Ike̱ng a ta tonong aYohana 3:10 - Izere New Testament

¹⁰ Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

Ike̱ng a ta tonong aYohana 3:10 Iomraidhean Croise

aMatiyu 24:14

Á ta taas Rife̱ Ritek na natoon rigwo̱m kaza kaye̱e̱r kazatse na cei nong i ta sor asheda natoon koangan, ne igang'e ma be̱.

aMatiyu 26:41

Sor yin ne i tor yin ne i nye yin aduwa fan i bu kpas yin kaye̱e̱r kubo̱mo̱ng. Kabik shim amma kuro̱m'e se gbe̱re̱k.”

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

aMarkus 14:9

Katsak ne mi ta ka tak yin, koake̱ ne a taas Rife̱ Ritek na kaye̱e̱r kazatse na'me, a ta yiir fe̱ itak abining na nong a tin yiring be wu.”

aLuka 2:1

Nizen iyong agbang agwo̱m a tú ku yis ye aKaisar Agusta no̱o̱k itsi ye a ra fa ánerawe niben aRom cice̱r.

aYohana 17:6

“Mi n sak ánerawe áfe wan tin no̱o̱k nazatse ma ka ren. Á nye áfuan, wan ne i tú sok ba i tin no̱o̱k. Ba ma kuus rife̱ wan.

aRom 1:8

Ni ime̱se̱ng'e, mi be riye̱ rikan be Adakunom kaye̱e̱r riyerek aYeso Kiristi kamok yin cice̱r kamok ánerawe fe̱ itak kuno̱o̱k katsak yin koake̱ kaye̱e̱r kazatse.

1 aKoranti 10:13

Kubo̱mo̱ng kukak kuse ku ta ka se̱ yin ku tan won dar kun se̱ akak baꞌ. Adakunom shishing ike̱ng wu ta fe̱ baꞌ, a tà ka won yin tà no̱ yin nubo̱mo̱ng kuya ku ta nar agap yin baꞌ. Ke yin no̱ yin nubo̱mo̱ng'e a tà ka nye yin iren ife yin tana kyem i tsesek yin kaye̱e̱r'e.

Afisa 6:13

Kamok anong, te yin ares itsom kuri áfe Adakunom cei nong ase̱ ta kyem i nyeseng yin katuk amaan kunom'ong, nong ke yin gang yin koakye ne a ka se̱ yin nunyeseng kpa.

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

aYakub 3:12

Aroneng, ritin atafo ta kyem rites ica rifar a? Ka ritin anap ta kyem ri tes agba atafo e̱? Anong ne itop ashi ito̱k ta kyem turung ashi atek baꞌ.

1 aBitrus 4:12

Ároneng áya mi ta shim, sang tu te yin zhing be amaan risam riya yin ta sen so̱ yin'e kyo̱ndi ike̱ng ikak ifas ne i sen ka se̱s yin baꞌ.

2 aBitrus 2:9

Kamok anong, ike̱re̱ kuri iyuna ne i sak yir ta ren yir ye Adakunom ta kyem a shesh áner aya ta se kaye̱e̱r iriri kubo̱mo̱ng áner aya a ta se gye̱r nasho̱o̱n wu ne a won áya a ta be amaan kunye nong á ta ya kasho̱o̱n be risam ma katuk a tana to̱ kazatse amok.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 11:10

Ánerawe kazatse tà nye riye̱ rikan dide̱ng, kamok rikus átom'ong. Á ta nye riye̱ rikan ne á naka toos be ike̱re̱ kamok riku áner kuzarap afa'ong ne risam á tá no̱o̱k kazatse.

Ike̱ng a ta tonong aYohana 13:10

Koangan á ta tsang a se ye, a tu ku yiir a ta te asam ta te asam'me. Aya a ta se ye a tú ku fe̱r be itsor, be itsor ne a tù ku fe̱r'e. Iyong tonong ye ázhe̱l'e ra naka tsesek ne á no̱o̱k katsak na Adakunom.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ike̱ng a ta tonong aYohana 14:12

Kamok anong, ázhe̱l'e áya a tá kuus itsi Adakunom ra naka tsesek ne a yir rife̱ aYeso be agap.

Ike̱ng a ta tonong aYohana 14:6

Ne mi bun i di amaleka akak ta kar natoon kaza, a be Rife̱ Ritek Adakunom rife̱ izen izen nong a ta tak ánerawe kaye̱e̱r kazatse cice̱r, koakye kuri anerawe be koakye kuri izere be koangan irem.

Ike̱ng a ta tonong aYohana 16:14

Ámaan nabik'e nye ítseng i tá nye ike̱re̱ azhing. Á tsees nufe ágwo̱m kazatse na cice̱r nong a ta ka tusung ba naro̱ kazining kamok itsom a tana ko̱n katuk agbang kunom Adakunom afe kukyem cice̱r.

Ike̱ng a ta tonong aYohana 17:2

Ágwo̱m kazatse na nye rikuna be wu. Ánerawe kazatse feng be ashi anap kamok rikuna wu.”

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ike̱ng a ta tonong aYohana 3:8

Mi ren kunye wan. Di, mi ma ka won kanukutu kuye̱ kaya sang akak tana kyem a whe̱e̱n baꞌ. Mi ren wan mak i be agap baꞌ, gip be anong wan kuus rife̱ mi sang wan min ton baꞌ.

Ike̱ng a ta tonong aYohana 6:10

Ne a tang kuto̱ be agap ye, “Agwo̱m Ágwo̱m, Atek kaza be kaben, azhe̱l'e, afe katsak, ma nizen inyaka ne wan ta to̱ kazatse amok ne i ku karang ike̱ng iya a tin nye yir e̱?”

Ike̱ng a ta tonong aYohana 8:13

Mi tá fa ye̱re̱k ne mi fok akim akak a ta tseng natoon kaza ta tos be agap ye, “Wa tsek, wa tsek, wa be áner á ta sor nazatse, nizen iya ribir ámaleka ataar tana fe̱se̱m agba baꞌ.”