Ike̱ng a ta tonong aYohana 7:11 - Izere New Testament

¹¹ Ámaleka cice̱r nyeseng a ta gorok itsik rigwo̱m'e be áko̱k kasho̱o̱n ame ne ikewum inaas ame nong á ta kpas kaben nasho̱o̱n itsik rigwo̱m'e á ta ya Adakunom iben,

Ike̱ng a ta tonong aYohana 7:11 Iomraidhean Croise

aMatiyu 4:10

aYeso fe̱ be wu ye, “Kam be mi Ishetan! Kamok ise ni izibir ye, ‘Agwo̱m Ágwo̱m wan Adakunom ne wan tù ku ya iben ne i ku nye itomong wu ze̱r tsek.’ ”

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

Ibrani 1:6

Nizen iya Adakunom tá tom igon wu kafe ime̱se̱ng'e kaye̱e̱r kazatse, a bun a fe̱ ye, “Won ámaleka cice̱r tu ku ya iben.”

Ike̱ng a ta tonong aYohana 11:16

Ayong áko̱k kasho̱o̱n iso̱k ifa be anaas á tá se nusosok natoon ítsik rigwo̱m ba kpas kaben nong á tá ya Adakunom iben,

Ike̱ng a ta tonong aYohana 15:4

Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”

Ike̱ng a ta tonong aYohana 22:9

Amma amaleka'me fe̱ be mi ye, “Sang tu nye anong baꞌ. Mi nye asam afudang wan, kyo̱ndi ribir áronyining wan áner kuzarap Adakunom cei be ribir ánerawe áya a tin sak riye̱ nufumung a ta zibir na. Ya yin Adakunom iben!”

Ike̱ng a ta tonong aYohana 4:10

ne áko̱k kasho̱o̱n iso̱k ifa be anaas ame kpas kaben nasho̱o̱n wu aya a tá sonong ni itsik rigwo̱m ame, ne á ku ya iben, wu aya a tana sor ma izen izen ame. A turung abong rigwo̱m ba nasho̱o̱n itsik rigwo̱m'e ne á fe̱ ye,

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 4:6

Nasho̱o̱n itsik rigwo̱m'e ike̱ng ikak tuse kyo̱ndi agbang kudung a tá nye be agilas, i ta gye̱se̱m kyo̱ndi amadobi. Ike̱re̱ ikak inaas i ta be kutser tuse i ta gorok itsik rigwo̱m'e. Ike̱re̱'me be anyisi whe̱re̱ nasho̱o̱n be kama.

Ike̱ng a ta tonong aYohana 4:8

Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”