Ike̱ng a ta tonong aYohana 3:12 - Izere New Testament

¹² Aner aya ne a canang kazatse mi tù ku sak a ta sor itsik agbang kutu kuya Adakunom mi iben. A ta won karo̱'ong baꞌ, ko cie̱k. Mi tà zibir riyerek Adakunom mi natoon wu be riyerek agbang kuwo̱p Adakunom'i a ta yis ye aUshalima afas, a tana wuruk naza nufe Adakunom mi. Mi ta bun i zibir riyerek'i rifas natoon wu gip.

Ike̱ng a ta tonong aYohana 3:12 Iomraidhean Croise

aMarkus 12:16

Ayong a tú be̱e̱n ica'me, ne a ku rip ba ye, “Nawu angan be riyerek angan na e̱?”

aGalati 2:9

aYakub be aBitrus ne aYohana áya a ta sor itsik'e ti shan be aBarnabas ibo̱k ifa nizen iya ba tá di ritek Adakunom tin no̱o̱k yir. Á shim ye yir ri tseng yir nufe áner aya a ta nye áner aYahuda baꞌ, nong ba ta tseng nufe áner aYahuda.

Afisa 3:15

wu aya a ta nye koakye irem naza be kaben cice̱r.

Ibrani 12:22

Amma yin n se̱ yin rifan aSihiyona ri ta nye aUshalima afe kaza, agbang kuwo̱p Adakunom afe kutser ne kanyim riye̱ rikan ámaleka whe̱re̱re̱.

Ibrani 13:14

Yir be yir kuwo̱p kufe ku tana sor ma izen izen aze nazatse na baꞌ, amma yir min te yir riye̱ nuwo̱p kuya ku tana be̱.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

Ike̱ng a ta tonong aYohana 14:1

Mi ta fa ye̱re̱k ne mi di Aturuk ame nasho̱o̱n'i nunyeseng natoon kawhanang aSihiyona be áner izungu kuso̱k inyak be iso̱k inaas be anaas 144,000 mak be wu, áya a tá zibir riyerek Aturuk'e ne riyerek Ada wu ninati ba.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 2:11

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, riku rife̱ afa tu ku se̱ baꞌ, ko cie̱k.

Ike̱ng a ta tonong aYohana 2:17

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k naya a ta ne̱r a ta yis ye, amanna. Mi tù ku no̱o̱k kuta kukan a ta min zibir riyerek rifas natoon'e. Akak kuse a ta ren riyerek'e baꞌ, ma ke aner aya afe a ta shan kuta'me.

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

Ike̱ng a ta tonong aYohana 22:4

Ba tà di kanyisi wu ne riyerek wu se ninati ba.

Ike̱ng a ta tonong aYohana 3:5

Aner aya a ta canang kazatse, a tù ku te ares akan kyo̱ndi ba. Mi tà birik riyerek wu a ta zibir kaye̱e̱r Kufumung Kutser baꞌ. Nizen iya mi tana nyeseng nasho̱o̱n Ada mi ne ámaleka wu, mi tà fe̱ ye aner na nye anaan.