Timoti daidi 2:6 - Deoso-ka Yama Hani

⁶ Yama nafi hawa tohiya, Deoso ati ene Yeso kamemarine, ai nafi manakone‑ya nanahabebonaha. Fare tamine‑ya ai hiyarahi mai nafi‑ya.

Timoti daidi 2:6 Iomraidhean Croise

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Maroko 1:15

Yeso mai‑ya hiyare, “Deoso ai nafi‑ka hidi kitabote tohawahebonane. Dai ene towe‑ya dai nofamariyahi. Deoso ati amosabote ati dai nofahi.” Yeso ati ne, ati damemarine.

Maroko 10:45

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Yeso ati nematane.

Yowaho 10:15

Okobi owato, owa‑ya watohari ne. O·ababisaboneni, oka mai hasinabonehe.

Yowaho 6:51

Neme‑ya okisamaroni. Baho‑nima ona ama·oni. Oka baho‑ya mai kaba, mai abateraboneni. Bofe‑ya dai wi‑wina dai‑ya okasomabone, oka baho daa·onaboneni. Oka baho owa eme tamine amani.” Yeso ati nemarine.

Homa 16:26

Hibati‑ya Deoso ati‑ya mai mi‑mita‑mete Yeso tamine‑ya mai kanahanamete, tamine yokana‑ya mai watora, tamine mai hikanahanomata tamine ai watowaha, Bara dai toha dai nafi hiwatowahebonane, Deoso ati dai nofabone, ati dai tokadabebonaha.

Homa 5:6

Hibati‑ya Deoso ai watora, ai ene towe tonafe, ai‑ya ai kasomi watora, Deoso ati ai nofi awisarihi niya, Deoso ati‑nima Kirisito abematane, ai manakone‑ya nanahabebonaha.

Korito daidi 1:6

Yeso tamine dai‑ya oda hiyaramaro, oda ati‑maro‑nima dai nawahani.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Efesiyo 1:17

“Abi Deoso, Yeso Kirisito‑ka Abi amosabote amatini. Yeso Kirisito‑ka Deoso amatini. Efesiyo‑ya mai wi‑wina mai‑ya tika Doni sawiyaho, tiwa‑ya mai wato ba‑basi nabonehe. Tiwa tamine‑ya mai tikanawatohi.” Oteni.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 3:5

Hibati‑ya yama tamine‑ya mai watora, hibayata Deoso ati‑ya mai mi‑mita mai toha, Yeso‑ka yo‑yose oda toha, oda na, fara tamine‑ya Deoso‑ka Doni oda‑ya kaminawahemarine.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Tesaronika yoto‑ke 1:10

Ai‑ka Hidi kameya, ati ai no‑nofa ai yorotokanabone, ai‑ka Hidi ai nafi kahiyaraboneni. “Ayo Yeso, amosabote amatini. Tiwa ene amosini.” Ai ati naboneni. Yeso tamine oda kamine, Yeso ati dai nofa, dai ati‑ya mai one mitamakiya, Yeso ati‑ya mai nofiya, Yeso koboneya, mai nafi kahiyaraboneni.

Timoti daidi 6:15

Deoso ati ene Yeso kamatasebonane. Deoso amosabote amane. Ai‑ka Hidi i‑di Deoso tohe, hidi webote mai‑ka Hidi tohe, hidi mai nafi mai‑ka Hidi tohe nane.

Timoti yoto‑ke 1:8

Ai‑ka Ayo i‑di Yeso ati tihiyara, mai noki ihi tiwa habo siitoriyahi. Kadeya‑ya owaa, owa ene tiwa habo siitorihi na, Deoso Ati Amosabote tikaminiya, kadeya‑ya tiwa‑ya mai nawaaba awineni. Tiwa‑ya mai nawaa, sibaraboneni. Deoso tiwa‑ya kasomebonane.

Tito 1:3

Deoso ene yama hawa tohiya, owa‑ya yosemarine, ati okaminebonaha. Deoso ai‑ya ka‑kasoma tohe tamine mai‑ya okamina, mai hiwatowahebonane.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Yowaho daidi 4:10

Deoso ai‑ya nofi nafi dai awaho. Deoso‑ya ai nofi awisariya, ai‑ya nofe, Bidi‑ya yosemarine, ai manakone‑ya nanahabebonaha.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.