Ike̱ng a ta tonong aYohana 4:1 - Izere New Testament

¹ Nama anong, nasho̱o̱n mi, mi bun i di kanukutu kakak nukarak kaye̱e̱r kaza. Ne mi bun i fok kuto̱ kuya mi ta tsang i fok ni ime̱se̱ng'e kyo̱ndi rigba ame ye, “Ngarak aze, mi tà ka tonong ike̱re̱ a tana nye dim nama iyu.”

Ike̱ng a ta tonong aYohana 4:1 Iomraidhean Croise

aMatiyu 3:16

Kum a tá fa nye aYeso abatisma ame ne a wuruk kaye̱e̱r ashi'me, ne kaza wor ka karak ne a di Kabik Adakunom kyo̱ndi abo̱p ti tiik ni wu.

aMarkus 1:10

Kum be kuwuruk wu kaye̱e̱r ashi'me ne a di kaza nukarak ne Kabik Kazhe̱l'e kyo̱ndi abo̱p ti tiik ni wu.

aLuka 3:21

Nizen iya a tá nye ánerawe'me abatisma cei, a nye aYeso'me gip. aYeso ta se be i nye aduwa, kaza karak,

aYohana 16:13

Amma izen iya ife Kabik kafe katsak'e be̱, a tà ka tonong yin iren katsak cei kamok sang, a tà fe̱ rife̱ rice wu baꞌ. Ike̱ng iya wu ta foos tsek ne wu tà fe̱. A tà bun a tà ka taas yin ike̱re̱ iya i ta rusek, nong a tà ra nye.

Itomong Ámanzo 10:11

A di kaza nukarak ne ike̱ng ikak igbang'e kyo̱ndi ike̱ng kunak kiis, a tá sen tisik nikes'e kazatse inaas kaben.

Itomong Ámanzo 7:56

Ayong Itifanus'e fe̱ ye, “Di yin, mi di kaza nukarak ne mi di Igon Anerawe tan nyeseng nubo̱k riya Adakunom.”

Ike̱ng a ta tonong aYohana 1:10

Katuk ime̱se̱ng'e na asate, izen iya mi ta se kaye̱e̱r Kabik, ne mi fok kuto̱ kukak ku ta fe̱ be mi be agap kyo̱ndi rigba nama mi

Ike̱ng a ta tonong aYohana 1:12

Iyong mi kirik nong tá di aner aya a ta fe̱ be mi. Mi tá fa kirik ne mi di ike̱re̱ iya a tin tes iro̱ng natoon'e kanataar iya a tá nye be izinariya.

Ike̱ng a ta tonong aYohana 1:19

“Kamok anong zibir ike̱re̱ iya wan ta ye̱re̱k kyo̱o̱rna ne ike̱re̱ iya i tana nye nama iyuna.

Ike̱ng a ta tonong aYohana 11:12

Ayong áner kuzarap afa ame ta fa fok kuto̱ kukak be agap ku ta wuruk kaye̱e̱r kaza ku ta fe̱ be ba ye, “Ngarak yin aze.” Ayong á ngarak naza kaye̱e̱r ane̱n ne ámudo̱n ba ka ye̱re̱k ba.

Ike̱ng a ta tonong aYohana 11:19

Iyong agbang kutu kuya Adakunom iben ku ta se kaye̱e̱r kaza karak ne mi di akpate kushu Adakunom kaye̱e̱r'e. Ne akanang akak wuruk be riwo̱ng ne kutasak iza be kuzuur kaben ne agbang rikarang.

Ike̱ng a ta tonong aYohana 16:17

Amaleka afe kanataar tseng a ta se misik ike̱ng iya i ta se kaye̱e̱r kakereng kafu natoon kaza. Iyong kuto̱ kukak wuruk be agap kaye̱e̱r agbang kutu kuya Adakunom iben naro̱ itsik rigwo̱m wu ye, “An gang!”

Ike̱ng a ta tonong aYohana 19:11

Mi di kaza nukarak ne i di itsaap ikan nunyeseng. A yis aner aya a tin ngarak natoon itsaap'e ye Aner Katsak be Katsak. A to̱ amok natoon katsak ne a nye itsom kamok katsak.

Ike̱ng a ta tonong aYohana 22:6

Ayong amaleka'me fe̱ be mi ye, “Rife̱ na nye katsak, i nye ike̱ng iya a tana kuus. Adakunom, Agwo̱m Ágwo̱m aya a ta no̱o̱k afe kuzarap kabik wu, tom amaleka wu nong a ta tonong ásam wu ike̱re̱ iya i tana nye sang be kubeseng izen baꞌ.”