keyehe‑ya hiri·orani.

Timoti daidi 3:1 Iomraidhean Croise

Roka 15:10

Owati dai mitahi. Deoso ati‑ya ai owa nofaremari, Deoso ati‑ya nofawaheya, Deoso‑ka yo‑yose mai sawi‑kaya mai ya‑yaiteni.” Yeso ati nematane.

Yeso‑ka yo‑yose mai tamine 1:20

Dafi‑ka yama hani ati one‑ya Bedoro hiyaratase, “‘Hika yobe abaho, mai winateri‑bone‑karo. Hika yama anini‑ta ai owa anihinamakibisahi.’ Dafi‑ka yama hani ati nineni, wayoma‑kaya.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Homa 11:13

Bara dai toha, dai‑ya ohiyarabone, Deoso owa‑ya yosemarine. Yeso Ati Amosabote dai‑ya okaminabone ati ne, ati ene ya‑yai·oneni.

Efesiyo 4:12

Ai‑ya mai kasoma, ai ibi kasomamakeboneni. Yeso‑ka ai toha, ai ibi kasomiya, Yeso ati‑nima ai naboneni.

Firibo 1:1

I‑di Baoro ama·oni. I‑di Timoti oda fama Yeso Kirisito‑ya na‑narifa oda amani. Firibo‑ya dai wi‑wina Deoso‑ka dai toha, Yeso Kirisito dai‑ya sa‑sawi, Yeso‑ka mai dai kanawato, mai tase dai toha, dai na, oka yama hani dai kadikiyahi.

Tesaronika daidi 5:14

Yama anini‑ya dai one mai ati nofara, mai dai weeniyahi, yama‑ya mai aninabonehe. Dai one hi‑hiyana mai dai kasomahi. Mai habi siitona, mai dai kasomiya, mai ya‑yainaboneni. Dai yawa kanibote riyahi.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Timoti daidi 4:9

Deoso ati yokana amane, ati timitaho.

Timoti yoto‑ke 2:11

Keyehe toharani. Ati tinofaho. “Yeso eyehe ai abamaro, ai kitamatasaboneni. Deoso tabaro‑ya ai winawahaboneni.

Tito 1:7

Ene amosare ai‑ya kanawatotere, ene amose‑ta ai‑ya kanawato tene. Hini‑ya kahiyare, Deoso‑ka mai‑ya kasoma, ai ati‑ya miteya, yawa kanibote ra, kawi ihi towe toharihi, ai one‑ya bisirihi, yinero‑ya nokotonirihi tene, tikadikayaho, Deoso‑ka mai‑ya kanawatobonaha.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.

Ebereo 12:15

Dai noko wadahi. Deoso dai‑ya kasomebona ati ne, dai ene amosanadira, dai‑ya kasomi awirebonane. Dai ati bida toha ene mai ibi nofaraboneni. Mai dami ihi amosaraboneni.

Bedoro daidi 2:25

Kaneiro mai‑nima dai nineni. Kaneiro tabora hawi‑ya mai fawaniteni. Deoso tabaro hawine‑ya dai sawiramaro, Yeso ene Deoso hawine‑ya dai sawiwaha, dai‑ya Na‑nawada‑ya dai dabawahani.

Bedoro daidi 4:15

Dai ene amosahi. Hini dai ene amosara dai‑ya mai bisiriyahi. Dai one dai nanahabarihi, mai‑ka yama dai botirihi, mai ati‑mone‑ya dai kaminamarihi nahi.

Bedoro daidi 5:2

Kaneiro ewete mai ai natafa‑nima Deoso‑ka mai‑ya dai kanawatohi. Mai‑ya dai kanawatabone, yinero ihi toharihi, mai one tiwa‑ya yose ihi toharihi, mai‑ya tinofa, mai‑ya dai kasomabone tohabisahi.