Ike̱ng a ta tonong aYohana 5:5 - Izere New Testament

⁵ Ayong akak kaye̱e̱r áko̱k kasho̱o̱n ame fe̱ be mi ye, “Sang tu tos baꞌ, Di! Azaki kya kaye̱e̱r áner aYahuda, kunik kasa aDauda, n canang kazatse. A kyem a ta karak kukpa ne a bisik idun kanataar'ong.”

Ike̱ng a ta tonong aYohana 5:5 Iomraidhean Croise

aLuka 23:28

Ayong aYeso kirik a tá fe̱ be ba ye, “Ányining aUshalima, tu tos yin kamok'i baꞌ, tos yin kamok rice yin ne inoon yin.

aLuka 7:13

Nizen aYeso tá fa ku di, ne a ro̱ riye̱ wu, yong a fe̱ be wu ye, “Sang tu tos baꞌ.”

aLuka 8:52

Ánerawe sen tang ikun, ne á nye riyo̱m kanamang'e. Ayong aYeso fe̱ be ba ye, “Sang tu tos yin baꞌ, an ku baꞌ, amma a se be ida tsek.”

aYohana 20:13

Ne ámaleka ame tú ku rip ye, “Anyiningkasa, akye̱ sak wan tos e̱?” Ne wu fe̱ be ba ye, “An sok kukom aYeso Agwo̱m Ágwo̱m mi, mi ren karo̱ kaya a tú ku sak baꞌ.”

aRom 1:3

Rife̱ Ritek'e se natoon Igon wu aya a tá nye kuri aDauda nuro̱m.

aRom 15:12

Ishaya bun a fe̱ gbak ye, “Akak kaye̱e̱r kuri aZhese ta wuruk, a ta dorok a tin nye rigwo̱m natoon áya sang á ta nye áner aYahuda baꞌ, ne áya sang á ta nye áner aYahuda baꞌ, tin te riye̱ ni wu.”

Ibrani 7:14

Katsak'e nye aYeso Agwo̱m Ágwo̱m yir wuruk kaye̱e̱r kuri aYahuda kuya sang aMusa ta kun nife̱ ike̱ng ikak natoon ba ni itomong ritsi baꞌ.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ike̱ng a ta tonong aYohana 4:10

ne áko̱k kasho̱o̱n iso̱k ifa be anaas ame kpas kaben nasho̱o̱n wu aya a tá sonong ni itsik rigwo̱m ame, ne á ku ya iben, wu aya a tana sor ma izen izen ame. A turung abong rigwo̱m ba nasho̱o̱n itsik rigwo̱m'e ne á fe̱ ye,

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 5:4

Iyong mi tos dide̱ng kamok a kyem a se̱ akak a tana kyem a karak kukpa shita a ta fa baꞌ.

Ike̱ng a ta tonong aYohana 6:1

Mi di Aturuk'e ta sen bisik kudun'e kufe ime̱se̱ng'e kaye̱e̱r idun kanataar ame. Ne mi fok ikewum ikak izining kaye̱e̱r inaas ife kutser ame tá yis be agbang kuto̱ kyo̱ndi akparam ye, “Be̱.”

Ike̱ng a ta tonong aYohana 7:13

Ayong asho̱n'e akak kaye̱e̱r ba ti rip ye, “Ángan na be ares akan na e̱? Á wuruk ake̱ e̱?”