Timoti daidi 2:5 - Deoso-ka Yama Hani

⁵ Deoso ohari‑ta tohe, Deoso‑ya ai tamine‑ya hi‑hiyara ohari toha nane. Fare ai owa i‑di Yeso Kirisito tohane.

Timoti daidi 2:5 Iomraidhean Croise

Mateo 1:1

Yeso Kirisito‑ka idi mai oni okanahanaboneni. Yeso‑ka idi i‑di Dafi tohe, ai‑ka hidi tohematane. I‑di Dafi‑ka idi i‑di Abaraho tohematane.

Mateo 1:23

“Fana atona maki‑ya famatera naba tohawahaboneni. Bidi wadeya, oni Emano·eo tohebonane.” Deoso‑ka yama hani ati neni. Emano·eo ai ati‑ya Deoso ai‑ya sawine.

Roka 14:22

Fai‑ya toke, mai‑ya kakame, ati yanane, ‘Ayo, tiwati‑nima ona, mai haa·ona, mai owakama, tika yobe kibarane.’ Hidi‑ka yo‑yose ati nane.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yeso‑ka yo‑yose mai tamine 4:12

Neme‑ya mai wi‑wina, bofe‑ya mai wi‑wina na, mai ihi tohara, Yeso ohari‑ta ati ai nofa, Deoso‑ka ai tohateni.” Bedoro ati nemarine.

Homa 1:3

Deoso Ati Amosabote i‑di Yeso Kirisito ai‑ka Hidi tamine amane. Fare tamine okaminebonane. Neme‑ya Badi eyehe winemata, makobote bofe‑ya wade, ai‑ka Hidi i‑di Dafi‑ka nodi tohane.

Homa 10:12

Yodeo mai‑nima Bara mai na, mai‑ka hidi i‑di Yeso Kirisito tohe‑ya mai haana, fara hinama mai‑ya kasomi nafi tene.

Korito daidi 8:4

“Mai‑ka deoso bare‑ka bani‑bona oda kabakaribana?” Dai‑ka yama hani ati nani. Mai‑ka deoso hiniya wamane, deoso tohaterene. Deoso yokana oharibisatene.

Korito daidi 8:6

Bofe‑ka mai‑ka deoso mai dama, Deoso yokana ohari, ai‑ka Abi amane. Yama nafi‑ya Deoso wamanemata, fare ai kahiyarahi. Deoso Bidi yokana i‑di Yeso Kirisito ai‑ka Hidi yokana oharine. Yama nafi‑ya wamanemata ene ai hasinineni.

Karatiya 3:20

Abaraho‑ya Deoso hiyare, hini ene‑bona tamine‑ya hiyarane. Mose‑ya Deoso‑ka yo‑yose mai hiyara, “Deoso ati dai tokadabeya, Deoso dai‑ya kasomebona, ati dai tokadabareya, dai‑ya kosinebonane.” Mai ati neni.

Efesiyo 4:6

Deoso ai‑ka Abi ohari, yama nafi‑ka Hidi tohe, Yeso ati ai no‑nofa ai nafi‑ya Deoso sawi, yama nafi‑ya ene tohane.

Timoti daidi 6:13

Deoso ai‑ya wamanemata owati‑ya mitane. Yeso Kirisito i‑di Bonisiyo Birato‑ya hiyare, habo siitoremari, Yeso Kirisito owati‑ya mitane. Owati timitaharihi. Deoso ati tikadaba, tiwa‑ya mai ati bisina, tiwa habo siitoriyahi.

Ebereo 12:24

Hibati‑ya Deoso‑ya mai hiyarabone, Deoso‑ka bani emene‑bona‑ya mai towakama, Deoso‑ya mai hiyarameteni. Hibayata Yeso ene Deoso‑ya ai hiyarawahabone, hiniya Deoso‑ya ai hiyarateni. Hibati‑ya Abeo abe ene, i‑di Kaina‑ya Deoso yawe, i‑di Yeso abe ene Deoso ai‑ya ati somawamawahematane.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Ebereo 8:6

Hibayata Kirisito ene amosi ba‑basi ne, Refi‑ka nodi mai ihi amosi bi‑bidina, “Mose ati‑ya dai tokadabi nafi‑ya dai ene amosara‑ya Deoso barikanebonane.” Refi‑ka nodi mai ati na, “Owati dai nofa Deoso dai ene‑ya barikanamare, dai‑ya ati somawamebonane.” Kirisito ati nibise. Fare Kirisito ati amosabisane.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Yowaho daidi 2:1

Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

Yeso Kirisito ene‑bona 1:13

Nabarina awe siikare bai‑ya, ai‑nima ne sawine. Hika bora yaba, ibe oro wamani, fai karari‑ya sawinisiki amani.