Ike̱ng a ta tonong aYohana 22:9 - Izere New Testament

⁹ Amma amaleka'me fe̱ be mi ye, “Sang tu nye anong baꞌ. Mi nye asam afudang wan, kyo̱ndi ribir áronyining wan áner kuzarap Adakunom cei be ribir ánerawe áya a tin sak riye̱ nufumung a ta zibir na. Ya yin Adakunom iben!”

Ike̱ng a ta tonong aYohana 22:9 Iomraidhean Croise

aMatiyu 4:9

Ne a fe̱ be aYeso'me ye, “Ike̱re̱ na cice̱r mi tà ka no̱o̱k, ke wan tà kpa kaben nong i tin ya iben.”

aLuka 4:7

Kamok anong, ke wan ti ya iben, ike̱re̱ na tà te ifuan cei.”

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

Ike̱ng a ta tonong aYohana 14:7

Iyong amaleka'me ta kuto̱ be agap a ta fe̱ ye, “Tiyiik yin Adakunom, ne i kerek yin kuyiik wu! Kamok kyo̱o̱rna izen n nye a tana to̱ kazatse cice̱r amok. Ku ya yin iben, wu ne a nye kaza be kaben, be agbang adung ne itop ashi.”

Ike̱ng a ta tonong aYohana 15:4

Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

Ike̱ng a ta tonong aYohana 22:10

Ayong a fe̱ be mi ye, “Sang tu whe̱e̱n kuzarap kaye̱e̱r kufumung na baꞌ, kamok izen'e m be̱ barak.

Ike̱ng a ta tonong aYohana 22:18

Mi aYohana ne i fe̱ be yin be agbang kuto ye, koangan afe a ta fok rife̱ kuzarap riya ri ta se kaye̱e̱r kufumung na: Aner aya ne a tin barang ike̱ng ikak natoon'e, to̱, Adakunom tù ku barang mo amaan risam wu gip riya a ta zibir kaye̱e̱r kufumung na.

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”

Ike̱ng a ta tonong aYohana 4:10

ne áko̱k kasho̱o̱n iso̱k ifa be anaas ame kpas kaben nasho̱o̱n wu aya a tá sonong ni itsik rigwo̱m ame, ne á ku ya iben, wu aya a tana sor ma izen izen ame. A turung abong rigwo̱m ba nasho̱o̱n itsik rigwo̱m'e ne á fe̱ ye,

Ike̱ng a ta tonong aYohana 9:20

Ribir ánerawe áfe sang á ta ka fe̱s ba be amaan ike̱re̱'ong baꞌ, gaar kushishing kuse ba nong á tà kam be ike̱re̱ ba tá nye be ibo̱k ba. Á ya kasho̱o̱n be kuya amaan nabik iben ne ike̱re̱ ba ta nye be izinariya ne azurfa be atso̱m ne ata be ikon ba tá nye be ibo̱k ba. Ike̱re̱'ong di karo̱ baꞌ, i fok kuto baꞌ, i kyem i tseng baꞌ.