Ike̱ng a ta tonong aYohana 8:2 - Izere New Testament

² Iyong mi di ámaleka kanataar ame á ta nyeseng nasho̱o̱n Adakunom, a tá ka no̱o̱k ba agba kanataar.

Ike̱ng a ta tonong aYohana 8:2 Iomraidhean Croise

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

aMatiyu 24:31

A ta tom ámaleka wu nong á ta fe̱e̱p rigba ri ta wo̱ng dide̱ng ne á tusung aya a tá kasa nikes kazatse inaas, nikes kuyu ma nigang kazatse.

aLuka 1:19

Ne amaleka'me fe̱ be wu ye, “Mi ne i nye aGyebel. Mi se nasho̱o̱n Adakunom. A min tom nufuan nong tà ka tak Rife̱ Ritek na.

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

1 aKoranti 15:52

nizen izining kyo̱ndi kutsor anyisi be kufok rigba rife̱ igang'e. A tà fe̱e̱p rigba, a tà bun a dorok ikom be iro̱m kuri kuya sang ku tana bus baꞌ, ne a shishing iro̱m yir.

1 aTasalonika 4:16

Katuk kayong, Agwo̱m Ágwo̱m yir tà tiik kaben be rice wu, ne a yis be agap, be kuto̱ agbang amaleka ne a fe̱e̱p rigba Adakunom. Áya a tan tsang á kus kaye̱e̱r aKiristi baꞌ, ne á ta san kudorok.

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

Ike̱ng a ta tonong aYohana 15:1

Mi di ike̱ng ikak natoon kaza igbang'e ife azhing. Mi di ámaleka kanataar be iriri amaan risam kanataar rife̱ igang'e. Kamok be ba ne a tin tonong riye̱ kubeseng Adakunom rife igang'e.

Ike̱ng a ta tonong aYohana 16:1

Iyong mi fok kuto̱ kukak be agap ku tá yis kaye̱e̱r agbang kutu kuya Adakunom iben'e, ku ta sen fe̱ be ámaleka kanataar ame ye, “Tseng yin ta se korok yin kazatse nakereng kanataar nafe riye̱ kubeseng Adakunom na.”

Ike̱ng a ta tonong aYohana 8:13

Mi tá fa ye̱re̱k ne mi fok akim akak a ta tseng natoon kaza ta tos be agap ye, “Wa tsek, wa tsek, wa be áner á ta sor nazatse, nizen iya ribir ámaleka ataar tana fe̱se̱m agba baꞌ.”

Ike̱ng a ta tonong aYohana 8:6

Iyong ámaleka kanataar ame nye kanye̱k nong á ta fe̱se̱m agba'me.

Ike̱ng a ta tonong aYohana 9:1

Amaleka afe atoon fe̱e̱p rigba rifu ne mi di adar aya a ta se naza tá kpa kaben. A no̱o̱k adar'e akarak nong a tin karak ribong rikak ri ta se tsik dar igak ame.