Ike̱ng a ta tonong aYohana 22:11 - Izere New Testament

¹¹ Won wu aya a ta nye amaan ike̱re̱ tu ya kasho̱o̱n be amaan kunye wu, aner aya a ta nye ike̱re̱ isum ra ya kasho̱o̱n be kunye anong. Aner aya a ta be kuse kutek ra ya kasho̱o̱n be kuse kutek wu. Aner aya a ta sor zhe̱l ra ya kasho̱o̱n be kusor zhe̱l.”

Ike̱ng a ta tonong aYohana 22:11 Iomraidhean Croise

aMatiyu 15:14

Yin ku won yin ba, á nye ákpato̱o̱n á sen naka ko̱k ishe̱n. Ke akpato̱o̱n ko̱k afudang ishe̱n, cice̱r ba á ta kpas kaye̱e̱r ribong.”

aMatiyu 21:19

Ayong a di ritin atafo nukim iren, ne a tseng ritin'e ko a ra se̱ agbang'e baꞌ, ma awan áfumung tsek. Ayong a fe̱ be ritin atafo'me ye, “Sang wan ta ba tes agbang nigaan'e baꞌ.” Nizen izining ritin atafo'me wor ri koor.

aMatiyu 25:10

“Ba ta fa dorok á sen tseng, ne aner a tana sok abining afas'e be̱. Nanamang naya na tá tsang á nye kanye̱k'e no̱ naro̱ kunye riye̱ rikan'e mak be wu ne a whe̱e̱n kutu'me.

aMatiyu 5:45

Kamok be nong ne yin tà te yin inoon Ada yin afe a ta se kaye̱e̱r kaza. Wu no̱o̱k ámaan anerawe ne áner atek akanang kunom cice̱r, ne a nyesek iza natoon ánerawe wu áya a ta be kuse kutek be áya a ta nye amaan'e.

aMatiyu 5:6

Áner riye̱ rikan ne á nye aner aya a ta be ifeng ne á shim kunye ike̱re̱ iya i ta se gye̱r nasho̱o̱n Adakunom, Adakunom tu ku no̱o̱k ba ike̱re̱ ife ba tà shim'e.

aYohana 8:21

Ayong aYeso bun a fe̱ be ba ye, “Mi ta tseng, yin tin tse̱r yin, ta kus yin be rine̱n yin. Yin tà kyem i tseng yin naro̱ mi tu ku be baꞌ.”

Afisa 5:27

A nye anong, nong a ta be̱e̱n áfikuus'e nasho̱o̱n wu yiik, dar rizik ka ike̱ng ikak i ta risik, amma zhe̱l dar ike̱ng ikak imaan'e.

aKolosi 1:22

Amma kyo̱o̱rna Adakunom mu ku bun be yin kamok riku aKiristi nuro̱m nong yin ta se yin zhe̱l nasho̱o̱n Adakunom dar rizik, dar kufe̱ imaan'e natoon yin,

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

aZhud 1:24

To̱, nakerek nye nafu, wu aya a ta be kukyem ku ka tor mo yin fan i bu kpas yin, a ta tseng be yin nasho̱o̱n agbang kuyiik wu dar rine̱n be riye̱ rikan dide̱ng.

Ike̱ng a ta tonong aYohana 16:21

Agbang rikarang riya ri ta gaar dide̱ng wuruk naza ri ti kpas natoon ánerawe ma ánerawe fiming riyerek Adakunom kamok amaan risam rikarang'e ta nar agap.

Ike̱ng a ta tonong aYohana 22:3

Adakunom tà ba fiming ike̱ng ikak baꞌ. Itsik rigwo̱m Adakunom be itsik rigwo̱m Aturuk'e tà sor kaye̱e̱r kuwo̱p'e ne ásam wu ku nye itomong.