Ike̱ng a ta tonong aYohana 22:12 - Izere New Testament

¹² “Di yin, Mi saase kyo̱o̱rna! Ishorong yin se nunaan, mi tà karang koangan tite̱re̱ be ike̱ng ife wu tá nye.

Ike̱ng a ta tonong aYohana 22:12 Iomraidhean Croise

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aRom 14:12

Kamok anong, koangan yir ta tak ike̱ng iya wu tá nye nasho̱o̱n Adakunom.

1 aKoranti 3:14

Ke itomong wu tá nye'me nyeseng, a ta se̱ ishorong wu.

1 aKoranti 3:8

Kuto̱ro̱ng aner aya a ta tuus be aya a tin tes ashi se kuzining, koangan ba tà se̱ ishorong wu nanu itomong wu tá nye.

Ike̱ng a ta tonong aYohana 11:18

Riye̱ áfurin kubeseng, izen riye̱ kubeseng wan n be̱. Izen n nye a tana to̱ ikom amok ne a ku karang ásam wan áner kuzarap ishorong ba, ne ásam wan ázhe̱l'e ne koangan áfe a ta tiyiik riyerek wan, inoon be áko̱k kasho̱o̱n. Izen n nye wan tana fe̱s áfe a tá beseng kazatse.”

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

Ike̱ng a ta tonong aYohana 20:12

Ne mi di áya a tá tsang a kus, áko̱k kasho̱o̱n be inoon, á tan nyeseng nasho̱o̱n itsik rigwo̱m ame. A karak afumung akak. Ne a bun a karak kufumung'e kukak kuya ku ta nye kufumung kutser. A to̱ ikom'e amok te̱re̱ be kunye ba, kyo̱ndi ike̱ng iya a tá zibir kaye̱e̱r afumung'e.

Ike̱ng a ta tonong aYohana 22:20

Wu aner aya tin taas ike̱re̱ na, fe̱ ye, “Ei, Mi saase kyo̱o̱rna.” Anong. Be̱, Agwo̱m Ágwo̱m yir, aYeso.

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”

Ike̱ng a ta tonong aYohana 3:11

Mi saase kyo̱o̱rna. Kamok anong yiir kuno̱o̱k katsak wan kpa fan akak bin shan ribong ishorong wan.