Timoti daidi 2:4 - Deoso-ka Yama Hani

⁴ Yeso ati mai dami nofabone, keyehe‑ya mai nofara, Deoso hawine yokana‑ya mai dami watabone, Deoso atibodi nofatene.

Timoti daidi 2:4 Iomraidhean Croise

Mateo 28:19

Mai tabori dami‑ya dai tokahi. Owa tamine dai hiyarahi. Mai‑ya dai habanirisahi. Okobi, Deoso Bidi, Deoso‑ka Doni ne oni‑ya mai weyenaboneni.

Maroko 16:15

Mai‑ya weeni hawa tohe, mai‑ya yose, “Yama nafi‑ya dai yakanawariya, mai nafi‑ya Deoso ati amosabote tamine dai kaminahi.

Roka 1:77

Deoso‑ka ai toha ai‑ya kasomebona, ai ene towe manakone‑ya Deoso haanamaterebona tamine‑ya tihiyarawahaboneni.

Roka 14:23

Hidi‑ka yo‑yose‑ya yosetase, ‘Hawi‑ya mai one yakana mai toha, mai‑ka yobe oharine‑ka mai toha, mai na, mai‑ya haatiyahi, ai marini‑ya mai kamakebonehe. Oka yobe kibayaho.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 17:17

Abi, mai tikayawahi, tiwati yokana‑ya mai nofabonehe.

Yowaho 6:37

Dai one‑ya Okobi owa‑ya daane, Okobi mai daahina owa‑ya mai nafi nofabone, owa‑ya mai nofiya, ‘Dai‑ya onofi awirini, dai tokahi.’ Oteraboneni.

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Timoti daidi 4:10

Ai‑ka Hidi i‑di Yeso Kirisito abemari, kitame, abamaterebonane. Ai‑ka Hidi ati ai nofa ene yama‑ya ai ani, ai‑ya mai bisiteni. Ai‑ya Yeso nakitamebona ati ne, fara ai nimaneni.

Timoti yoto‑ke 2:25

Tiwa‑ya mai nofara, mai‑ya tinofa, Deoso ati yokana mai‑ya tikanawatonadihi. Deoso ati ene Yeso ati‑ya mai nofawahaba awineni. Mai ihi amosaramaro‑ya Deoso‑ya mai‑ya mai kaminawahaba awineni. Mai ihi amosaramaro‑ya mai nofami awiraboneni.

Timoti yoto‑ke 3:7

Yama‑ya mai watabone mai ati na, Deoso ati‑ya mai ati koboterani.

Tito 1:1

I‑di Baoro ama·oni. Deoso‑ka yama anini‑ya ani·oteni. I‑di Yeso Kirisito owa‑ya yosemari, Deoso mai hikayawamaro, mai okanawataboneni. Deoso ati‑ya mai watabone, Deoso ati‑ya mai tokadaba nabone, mai okanawataboneni.

Tito 2:11

Hibati‑ya ai ene amosara, Deoso ai‑ya kasome, ai nafi manakone‑ya Yeso nanahabemarine. Yeso ati ai nofa, Deoso tabaro‑ya ai winabone, ai abateraboneni.

Ebereo 10:26

Deoso ati‑ya mai wato, Deoso ati‑ya mai ati nofa mai na, makobote mahi‑nima Deoso ati‑ya mai tokadabara, mai manakone‑ya Yeso nanahabamarebonane.

Tiyako 3:14

Yama dai atibodi hikayaha‑ya mai one kayafa, mai‑ya dai atibodi kako, yama dai nokotonihe dai kayafabone, mai one dai tai na, haa‑nima dai atibodi na, dai tamine dai kahiyarariyahi. Dai‑ya dai kahiyara, keyehe‑ya dai hiriteni.

Bedoro yoto‑ke 3:9

Deoso hini ati‑nima nebona dai atibodi kadamowamariyahi. Mai ihi amosara mai ababone ati nemata, ati‑nima nebonane. Mai ihi amosara, mai‑ya nanahaba kanibote ni awire, mai ihi amosawamaba awineni. Mai abiya, Deoso nofare mai ihi‑ya mai kaminabone‑ya nofabisane.

Yowaho yoto‑ke 1:1

Yowaho bote ama·oni. Deoso‑ka mai‑ya ka‑kasoma ama·oni. Fana, owati tikadikiyahi. Hibati‑ya Deoso tiwa‑ya kadikemarine, Yeso ati‑ya tinofabonehe. Tiwa onofa, tika dao, tikoto mai na mai onofa, Deoso ati‑ya mai no‑nofa tiwa‑ya mai nofahari neni.

Yeso Kirisito ene‑bona 14:6

Deoso‑ka yo‑yose neme‑ya yakane oawani. Deoso ati amosabote‑ya kaminene. Deoso ati abaterebonane. Bofe‑ka mai nafi‑ya Deoso‑ka yo‑yose hikaminani. Wami nafi‑ya mai wi‑wina, tabora dama‑ya mai wi‑wina, mai na, mai‑ya Deoso‑ka yo‑yose hikamini neni.