Ike̱ng a ta tonong aYohana 4:8 - Izere New Testament

⁸ Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”

Ike̱ng a ta tonong aYohana 4:8 Iomraidhean Croise

Itomong Ámanzo 20:31

Kamok anong, sak yin riye̱. Yiring yin, mi n te aye̱ ataar ne i ka nyesek yin itabak katuk be kunom be nanyisi rice.

2 aKoranti 6:18

“Mi ta te Ada yin ne yin sor yin inoon'i, acam be nanamang Agwo̱m Ágwo̱m ayiik'e ne ku fe̱ anong.”

1 aTasalonika 2:9

Ároneng, mi ren tse̱ng tse̱ng ye yin ru yiring yin be kuri itomong ne risam yir tá so̱ yir. I nye yir itomong katuk be kunom kamok fan i ba ka no̱o̱k yin risam nizen yir tá sen ka nye yin awazi Rife̱ Ritek.

1 aTimoti 4:16

Sak riye̱ be kutseng wan ne i sak riye̱ be ike̱ng iya wan tá bo̱so̱p. Na ka tsesek ta nye ike̱re̱'ong kamok ke wan ti nye itomong be ike̱re̱'me, wan ta shesh rice wan be áfe a ta ka foos.

2 aTimoti 4:2

wan ri tsesek ninye awazi rife̱ Adakunom, ko be izen ko dar izen. Nees ánerawe, kuzhe̱e̱r ba ne i kutsesek ba ne i ka bo̱so̱p ba'me kaye̱e̱r awhiwhe̱.

Ibrani 13:8

aYeso Kiristi afe kure be afe katuur ne afe izen izen se azining, a shishing nigaan'e baꞌ.

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

Ike̱ng a ta tonong aYohana 1:8

Agwo̱m Ágwo̱m yir Adakunom fe̱ ye, “Mi ne i nye Alfa ne aOmega. Wu tu se gbugbang, wu ne a kuse kyo̱o̱rna, wu ne a tà bun a be̱. Mi ne i nye afe kukyem cice̱r.”

Ike̱ng a ta tonong aYohana 11:17

ne á fe̱ ye, “Yir shim ta ka tonong yir riye̱ rikan Agwo̱m Ágwo̱m yir Adakunom afe kukyem cice̱r, aya a tu ku se gbugbang ne a kuse kyo̱o̱rna. Kamok wan sok agbang kukyem wan i tin nye rigwo̱m kyo̱o̱rna.

Ike̱ng a ta tonong aYohana 14:11

Itsing kuro̱ng kuya a tana ku no̱o̱k mo ba risam'me ngarak naza ma izen izen. Koangan áner aya a tà ya kukewum ame iben ka ike̱ng iya i tù ku tas iben ne a tú ku tse̱k ba izizo̱ riyerek ikewum'e, á ta so̱ risam katuk be kunom dar gang.”

Ike̱ng a ta tonong aYohana 14:3

Á se be abom afas nasho̱o̱n itsik rigwo̱m ame be nasho̱o̱n ike̱re̱ inaas ame ne áko̱k kasho̱o̱n. Aner akak kyem a bom abom'e baꞌ, igak awan áner izungu kuso̱k inyak be iso̱k inaas be anaas 144,000 á tu ku shesh ba kaye̱e̱r kazatse ame tsek.

Ike̱ng a ta tonong aYohana 15:3

Á bom abom aMusa asam Adakunom be abom a ta bom Aturuk'e ame ye, “Kunye wan se yiik ne ku nye ike̱ng azhing Adakunom agbang Agwo̱m Ágwo̱m afe kukyem cei. Iren wan nye iren itek be ife katsak. Wan ne i nye agbang Agwo̱m Ágwo̱m afe ánerawe kazatse cice̱r.

Ike̱ng a ta tonong aYohana 15:7

Ayong azining kaye̱e̱r ike̱re̱ i ta be kutser ame, no̱o̱k ámaleka kanataar'e nakereng a ta nye be izinariya kanataar na ta shining be riye̱ kubeseng Adakunom, wu afe a ta se ma izen izen.

Ike̱ng a ta tonong aYohana 16:14

Ámaan nabik'e nye ítseng i tá nye ike̱re̱ azhing. Á tsees nufe ágwo̱m kazatse na cice̱r nong a ta ka tusung ba naro̱ kazining kamok itsom a tana ko̱n katuk agbang kunom Adakunom afe kukyem cice̱r.

Ike̱ng a ta tonong aYohana 16:7

Ne mi fok kuto̱ kukak kaye̱e̱r abagadi ame ta fe̱ ye, “Ei, Adakunom Agbang Agwo̱m Ágwo̱m afe kukyem cei, amok wan se gye̱r ne a nye katsak.”

Ike̱ng a ta tonong aYohana 19:15

Itsor ikak iwe̱n'e iya i ta ya dide̱ng wuruk nanu wu, a ti te̱m aner kazatse be itsor'e. “A tin nye rigwo̱m niba be ishe̱n kutso̱m.” A tà fi kutes anap ba kaye̱e̱r ribong a tin fi ashi anap, aya a ta nye afe agbang riye̱ kubeseng Adakunom afe Kuyiik.

Ike̱ng a ta tonong aYohana 19:4

Iyong áko̱k kasho̱o̱n iso̱k ifa be anaas ame ne ikewum inaas ame kpas kaben nong á tá ya Adakunom iben, wu afe a ta sonong natoon itsik rigwo̱m. Ne á tang kuto̱ ne á fe̱ ye, “Anong! Adide̱nge̱ng Adakunom!”

Ike̱ng a ta tonong aYohana 21:22

Mi di agbang kutu kuya Adakunom iben kaye̱e̱r agbang kuwo̱p'e baꞌ, kamok Ada Adakunom ayiik'e ne Aturuk'e ne a nye agbang kutu kuya Adakunom iben'e.

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 4:6

Nasho̱o̱n itsik rigwo̱m'e ike̱ng ikak tuse kyo̱ndi agbang kudung a tá nye be agilas, i ta gye̱se̱m kyo̱ndi amadobi. Ike̱re̱ ikak inaas i ta be kutser tuse i ta gorok itsik rigwo̱m'e. Ike̱re̱'me be anyisi whe̱re̱ nasho̱o̱n be kama.

Ike̱ng a ta tonong aYohana 4:9

Ike̱re̱ inaas itser'ong bom abom riye̱ rikan, be nakerek ne a kuyiik, aner aya a ta sonong natoon itsik rigwo̱m'e, wu aya a tana sor ma izen izen'e. Koakye izen iya ba nye anong,

Ike̱ng a ta tonong aYohana 5:6

Ne mi bun i di Aturuk akak kyo̱ndi an tse̱e̱r kuto̱'me nunyeseng natite karo̱ itsik rigwo̱m'e. Ike̱re̱ inaas ame be áko̱k kasho̱o̱n tú ku gorok. Aturuk'e be atom kanataar be anyisi kanataar. Ayong ne á nye nabik Adakunom kanataar naya á tá tom'e nazatse cei.

Ike̱ng a ta tonong aYohana 6:1

Mi di Aturuk'e ta sen bisik kudun'e kufe ime̱se̱ng'e kaye̱e̱r idun kanataar ame. Ne mi fok ikewum ikak izining kaye̱e̱r inaas ife kutser ame tá yis be agbang kuto̱ kyo̱ndi akparam ye, “Be̱.”

Ike̱ng a ta tonong aYohana 6:6

Ne mi fok ike̱ng ikak kyo̱ndi kuto̱ kukak natite ike̱re̱ ame ku tá fe̱ ye, “Amudu ikpe naya a ta yis ye alikama se kyo̱ndi ishorong kuwoso alebura, amudu ataar afe ikpe naya a ta yis ye abale se kyo̱ndi ishorong kuwoso alebura. Amma tu beseng name nafar'e ka ashi anap'e baꞌ.”

Ike̱ng a ta tonong aYohana 7:11

Ámaleka cice̱r nyeseng a ta gorok itsik rigwo̱m'e be áko̱k kasho̱o̱n ame ne ikewum inaas ame nong á ta kpas kaben nasho̱o̱n itsik rigwo̱m'e á ta ya Adakunom iben,

Ike̱ng a ta tonong aYohana 7:15

Kamok anong, “ba sor nasho̱o̱n itsik rigwo̱m Adakunom ne á ku ya iben katuk be kunom nagbang karo̱ ku kuya iben. Aner a ta sonong ni itsik rigwo̱m'e ta tarak ikpaar wu natoon ba koakye izen.