Timoti daidi 2:1 - Deoso-ka Yama Hani

¹ Dai yorotokana, Deoso dai hiyari bahi. Ai nafi tamine dai hiyarahi. Yama‑ya mai kihara, mai tamine dai hiyarahi, Deoso mai‑ka yama‑bone‑ya daanebonaha. Mai kiyana, mai tamine dai hiyara, Deoso mai‑ya kasomebonaha. Deoso mai‑ya kasome, mai ya‑yaina, dai ya‑yainahare, Deoso‑ya dai kahiyarahi.

Timoti daidi 2:1 Iomraidhean Croise

Yeso‑ka yo‑yose mai tamine 17:30

Hibati‑ya Deoso yokana ai watore, ai‑ya weeni awire, hibayata ai watowahe, ‘Hibati‑ya dai ene towe tohamaro, dai‑ya dai kaminahi.’ Deoso ati nane.

Homa 1:8

Yeso ati dai nofa, dai tamine omita, ya‑yai·oneni. Mai tabori dami‑ya dai tamine‑ya mai hiyaramoneni. “Homa‑ya mai wi‑wina Deoso ati‑ya mai nofi nafemoneni.” Mai ati na, mai ati omita, mai ati ihi ya‑yai·ona, Yeso Kirisito ene Deoso okahiyarateni.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Korito daidi 15:3

Yeso Kirisito yama owa‑ya hikaminamaro, dai‑ya okaminamakitasineni. “Kirisito abe, ai manakone‑ya nanahabematane.” Deoso‑ka yama hani ati na, fara dai‑ya okaminamaroni.

Korito yoto‑ke 8:6

Masedoni‑ya mai wi‑wina mai ihi amosa tamine i‑di Tito‑ya oda hiyarawaha, “Tito, Korito‑ya mai wi‑wina mai tihiyaramaro, mai tihiyaramatasahi. Yodeya‑ya mai wi‑wina mai‑ka yamata wadara, mai‑ka yinero‑bona‑ya mai daanabone mai ati na, mai ati‑maro‑nima mai nahi.” Oda ati nineni.

Efesiyo 3:13

Yeso tamine‑ya dai‑ya ohiyara, kadeya‑ya owa‑ya mai nawaa, dai habo kita, dai yawariyahi. Dai‑ya Deoso kasomebonane.

Efesiyo 5:20

Mahi‑nima dai wayoma, “Abi Deoso, tiwa ene tika dao ene ne amosabote tohe, dai ene oda ya‑yainineni.” Ai‑ka Ayo Yeso Kirisito‑ka dai toha dai ati nahi.

Efesiyo 6:18

Yama soki‑ya sodado mai nafi amorani. Mai one amona, mai one‑ya mai kakatoma teni. Sodado mai hama, mai ihi mai sotatorabonehe. Fara mai‑nima dai nahi. Dai noko wadahi. Dai one tamine‑ya Deoso‑ya dai atibodi hiyarahi. Satanasi‑ka keyehe‑ya mai nofarabonehe.

Firibo 1:3

Dai tamine‑ya owatibodi kadika, dai tamine‑ya Deoso‑ya ohiyarateni. “Abi Deoso, mai ihi ya‑yai·oneni.” Oteni.

Firibo 4:6

Yama awi amosara ihi dai korikasariyahi. Yama hini dai atibodi kobohinaya, Deoso‑ya dai haana, Deoso dai kahiyara, dai ya‑yai dai nahi.

Tesaronika daidi 3:12

Ai‑ka Ayo Yeso, ati ene dai ibi nofi nafihi. Mai nafi dai nofahi. Dai oda nofi‑nima mai dai nofahi.

Tesaronika yoto‑ke 1:3

Yeso ati‑ya dai no‑nofa, dai ene oda ya‑yaineni. Deoso‑ya oda hiyara, dai tamine oda hiyara, oda ya‑yaineni. Yeso ati‑ya dai nofamaro, ati dai nofi nafiwahane. Dai ibi nofamaro, dai ibi nofi nafiwahineni.

Timoti daidi 2:4

Yeso ati mai dami nofabone, keyehe‑ya mai nofara, Deoso hawine yokana‑ya mai dami watabone, Deoso atibodi nofatene.

Timoti daidi 5:5

Mai fanawi fanamaro, mai‑ka yobote mai abamaro, mai‑ka madehe awira, mai‑ka nodi mai awirihi, mai na, hiniya Deoso‑ya mai nofabisa, mai‑ka mai‑ya mai ka‑kasoma‑ba mai wadara, Deoso‑ya mai hiyarateni. Deoso‑ya mai hi‑hiyaranadi, mai oni dai kanahanohi, mai‑ya dai kasomabonehe.

Timoti yoto‑ke 2:24

Yeso‑ka amatini. Mai‑ya wee kanibote tiriyahi. Mai tikasoma, Deoso ati‑ya mai watowahaboneni. Mai‑ya tikanawata, tiyawa kanibote tiriyahi. Tiwa‑ya mai ati bisiniya, tiwati yanariyahi.

Tito 2:11

Hibati‑ya ai ene amosara, Deoso ai‑ya kasome, ai nafi manakone‑ya Yeso nanahabemarine. Yeso ati ai nofa, Deoso tabaro‑ya ai winabone, ai abateraboneni.

Tito 3:2

Tito, mai tikanawatoya, eya tinahi. “Dai ene amosabone, dai one tamine‑ya keyehe‑ya dai hiririhi, dai ibi weerihi na, dai ibi nofahi, dai nafi.” Tinahi.

Ebereo 6:11

Yeso kamebona‑ya dai nimana, dai ene amosi fawariyahi. Dai ene amosa toha, dai manakone wadaboneni.

Tiyako 5:16

Dai one‑ya dai ene amosara dai tamine dai kaminahi. Dai ibi tamine Deoso‑ya hiyarahi. Dai‑ya Deoso nakitamebona, dai hiyaraho. Mai ihi amosa, Deoso‑ya mai hiyariya, mai ati ihi kita, mai ati ihi dama teni.