Ike̱ng a ta tonong aYohana 9:21 - Izere New Testament

²¹ Á gaar kushishing kuse ba kufe kufe̱s ánerawe be kukur be rikuna ne itsang ba ta nye.

Ike̱ng a ta tonong aYohana 9:21 Iomraidhean Croise

aMatiyu 15:19

Kamok kaye̱e̱r riye̱ ne amaan kuto̱ro̱ng nes, ike̱re̱ kyo̱ndi kufe̱r akak, be rikuna, ne kunyiis kuro̱m kpe̱de̱ng, be itsang, ne abo̱o̱s, be kukas Adakunom.

2 aKoranti 12:21

Mi fok inyim ye ke mi bun i be̱ nufe yin, Adakunom mi tin sak ta fok isum nasho̱o̱n yin. Mi ta nye riye̱ riwe kamok whe̱re̱ kaye̱e̱r áya a tá nye rine̱n, amma an tan shishing kuse ba baꞌ, rine̱n kunye rikuna, ne kuwun kuya ba ta nye dide̱ng.

aGalati 5:20

ne kukuus ike̱re̱ itsi be rikur. Ánerawe naka di kye̱re̱ ne á ko̱ro̱ng ne á naka shishim, be riye̱ kubeseng dide̱ng, ne kushim rice be ku naka kaa ne kuwon dar kugung rice,

Ike̱ng a ta tonong aYohana 13:13

Kukewum kufe afa na nye ike̱re̱ azhing dide̱ng ma ku sak kuro̱ng tá wuruk naza nong ku ta kpa kaben ne ánerawe ye̱re̱k.

Ike̱ng a ta tonong aYohana 13:15

Á tu no̱o̱k kukyem nong a tin fe̱e̱p isong nike̱ng'e nong ase̱ ku ta kyem ku fe̱ kanu ne ku sak a ta fe̱r koangan a ta gaar ku kuya iben.

Ike̱ng a ta tonong aYohana 13:7

A tu ku no̱o̱k kukyem a tanin ko̱n itsom be ázhe̱l'e ne a ka canang ba. A tu ku no̱o̱k kukyem natoon koangan irem be koakye kuri anerawe be koakye kuri izere ne koakye kuri karo̱.

Ike̱ng a ta tonong aYohana 14:8

Amaleka afe afa bun a gor a ta fe̱ ye, “Kun kpa, Agbang kuwo̱p aBabila n kpa, kun kpa. Wu ne a sak ánerawe ni iwo̱p cei tá feng be ashi anap kamok amaan rikuna wu.”

Ike̱ng a ta tonong aYohana 16:6

Kamok ba tan nyos naso̱k ázhe̱l'e be áfe kuzarap wan, yong wan tú no̱o̱k ba naso̱k nong a tá so̱ te̱re̱ be kunye ba.”

Ike̱ng a ta tonong aYohana 17:2

Ágwo̱m kazatse na nye rikuna be wu. Ánerawe kazatse feng be ashi anap kamok rikuna wu.”

Ike̱ng a ta tonong aYohana 17:4

Abining'e te ares akak aseng. Abining'e te ares a tá nye be izinariya ne iwe̱re̱ng i ta se yiik. A be kures kuso̱ ashi kukak a tá nye be izinariya nubo̱k wu. Kures'e shining be ike̱re̱ akye̱re̱ be ife i ta be narik rikuna wu.

Ike̱ng a ta tonong aYohana 17:5

A ti zibir riyerek rikak nati wu rife̱ sang akak ta ren ike̱ng i ta sor baꞌ ye, ababila ayiik'e, anyining inyak ágwo̱m cice̱r, anyining ike̱re̱ akye̱re̱ nazatse.

Ike̱ng a ta tonong aYohana 18:3

Kamok ánerawe kazatse cice̱r n feng be ashi anap afe amaan rikuna wu. Ágwo̱m kazatse nye rikuna be wu. Ágbang ázhik kazatse na te árum kamok kushim kusas kusor kazatse wu.”

Ike̱ng a ta tonong aYohana 19:2

Kamok amok wu se gye̱r ne a nye katsak. A to̱ agbang inyak agwo̱m iya i tá beseng kazatse be rikuna wu amok. Adakunom mu ku karang kamok a fe̱s ásam wu.”

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

Ike̱ng a ta tonong aYohana 9:20

Ribir ánerawe áfe sang á ta ka fe̱s ba be amaan ike̱re̱'ong baꞌ, gaar kushishing kuse ba nong á tà kam be ike̱re̱ ba tá nye be ibo̱k ba. Á ya kasho̱o̱n be kuya amaan nabik iben ne ike̱re̱ ba ta nye be izinariya ne azurfa be atso̱m ne ata be ikon ba tá nye be ibo̱k ba. Ike̱re̱'ong di karo̱ baꞌ, i fok kuto baꞌ, i kyem i tseng baꞌ.