Ike̱ng a ta tonong aYohana 3:4 - Izere New Testament

⁴ Amma gip be anong, yin be yin ánerawe cie̱k kaye̱e̱r yin na aSardis áya a tan riir ares ba be rine̱n baꞌ. Á ta te ares akan nong á ta tseng mak be mi kamok ba kyem á ta tseng mak be mi.

Ike̱ng a ta tonong aYohana 3:4 Iomraidhean Croise

aMatiyu 10:11

“Koakye kuwo̱p ne yin no̱ yin kugbang'e ka kuhiir'e ayi, tse̱r yin kasa aner atek nong ta sor yin azong ma izen iya ne yin tana dorok yin.

aMarkus 16:5

Á tá fa no̱ kaye̱e̱r kure̱k'e, ne á di acam akak a tan te ares akan nusonong nabas kubo̱k riya, ne azhing tu yiir ba.

aLuka 20:35

Amma áfe Adakunom ta di ye á kyem kuno̱ naza nizen kudorok ikom, a ta ba nye iwe̱ne̱ng ka a ta no̱o̱k akak nuwe̱ne̱ng baꞌ.

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

Itomong Ámanzo 1:15

Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng

2 aTasalonika 1:5

Ike̱re̱ na cice̱r tonong ye amok Adakunom se gye̱r ne i bun tonong ye yin kyem tà sor yin kaye̱e̱r rigwo̱m Adakunom rife yin ta sen ni so̱ yin risam kamok'e.

aZhud 1:23

Shesh yin ákak kyo̱ndi a ta shesh anerawe kaye̱e̱r kuro̱ng. Ro̱ yin riye̱ ákak ba, amma nye yin tatan. Fok yin akye̱re̱ ares ba ne amaan kunye ba kuri rife̱ rinerawe.

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

Ike̱ng a ta tonong aYohana 11:13

Dim nizen iyong kaben wor ka zuur, abas azining kaye̱e̱r kuwo̱p'e wor kuyirik. Ánerawe izungu kanataar kus kamok kuzuur kaben'e. Áfe á tá gaar be kutser fok inyim dide̱ng yong á tiyiik Adakunom a ta se kaye̱e̱r kaza.

Ike̱ng a ta tonong aYohana 14:4

Áner na ne a nye áner aya á ta won rice ba zhe̱l, á kon tseng gbugbarak be aner abining baꞌ. Ba ne á tsang a kuus Aturuk'e koake̱ ne a tseng. A tu ku sheshek ba kaye̱e̱r ribir ánerawe ne ba se kyo̱ndi ku tes kakon kufe ime̱se̱ng'e kuya a ta no̱o̱k Adakunom be nasho̱o̱n Aturuk'e.

Ike̱ng a ta tonong aYohana 19:14

Rigwo̱m áSozha á ta se kaye̱e̱r kaza, ne á tsang á ku kuus natoon ítsaap ba. Á tes ares akan pes áfe itso̱m dide̱ng.

Ike̱ng a ta tonong aYohana 19:8

A tú ku no̱o̱k ares akan afe itso̱m a ta forop ma a gye̱se̱m nong a ta te.” (Ares akan'e sor kyo̱ndi kunye kutek kuya ázhe̱l'e ta nye.)

Ike̱ng a ta tonong aYohana 3:18

Mi tà ka no̱o̱k ibo̱ro̱ng, shan izinariya aya a tan shirik be kuro̱ng nunaan nong ta te árum kaye̱e̱r kabik, be ares akan nong tin kis kuro̱m wan fan i bu fok isum. Shan rikan anyisi nong tà di karo̱ gye̱r.

Ike̱ng a ta tonong aYohana 3:5

Aner aya a ta canang kazatse, a tù ku te ares akan kyo̱ndi ba. Mi tà birik riyerek wu a ta zibir kaye̱e̱r Kufumung Kutser baꞌ. Nizen iya mi tana nyeseng nasho̱o̱n Ada mi ne ámaleka wu, mi tà fe̱ ye aner na nye anaan.

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 6:11

Ayong a no̱o̱k koangan ba awe̱n kukpiin kukan, ne a fe̱ be ba ye á ra tor cie̱k gak ma izen iya a tana fe̱s ásam Adakunom áfudang ba be áronyining ba kyo̱ndi a tá ka fe̱s ba a gang.

Ike̱ng a ta tonong aYohana 7:9

Nama anong, mi tá fa ye̱re̱k ne mi di rigwo̱m ánerawe whe̱re̱ riya sang akak tana kyem a fa baꞌ. Ánerawe'me nes kaye̱e̱r koakye kaben, ne kaye̱e̱r koakye irem be koakye kuri áner ne koakye izere, an nyeseng nasho̱o̱n itsik rigwo̱m ame nasho̱o̱n Aturuk'e. Á tes akpiin akan be afumung atarkai nibo̱k ba.