Ike̱ng a ta tonong aYohana 6:9 - Izere New Testament

⁹ Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.

Ike̱ng a ta tonong aYohana 6:9 Iomraidhean Croise

aYohana 16:2

Á tà ka turung yin kaye̱e̱r atu aduwa. Katsak'e, izen saase iya ke aner akak a ta fe̱r yin, a tà di ye wu sen nye itomong Adakunom.

2 aKoranti 5:8

Katsak'e, yir be yir agak riye̱ baꞌ. Yir nar kushim ta kam yir kuro̱m na nong ta sor yir mak be Agwo̱m Ágwo̱m kaye̱e̱r kaza.

aFilipi 1:23

I ti ro̱ ta kasa izining kaye̱e̱r'e, amma kushim mi nye ke i ku nong tà sor be aKiristi, iyong ti nar dide̱ng.

aFilipi 2:17

Ei, i se gye̱r, mi ta nye riye̱ rikan be yin, a fa nyosong naso̱k'i natoon asidaka yin ne natoon itomong kuno̱o̱k katsak yin, gip be anong mi be riye̱ rikan be yin.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

2 aTimoti 4:6

Kamok izen n nye a tanin sok a ta no̱o̱k kyo̱ndi asidaka igang'e, izen kutseng'i n nye.

Ibrani 12:23

Yin n be̱ yin kaye̱e̱r áfikuus, áya a ta nye inoon nafe ife ime̱se̱ng'e áya ayerek ba ta se nuzibir kaye̱e̱r kaza. Yin n be̱ yin nufe Adakunom aya a tana to̱ ánerawe cice̱r amok ne nufe nabik áner aya a ta se zhe̱l, áya a ta shining gye̱r.

Ike̱ng a ta tonong aYohana 1:2

aYohana taas koakye ike̱ng wu tá di gye̱r. Itak'e nye rife̱ Adakunom ne itak natoon aYeso Kiristi.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 14:18

Ne amaleka akak a tin sak riye̱ nuro̱ng bun a wuruk gbak, a wuruk na abagadi nong a tá yis amaleka aya a ta be alauzhe nubo̱k wu ame be agap, ye “Nabak alauzhe wan nong tin tse̱k kutes anap kaye̱e̱r kazatse kamok an te afe kutse̱k.”

Ike̱ng a ta tonong aYohana 16:7

Ne mi fok kuto̱ kukak kaye̱e̱r abagadi ame ta fe̱ ye, “Ei, Adakunom Agbang Agwo̱m Ágwo̱m afe kukyem cei, amok wan se gye̱r ne a nye katsak.”

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 8:3

Amaleka akak, a tá be kures a tá nye be izinariya be̱ nong a tá nyeseng'e nasho̱o̱n abagadi'me. A tú ku no̱o̱k ike̱re̱ iko̱o̱n itek dide̱ng kaye̱e̱r kures ame nong a tin nye asidaka nong a tin gung be aduwa ázhe̱l'e cice̱r natoon a abagadi izinariya ame ta se nasho̱o̱n itsik rigwo̱m.

Ike̱ng a ta tonong aYohana 9:13

Amaleka afe igataar'e fe̱e̱p rigba wu ne mi fok kuto̱ kukak tá wuruk nikes inaas ife abagadi izinariya ame nasho̱o̱n Adakunom.