Ike̱ng a ta tonong aYohana 6:12 - Izere New Testament

¹² Aturuk'e ta fa bisik kudun'e kufe igataar ne kazatse wor ka zuur be agap. Kunom wor ku te whi kyo̱ndi kukpiin kuwe kuya a ta nye be nakuyo̱ng izha iwe. Kufe̱n cice̱r ku te kuseng zhau kyo̱ndi naso̱k.

Ike̱ng a ta tonong aYohana 6:12 Iomraidhean Croise

aMatiyu 11:21

“Awo̱ be yin áner aKorasi. Awo̱ be yin áner aBatseda, ke a fa fe̱ ye a nye itomong azhing kuri iya a tá nye nufe yin kaye̱e̱r iwo̱p aTaya be aSidon ke ba shishing kuse ba gbugbang ne á tes agye̱e̱r ares ne a korok itong nuro̱m ba.

aMatiyu 24:29

“Kum nama risam izen iyong, “ ‘Kunom tà te whi ne kufe̱n ba se kanang baꞌ, ádar tà kpas, ne agbang ike̱re̱ kaza zuur cice̱r.’

aMatiyu 24:7

Kaben kakak tà ko̱n be kakak ne rigwo̱m ko̱n be rigwo̱m. A tà nye amaan izong ne kaben zu ni naro̱ ze̱r ze̱r.

aMatiyu 27:45

Kum natite kunom, kaben cice̱r te whi ma nabas itso̱m itaar.

aMatiyu 27:54

Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

aMatiyu 28:2

Iyong kaben wor ka zuur kamok amaleka Adakunom akak ne naza nong á tá be̱ tomong kuta'me ne á ni sonong natoon'e.

aMarkus 15:33

Nabas itso̱m kuso̱k be afa nunom, awhi whe̱e̱n kazatse cei ma nitso̱m itaar nawheshirim.

Ike̱ng a ta tonong aYohana 11:13

Dim nizen iyong kaben wor ka zuur, abas azining kaye̱e̱r kuwo̱p'e wor kuyirik. Ánerawe izungu kanataar kus kamok kuzuur kaben'e. Áfe á tá gaar be kutser fok inyim dide̱ng yong á tiyiik Adakunom a ta se kaye̱e̱r kaza.

Ike̱ng a ta tonong aYohana 16:18

Iyong karo̱ kpaan ku gye̱se̱m berep berep kyo̱ndi iza ta tarang karo̱, be kutasak ne akparam, ne kaben zuur dide̱ng. Kum Adakunom tá nye anerawe, kaben kun zuur anong baꞌ, kuzuur kaben'e wor ka nar agap.

Ike̱ng a ta tonong aYohana 16:8

Amaleka afe anaas'e tseng a ta se korok ike̱ng iya i ta se kaye̱e̱r kakereng kafu natoon kunom. Ayong a no̱o̱k kunom kukyem a tanin shosh ánerawe be kuro̱ng.

Ike̱ng a ta tonong aYohana 8:12

Amaleka afe anaas fe̱e̱p rigba rifu, ne abas azining kaye̱e̱r ataar afe kunom te whi, anong ne kufe̱n ne ádar te whi gip. Abas azining kaye̱e̱r ataar afe kuwoso se whi anong ne katuk te dar kufe̱n.

Ike̱ng a ta tonong aYohana 8:5

Ayong amaleka'me sok kures aturari ame, a tin shining be kuro̱ng natoon abagadi ame nong a tá misik nazatse. Ne akparam tar ne karo̱ nye berep be akanang kyo̱ndi iza ta tarang karo̱ ne kaben zuur gip.