Ike̱ng a ta tonong aYohana 4:4 - Izere New Testament

⁴ Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 4:4 Iomraidhean Croise

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aLuka 22:30

Nong ase̱ ta ya ne i so̱ yin mak be mi kaye̱e̱r rigwo̱m'i, tá sosok yin ni ítsik rigwo̱m ne i to̱ yin nazu Isarela kuso̱k be afa amok.

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

Ike̱ng a ta tonong aYohana 11:16

Ayong áko̱k kasho̱o̱n iso̱k ifa be anaas á tá se nusosok natoon ítsik rigwo̱m ba kpas kaben nong á tá ya Adakunom iben,

Ike̱ng a ta tonong aYohana 14:3

Á se be abom afas nasho̱o̱n itsik rigwo̱m ame be nasho̱o̱n ike̱re̱ inaas ame ne áko̱k kasho̱o̱n. Aner akak kyem a bom abom'e baꞌ, igak awan áner izungu kuso̱k inyak be iso̱k inaas be anaas 144,000 á tu ku shesh ba kaye̱e̱r kazatse ame tsek.

Ike̱ng a ta tonong aYohana 19:14

Rigwo̱m áSozha á ta se kaye̱e̱r kaza, ne á tsang á ku kuus natoon ítsaap ba. Á tes ares akan pes áfe itso̱m dide̱ng.

Ike̱ng a ta tonong aYohana 19:4

Iyong áko̱k kasho̱o̱n iso̱k ifa be anaas ame ne ikewum inaas ame kpas kaben nong á tá ya Adakunom iben, wu afe a ta sonong natoon itsik rigwo̱m. Ne á tang kuto̱ ne á fe̱ ye, “Anong! Adide̱nge̱ng Adakunom!”

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 3:18

Mi tà ka no̱o̱k ibo̱ro̱ng, shan izinariya aya a tan shirik be kuro̱ng nunaan nong ta te árum kaye̱e̱r kabik, be ares akan nong tin kis kuro̱m wan fan i bu fok isum. Shan rikan anyisi nong tà di karo̱ gye̱r.

Ike̱ng a ta tonong aYohana 4:10

ne áko̱k kasho̱o̱n iso̱k ifa be anaas ame kpas kaben nasho̱o̱n wu aya a tá sonong ni itsik rigwo̱m ame, ne á ku ya iben, wu aya a tana sor ma izen izen ame. A turung abong rigwo̱m ba nasho̱o̱n itsik rigwo̱m'e ne á fe̱ ye,

Ike̱ng a ta tonong aYohana 4:6

Nasho̱o̱n itsik rigwo̱m'e ike̱ng ikak tuse kyo̱ndi agbang kudung a tá nye be agilas, i ta gye̱se̱m kyo̱ndi amadobi. Ike̱re̱ ikak inaas i ta be kutser tuse i ta gorok itsik rigwo̱m'e. Ike̱re̱'me be anyisi whe̱re̱ nasho̱o̱n be kama.

Ike̱ng a ta tonong aYohana 5:11

Mi bun i di ne mi fok kuto̱ rigwo̱m ámaleka izungu natoon izungu whe̱re̱. Á gorok ikewum inaas ife kutser ame ne áko̱k kasho̱o̱n ame gip ne itsik rigwo̱m ame.

Ike̱ng a ta tonong aYohana 5:14

Ne íkewum inaas ife kutser ame fe̱ ye, “Anong.” Ne áko̱k kasho̱o̱n ame kpas kaben a tú ku ya iben.

Ike̱ng a ta tonong aYohana 5:6

Ne mi bun i di Aturuk akak kyo̱ndi an tse̱e̱r kuto̱'me nunyeseng natite karo̱ itsik rigwo̱m'e. Ike̱re̱ inaas ame be áko̱k kasho̱o̱n tú ku gorok. Aturuk'e be atom kanataar be anyisi kanataar. Ayong ne á nye nabik Adakunom kanataar naya á tá tom'e nazatse cei.

Ike̱ng a ta tonong aYohana 5:8

Nizen iya a ta sok kukpa, ikewum inaas ife kutser ame ne áko̱k kasho̱o̱n iso̱k ifa be anaas ame kpas kaben nasho̱o̱n Aturuk'me. Koangan be izom wu ne kakereng izinariya nafe name iko̱o̱n itek kaye̱e̱r'e. Name'me sor kyo̱ndi aduwa ázhe̱l'e.

Ike̱ng a ta tonong aYohana 6:11

Ayong a no̱o̱k koangan ba awe̱n kukpiin kukan, ne a fe̱ be ba ye á ra tor cie̱k gak ma izen iya a tana fe̱s ásam Adakunom áfudang ba be áronyining ba kyo̱ndi a tá ka fe̱s ba a gang.

Ike̱ng a ta tonong aYohana 7:11

Ámaleka cice̱r nyeseng a ta gorok itsik rigwo̱m'e be áko̱k kasho̱o̱n ame ne ikewum inaas ame nong á ta kpas kaben nasho̱o̱n itsik rigwo̱m'e á ta ya Adakunom iben,

Ike̱ng a ta tonong aYohana 7:9

Nama anong, mi tá fa ye̱re̱k ne mi di rigwo̱m ánerawe whe̱re̱ riya sang akak tana kyem a fa baꞌ. Ánerawe'me nes kaye̱e̱r koakye kaben, ne kaye̱e̱r koakye irem be koakye kuri áner ne koakye izere, an nyeseng nasho̱o̱n itsik rigwo̱m ame nasho̱o̱n Aturuk'e. Á tes akpiin akan be afumung atarkai nibo̱k ba.

Ike̱ng a ta tonong aYohana 9:7

Kubep'e se kyo̱ndi ítsaap a tan sak a tin tseng nitso̱m. Á be ike̱re̱ ikak nace ba kyo̱ndi abong izinariya afe rigwo̱m, nanyisi ba se kyo̱ndi nafe ánerawe.