Ike̱ng a ta tonong aYohana 9:1 - Izere New Testament

¹ Amaleka afe atoon fe̱e̱p rigba rifu ne mi di adar aya a ta se naza tá kpa kaben. A no̱o̱k adar'e akarak nong a tin karak ribong rikak ri ta se tsik dar igak ame.

Ike̱ng a ta tonong aYohana 9:1 Iomraidhean Croise

aLuka 10:18

Ayong aYeso fe̱ be ba ye, “Mi di Ishetan ta samang a ta kpa ni itsik wu kyo̱ndi iza ta tarang karo̱.

aLuka 8:31

Ayong a yiir kunye aYeso akusuk ye sang a tu fe̱ be ba ye á ra be kaye̱e̱r ribong riya sang ri ta be igak baꞌ.

aRom 10:7

“Ka tu fe̱ ye, ‘Angan ta no̱ kaye̱e̱r kaben tsik e̱?’ ” (Nong a ta dorok be aKiristi nure̱k.)

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ike̱ng a ta tonong aYohana 1:20

Ádar kanataar wan ta di nubo̱k riya mi be iro̱ng i ta se nike̱re̱ kanataar naro̱ a tin saas iro̱ng a tá nye be izinariya'me sor ana: Ádar kanataar'ong nye ámaleka nazu ikilisiya kanataar ame, ike̱re̱ ife a tin tes irong kanataar'e nye agbang iwo̱p kanataar ame.

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ike̱ng a ta tonong aYohana 20:1

Ne mi di amaleka akak tá wuruk kaye̱e̱r kaza ta sen tiik kaben, be akarak ribong riya ri ta se tsik dar igak ame. A be kudun kutso̱m kugbang'e nubo̱k wu.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 6:13

Adar kpas kaben kyo̱ndi kutes atafo kuya kuwun ta suruk kaben.

Ike̱ng a ta tonong aYohana 8:10

Amaleka afe ataar fe̱e̱p rigba rifu, yong agbang adar akak a ta se kanang kyo̱ndi kuro̱ng natoon kaza tikpa kaye̱e̱r abas azining kaye̱e̱r ataar afe agbang adung be itop ashi.

Ike̱ng a ta tonong aYohana 8:12

Amaleka afe anaas fe̱e̱p rigba rifu, ne abas azining kaye̱e̱r ataar afe kunom te whi, anong ne kufe̱n ne ádar te whi gip. Abas azining kaye̱e̱r ataar afe kuwoso se whi anong ne katuk te dar kufe̱n.

Ike̱ng a ta tonong aYohana 8:2

Iyong mi di ámaleka kanataar ame á ta nyeseng nasho̱o̱n Adakunom, a tá ka no̱o̱k ba agba kanataar.

Ike̱ng a ta tonong aYohana 9:2

Nizen iya adar'e tá karak ribong'e iyong itsing wuruk kaye̱e̱r'e kyo̱ndi itsing kuro̱ng a ta kas nagbang karo̱. Itsing ribong'e sak kunom be kaza te map.