Ike̱ng a ta tonong aYohana 8:10 - Izere New Testament

¹⁰ Amaleka afe ataar fe̱e̱p rigba rifu, yong agbang adar akak a ta se kanang kyo̱ndi kuro̱ng natoon kaza tikpa kaye̱e̱r abas azining kaye̱e̱r ataar afe agbang adung be itop ashi.

Ike̱ng a ta tonong aYohana 8:10 Iomraidhean Croise

aMatiyu 25:1

“Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas.

aLuka 10:18

Ayong aYeso fe̱ be ba ye, “Mi di Ishetan ta samang a ta kpa ni itsik wu kyo̱ndi iza ta tarang karo̱.

aZhud 1:13

Á se kyo̱ndi ashi ta tang agung kaye̱e̱r agbang kudung be kuren ne a turung afufuk. A se kyo̱ndi ádar áya a ta tsang á kar kpe̱de̱ng. An sak amaan awhi kamok ba ma izen izen.

Ike̱ng a ta tonong aYohana 1:20

Ádar kanataar wan ta di nubo̱k riya mi be iro̱ng i ta se nike̱re̱ kanataar naro̱ a tin saas iro̱ng a tá nye be izinariya'me sor ana: Ádar kanataar'ong nye ámaleka nazu ikilisiya kanataar ame, ike̱re̱ ife a tin tes irong kanataar'e nye agbang iwo̱p kanataar ame.

Ike̱ng a ta tonong aYohana 12:4

Kurum'e re̱ng ádar kaza abas azining kaye̱e̱r ataar a tá korok kaye̱e̱r kazatse. Ne Kuwhen ame nyeseng nasho̱o̱n abining ame a tan be̱ barak a ta tes nikum a ta wor a wo̱no̱ng igon abining'e nizen iya a tana tes.

Ike̱ng a ta tonong aYohana 14:7

Iyong amaleka'me ta kuto̱ be agap a ta fe̱ ye, “Tiyiik yin Adakunom, ne i kerek yin kuyiik wu! Kamok kyo̱o̱rna izen n nye a tana to̱ kazatse cice̱r amok. Ku ya yin iben, wu ne a nye kaza be kaben, be agbang adung ne itop ashi.”

Ike̱ng a ta tonong aYohana 16:4

Amaleka afe ataar'e tseng a tá se korok ike̱ng iya i ta se kaye̱e̱r kakereng kafu kaye̱e̱r isho̱ng ne ninaro̱ ashi tu ku wuruk. Ayong ashi'me te naso̱k gip.

Ike̱ng a ta tonong aYohana 6:13

Adar kpas kaben kyo̱ndi kutes atafo kuya kuwun ta suruk kaben.

Ike̱ng a ta tonong aYohana 8:7

Nizen amaleka afe ime̱se̱ng'e tá fe̱e̱p rigba rifu ne rikarang be kuro̱ng ku tin kare̱ be naso̱k kpas nazatse. Kuro̱ng'e ya kukyes kuzining kaye̱e̱r itaar ife kazatse, anong ne nakon be agam ashirim kuro̱ng'e ya cei.

Ike̱ng a ta tonong aYohana 9:1

Amaleka afe atoon fe̱e̱p rigba rifu ne mi di adar aya a ta se naza tá kpa kaben. A no̱o̱k adar'e akarak nong a tin karak ribong rikak ri ta se tsik dar igak ame.

Ike̱ng a ta tonong aYohana 9:15

Ayong a bisik ámaleka anaas ame áya a tá tsang a ku sak ba kamok izen'e ne kunom'e be kufe̱n'e ne riye̱'me nong á tá fe̱s ánerawe, abas azining kaye̱e̱r ataar.

Ike̱ng a ta tonong aYohana 9:18

Be risam na ne a ti fe̱s ánerawe abas azining kaye̱e̱r ataar, be kuro̱ng'e ne itsing ne ike̱ng ikak kyo̱ndi itong abindiga tá wuruk ni nanu ba.