Ike̱ng a ta tonong aYohana 7:2 - Izere New Testament

² Ne mi di amaleka akak tá wuruk nabas kuwuruk kunom be izizo̱ kukyem Adakunom afe kutser nubo̱k wu. Ayong a ta kuto̱ be agap a tá ka no̱o̱k ba kukyem nong a ta beseng kaben be agbang isho̱ng.

Ike̱ng a ta tonong aYohana 7:2 Iomraidhean Croise

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aMatiyu 26:63

Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

aYohana 6:27

Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

2 aKoranti 1:22

a min tse̱k yir izizo̱ wu, ne a bun a ti no̱o̱k yir kabik wu kaye̱e̱r aye̱ yir ye nong yir ta te yir afu, nong tin no̱o̱k yir katsak natoon ike̱ng i tana be̱.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

Afisa 4:30

Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

1 aTasalonika 1:9

Ba be rice ba fe̱ itak kushan niren afe yin tin shan yir, nizen iya yir tá be̱ yir nufe yin, ne kuwon kukuus itsi yin tá won yin nong i tu ku bun yin Adakunom afe kutser ne afe katsak itomong,

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

Ibrani 12:22

Amma yin n se̱ yin rifan aSihiyona ri ta nye aUshalima afe kaza, agbang kuwo̱p Adakunom afe kutser ne kanyim riye̱ rikan ámaleka whe̱re̱re̱.

Ike̱ng a ta tonong aYohana 1:3

Aner riye̱ rikan ne a nye aner aya a ta fa ike̱re̱ na ife aner kuzarap na tá zibir. Aner riye̱ rikan ne a nye aner aya a ta fok ne a kuus ike̱ng iya a ta zibir kaye̱e̱r kufumung na, kamok izen n be̱ barak ike̱re̱ na tana nye.

Ike̱ng a ta tonong aYohana 10:1

Ne mi bun i di agbang amaleka akak ne naza a sen tisik kaben. A mu ku kis be ane̱n be itsereng natoon rice wu. Kanyisi wu se kyo̱ndi kunom ne atak wu seng kyo̱ndi atse̱n kuro̱ng.

Ike̱ng a ta tonong aYohana 10:4

Nizen akparam kanataar'e tá fe̱ kanu, mi shim ta zibir rife̱'me, amma mi fok kuto̱ kukak naza ye, “Sang tu zibir ike̱re̱ iya akparam'e tá fe̱ baꞌ.”

Ike̱ng a ta tonong aYohana 16:12

Amaleka afe igataar se korok ike̱ng iya i ta se kaye̱e̱r kakereng kafu na agbang isho̱ng a ta yis ye aYufiretis. Ashi'me gang cei nong a tá nang ágwo̱m a tana wuruk nabas kuwuruk kunom iren.

Ike̱ng a ta tonong aYohana 5:2

Ne mi bun i di amaleka akak agbang'e, a sen fe̱ be agbang kuto̱ ye, “Angan kyem a ta bisik idun na nong a ta karak kukpa'me e̱?”

Ike̱ng a ta tonong aYohana 8:3

Amaleka akak, a tá be kures a tá nye be izinariya be̱ nong a tá nyeseng'e nasho̱o̱n abagadi'me. A tú ku no̱o̱k ike̱re̱ iko̱o̱n itek dide̱ng kaye̱e̱r kures ame nong a tin nye asidaka nong a tin gung be aduwa ázhe̱l'e cice̱r natoon a abagadi izinariya ame ta se nasho̱o̱n itsik rigwo̱m.

Ike̱ng a ta tonong aYohana 9:14

Kuto̱'me fe̱ be amaleka afe igataar'e, ye, “Bisik ámaleka anaas ame áya a ta ma ka rosom ba nisho̱ng aYufiretis.”

Ike̱ng a ta tonong aYohana 9:4

A fe̱ be kubep'e ye sang a tu beseng agam ka nakon baꞌ, amma igak ánerawe áya a ta be izizo̱ Adakunom nanati ba baꞌ.