Ike̱ng a ta tonong aYohana 5:6 - Izere New Testament

⁶ Ne mi bun i di Aturuk akak kyo̱ndi an tse̱e̱r kuto̱'me nunyeseng natite karo̱ itsik rigwo̱m'e. Ike̱re̱ inaas ame be áko̱k kasho̱o̱n tú ku gorok. Aturuk'e be atom kanataar be anyisi kanataar. Ayong ne á nye nabik Adakunom kanataar naya á tá tom'e nazatse cei.

Ike̱ng a ta tonong aYohana 5:6 Iomraidhean Croise

aLuka 1:69

A min no̱o̱k yir aner kashesh aya a ta be kukyem, kaye̱e̱r kasa asam wu aDauda.

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

aYohana 1:36

Nizen a tá di aYeso ta sen gor, a fe̱ be ba ye, “Di yin, Aturuk Adakunom!”

Itomong Ámanzo 8:32

Aritek ame tsang a sen fa karo̱ kaya ka ta fe̱ ye, “A tú ku ko̱k kyo̱ndi a ta ko̱k itsamang a ta ni itse̱e̱r A tseng gbik kyo̱ndi kaba turuk kaya áfe a kor ta ban ikor'e.

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ike̱ng a ta tonong aYohana 14:1

Mi ta fa ye̱re̱k ne mi di Aturuk ame nasho̱o̱n'i nunyeseng natoon kawhanang aSihiyona be áner izungu kuso̱k inyak be iso̱k inaas be anaas 144,000 mak be wu, áya a tá zibir riyerek Aturuk'e ne riyerek Ada wu ninati ba.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 21:22

Mi di agbang kutu kuya Adakunom iben kaye̱e̱r agbang kuwo̱p'e baꞌ, kamok Ada Adakunom ayiik'e ne Aturuk'e ne a nye agbang kutu kuya Adakunom iben'e.

Ike̱ng a ta tonong aYohana 21:23

Agbang kuwo̱p'e tse̱r akanang kunom ka kufe̱n baꞌ, kamok kuyiik Adakunom ne kunye akanang'e ne Aturuk'e ne a nye apitila'me

Ike̱ng a ta tonong aYohana 22:1

Ayong amaleka'me ti tonong isho̱ng i ta be ashi kutser, i se zhe̱l kyo̱ndi agilas. Ashi'me wuruk naro̱ itsik rigwo̱m Adakunom be ife Aturuk'e,

Ike̱ng a ta tonong aYohana 22:3

Adakunom tà ba fiming ike̱ng ikak baꞌ. Itsik rigwo̱m Adakunom be itsik rigwo̱m Aturuk'e tà sor kaye̱e̱r kuwo̱p'e ne ásam wu ku nye itomong.

Ike̱ng a ta tonong aYohana 4:8

Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”

Ike̱ng a ta tonong aYohana 5:11

Mi bun i di ne mi fok kuto̱ rigwo̱m ámaleka izungu natoon izungu whe̱re̱. Á gorok ikewum inaas ife kutser ame ne áko̱k kasho̱o̱n ame gip ne itsik rigwo̱m ame.

Ike̱ng a ta tonong aYohana 5:12

Á tang i to̱ be agap ne á bom abom ye, “Kukyem nye kufe Aturuk a tá tse̱e̱r, a kyem a tu ku no̱o̱k rigwo̱m be kurum ne kukyem cei be agap ne nakerek be kuyiik ne ri ritek.”

Ike̱ng a ta tonong aYohana 5:13

Ne mi bun i fok koakye ike̱re̱ i ta se natoon kaza be kaben cei be iya i ta se kaye̱e̱r kaben ne kaye̱e̱r ashi ne ife i ta se natoon'e cei tà ta kuto̱ na abom ye, “Nakerek be kuyiik be rigwo̱m ne agap nye kufe aya a ta sonong natoon itsik rigwo̱m'e be Aturuk'e gip ma izen izen.”

Ike̱ng a ta tonong aYohana 5:14

Ne íkewum inaas ife kutser ame fe̱ ye, “Anong.” Ne áko̱k kasho̱o̱n ame kpas kaben a tú ku ya iben.

Ike̱ng a ta tonong aYohana 6:16

Á tá tasak á tá fe̱ be nawhanang be ata ame ye, “Ni kpas yin natoon yir nong tin te̱ne̱ng yir nanyisi aner a tan sonong natoon itsik rigwo̱m ne kubeseng riye̱ Aturuk'e.