Timoti daidi 2:8 - Deoso-ka Yama Hani

⁸ Hini dai naho‑kaya Deoso‑ya mai makidi hiyara, mai ihi amosiyahi, mai ati yawarihi, mai ibi weerihi nahi.

Timoti daidi 2:8 Iomraidhean Croise

Mateo 21:21

Yeso oda‑ya hiyare, “Owati amosa dai mitahi. ‘Deoso kitatene.’ Dai atibodi ati nahi, ‘Deoso kiteba awane.’ Dai atibodi ati riyahi, Deoso ati dai nofabisiya, owa ene kitabote‑nima dai ene naboneni. ‘Adami webote, tibokahi.’ Dai ati niya, dai ati ene adami webote bokaboneni.

Mateo 5:44

Owati dai mitahi. Dai‑ya mai nofara mai dai nofiyahi. Dai‑ya mai bisina mai tamine dai hiyarahi, Deoso mai‑ya kasomebonaha.

Mateo 6:12

Oda ene amosaramaro mai ihi manakone oda haanamara‑nima oda ene manakone haatinamariyahi.

Roka 23:34

“Abi Deoso, yama‑ya mai watorini. Mai‑ya weetiriyahi. Mai‑ya tiwati somahi.” Yeso ati nematane. Yeso borone‑ya sodado mai‑ka owa kayafebona, yati bide‑ya mai werenameteni.

Roka 24:50

Betaniya tohi‑kaya mai eyehe tokome, Yeso yehe daatokamise, mai‑ya hiyare, “Deoso dai‑ya kasomebonane.” Ati nematane.

Yowaho 4:21

“Owati timitahi. Yama one‑ya ai‑ka Abi i‑di Deoso‑ya ai ati kahiyariya, Yerosare‑ya oda tokomarihi, dai tabaro‑ka adami webote‑ya dai tokomorosamarihi, hini ai sawi‑kaya Deoso ai kahiyara, ai nawahaboneni.

Yeso‑ka yo‑yose mai tamine 10:2

Deoso ati‑ya i‑di Koneriyo hika mai eyehe nofe, Deoso‑ya hiyaratene. Yama‑ya mai kihara mai‑ka yama‑bone‑ya daatene.

Yeso‑ka yo‑yose mai tamine 10:31

‘Koneriyo, tiwati‑ya Deoso mite, tiwa yehe honene daatina‑ya awane.

Yeso‑ka yo‑yose mai tamine 10:4

Deoso‑ka yo‑yose‑ya awe, habo siitone, “Ayo, hini yamata‑ya tiwati koboniti?” Koneriyo ati ne. “Deoso tiwati‑ya mite, tiwa yehe honene mai‑ya daatina, tiwa‑ya awatene, tiwa‑ya nofe, ati somane.

Yeso‑ka yo‑yose mai tamine 21:5

Oda yananama, faha widi‑ya oda tokoma, oda‑ya mai sawineni. Mai makidi, mai fanawi, madehe na, faha widi‑ya oda kobona, Deoso oda hiyarabone, oda yobati‑kaya oda naha, Deoso oda hiyaramatasineni.

Yeso‑ka yo‑yose mai tamine 7:60

Yobati‑kaya ite, “Ayo, owa‑ya mai nanahaba, mai‑ya tiwati somawamahi.” Ati ne, ati kite, Ati fawane, abawahematane.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 7:7

Owa‑nima dai nafi na‑mani, yama sibara neni. Owatibodi ati nofani. Deoso ene fara hinama ai tohaterani. Deoso ai‑ya kasome ene ai owa fana, ai owa fanarihi tene.

Korito yoto‑ke 2:14

Deoso kitabote tohe, ai kahiyarahi. Mai tabori dami‑ya oda toka, Satanasi mai yadihinamaro, Deoso ene mai oda seekana, yama mahi amosa ai hisina, ai ya‑yaina, fara‑nima Kirisito ati oda kamine, ati‑ya mai mita, mai ya‑yaiteni.

Firibo 1:12

Oka soho dai toha, yama‑ya dai watowahabone, dai‑ka yama hani‑bone okanahanaboneni. Kadeya‑ya owa‑ya mai nawaa, mai ihi Kirisito tamine‑ya mai one mitawahineni. Owa‑ya mai nawaara‑mani, Yeso tamine‑ya sodado mai mitara neni. Owa‑ya mai nawaa, Yeso Ati Amosabote‑ya mai‑ya okaminineni.

Tesaronika daidi 1:8

Mai tabori one‑ka dai ene Deoso ati‑ya mai mita, Deoso ati‑ya dai no‑nofa dai ene amosa tamine‑ya mai mita, dai ene tamine‑ya mai kamina, dai ene Masedoni‑ka tabora toha, Akaiya‑ka tabora toha na, mai tabori one toha na, dai tamine‑ya mai wata, dai tamine oda kaminara, dai tamine oda‑ya mai kaminabisani.

Timoti daidi 5:14

Owati timitamatasahi. Mai fanawi fanamaro, mai‑ka yibote mai abamaro, mai bote tohi awira, mai fanamiya, mai‑ka madehe‑ya mai nayaniya, mai‑ka madehe‑ya mai kanawatoyahi. Haa‑nima mai niya, mai ihi amosaboneni. Yeso ati‑ya mai nofara ai‑ya mai weeni awiraboneni.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Tiyako 4:8

Deoso ati‑ya dai atibodi ati tokadaba, Deoso dai‑ya kasomebonane, ati dai nofi nafibonaha. Dai ene amosara dai ene dai kamina kanibote nahi. Deoso ati kote‑ya dai atibodi ati tokadaba, Satanasi ati kote‑ya dai ati tokadabahari na, towe dai amani. Deoso ati‑ya dai tokadabi ohari kanibote nahi.

Bedoro daidi 3:7

Mai makidi dai toha, owati dai mitahi. Dai faniya, dai‑ka yibote mai dai kasomiyahi. Yama‑ya mai weyeniya, mai‑ka yama kote dai weyekana, yama‑ya mai anina, mai dai kasoma nahi. Dai‑ka yibote mai dai weera, mai tamine dai hiyara, mai dai kahiyarabisahi. Dai kiti na‑nafi na, mai fanawi kiti bi‑bidi na, mai dai kasomahi. Mai dai kasomara, Deoso‑ya yama‑ya dai haaniya, dai ati‑ya mitarebonane. Deoso‑ka dai toha, Deoso‑ka dai‑ka yibote toha nineni.