Ike̱ng a ta tonong aYohana 7:12 - Izere New Testament

¹² ne á fe̱ ye, “Anong, kuyiik be nakerek be kukyem be riye̱ rikan be rigwo̱m be agap ne ritek nye rife Adakunom yir ma izen izen, Anong.”

Ike̱ng a ta tonong aYohana 7:12 Iomraidhean Croise

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

aRom 11:36

Kamok wu ne a nye koakye ike̱ng, ne koakye se nubo̱k wu, a nye koakye kamok rice wu. Kuyiik nye kufe Adakunom ma izen izen. Anong!

1 aKoranti 14:16

Ke wan kerek Adakunom be kabik wan, to̱, aner aya a ta ka foos ta san'e ane̱ a ta fe̱ ye “Anong” sang wu ta fok irem'e baꞌ natoon riye̱ rikan wan ta sen nye'me e̱?

2 aKoranti 4:15

Ike̱re̱ na cice̱r se kamok yin, nong nizen iya ritek Adakunom tana se̱ ánerawe whe̱re̱, i ta sak a ta nye riye̱ rikan be Adakunom dide̱ng nong a tu ku tiyiik makiyi.

aKolosi 2:7

Nyeseng yin be agap natoon wu, a ta nye ribor'e ne i ni barang yin kurasak kaye̱e̱r kuno̱o̱k katsak yin, kyo̱ndi a tá ka bo̱so̱p yin'e ne i tonong yin riye̱ rikan dide̱ng.

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

aZhud 1:25

Kuyiik nye kufu wu ze̱r, wu aya a ta nye Adakunom Aner Kashesh yir kaye̱e̱r aYeso Kiristi Agwo̱m Ágwo̱m yir. Kuyiik be kukyem ne rigwo̱m be agap nye kufu kum ni ime̱se̱ng'e, be kyo̱o̱rna, be ma izen izen! Anong.

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ike̱ng a ta tonong aYohana 19:4

Iyong áko̱k kasho̱o̱n iso̱k ifa be anaas ame ne ikewum inaas ame kpas kaben nong á tá ya Adakunom iben, wu afe a ta sonong natoon itsik rigwo̱m. Ne á tang kuto̱ ne á fe̱ ye, “Anong! Adide̱nge̱ng Adakunom!”