Ike̱ng a ta tonong aYohana 22:6 - Izere New Testament

⁶ Ayong amaleka'me fe̱ be mi ye, “Rife̱ na nye katsak, i nye ike̱ng iya a tana kuus. Adakunom, Agwo̱m Ágwo̱m aya a ta no̱o̱k afe kuzarap kabik wu, tom amaleka wu nong a ta tonong ásam wu ike̱re̱ iya i tana nye sang be kubeseng izen baꞌ.”

Ike̱ng a ta tonong aYohana 22:6 Iomraidhean Croise

aMatiyu 13:41

Igon Anerawe tà tom ámaleka wu, á tù ku tusung cice̱r áfe a ta sak ánerawe tá nye rine̱n ne áya a tà nye amaan kunye cice̱r.

aLuka 1:70

Kyo̱ndi wu tá fe̱ ni nanu áner kuzarap wu azhe̱l'e agbugbang'e.

aLuka 16:16

“A taas ánerawe Itsi aMusa ne rife̱ áner kuzarap Adakunom agbugbang'e ma nizen aYohana aner abatisma. Amma kum a ta taas Rife̱ Ritek natoon rigwo̱m Adakunom, koangan gaas karo̱ nong a ta no̱ kaye̱e̱r'e.

Itomong Ámanzo 12:11

Azong ne aBitrus ra ma te kparak makong a tá fe̱ ye, “Ma kyo̱o̱rna ne mi ra ma ren ye Agwo̱m Ágwo̱m ne a tom amaleka wu katsak'e nong a tin shesh nubo̱k aHiridus be áner aYahuda kaye̱e̱r ike̱ng iya ba tá tse̱r á tin nye'me.”

Itomong Ámanzo 3:18

Adakunom nye anong nikum a tá shining ike̱re̱ iya wu tá tsang a fe̱ nanu áner kuzarap wu ye, aKiristi ta so̱ risam.

aRom 1:2

Rife̱ Ritek'e nye rife̱ Adakunom tá tsang a no̱o̱k kuto̱ be áner kuzarap kyo̱ndi á tá zibir kaye̱e̱r Afumung Azhe̱l'e.

1 aKoranti 14:32

Nabik kunye kuzarap se nubo̱k aner kuzarap'e.

1 aKoranti 7:29

Ároneng, ike̱ng iya mi tin fe̱ natoon'e se ana, izen ba rusek dide̱ng baꞌ. Kyo̱o̱rna, áner aya a ta be anyining ra sor kyo̱ndi ba be anyining baꞌ.

2 aTasalonika 1:7

ne a ka tun yin kaye̱e̱r risam'me mak be yir gip. A tà nye anong nizen iya aYeso Agwo̱m Ágwo̱m tana wuruk kanang naza be rigyem kuro̱ng ne ámaleka wu áya a ta ba kukyem.

Ibrani 12:9

Yir be yir áda yir áfe kuro̱m áya a tin nees yir, iyong ne i sak yir ta ka di yir ba yiik. Fa gye̱ ke yir tiyiik yir Ada yir afe Kabik a ta be kutser ne i nar yir aꞌa?

2 aBitrus 1:21

Kamok kuzarap nye ike̱ng iya i ta ne kaye̱e̱r riye̱ anerawe tsek baꞌ, amma Kabik Adakunom kaya ka tá no̱o̱k kaye̱e̱r aye̱ ba ne ka sak ánerawe tá fe̱ ike̱re̱ iya ba tá shan nufe Adakunom.

2 aBitrus 3:2

Mi shim yin tu yiring yin be ike̱ng áner kuzarap azhe̱l'e tá fe̱ gbugbang ne ike̱ng iya Agwo̱m Ágwo̱m Aner Kashesh yir tá fe̱ be agbang kuto̱ ni nanu ámanzo yin.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

Ike̱ng a ta tonong aYohana 18:20

Nye yin riye̱ rikan, yin áfe i ta se yin kaye̱e̱r kaza! Nye yin riye̱ rikan ázhe̱l'e be ámanzo ne áfe kuzarap, kamok Adakunom n to̱ aBabila amok natoon ike̱re̱ iya wu tá ka nye yin'e.’ ”

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

Ike̱ng a ta tonong aYohana 21:5

Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”

Ike̱ng a ta tonong aYohana 21:9

Ayong amaleka azining kaye̱e̱r ámaleka kanataar a tá be nakereng na tá be amaan risam kanataar nafe igang ame be̱ a tá fe̱ be mi ye, “Be̱ mi tà ka tonong abining afas Aturuk ame tan sok.”

Ike̱ng a ta tonong aYohana 22:1

Ayong amaleka'me ti tonong isho̱ng i ta be ashi kutser, i se zhe̱l kyo̱ndi agilas. Ashi'me wuruk naro̱ itsik rigwo̱m Adakunom be ife Aturuk'e,

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”

Ike̱ng a ta tonong aYohana 4:1

Nama anong, nasho̱o̱n mi, mi bun i di kanukutu kakak nukarak kaye̱e̱r kaza. Ne mi bun i fok kuto̱ kuya mi ta tsang i fok ni ime̱se̱ng'e kyo̱ndi rigba ame ye, “Ngarak aze, mi tà ka tonong ike̱re̱ a tana nye dim nama iyu.”