Ike̱ng a ta tonong aYohana 22:10 - Izere New Testament

¹⁰ Ayong a fe̱ be mi ye, “Sang tu whe̱e̱n kuzarap kaye̱e̱r kufumung na baꞌ, kamok izen'e m be̱ barak.

Ike̱ng a ta tonong aYohana 22:10 Iomraidhean Croise

aMatiyu 10:27

Ike̱re̱ mi ta sen ka taas yin na awhi, fe̱ yin kanang. Ike̱re̱ a tá ka taas yin kyo̱o̱n nato, ngarak yin na agarang ta fe̱ yin kanang.

aRom 13:11

To̱, kuus yin ike̱re̱ na kamok yin ren yin kuri izen afe yir tin se yir. Izen n nye ife yin tana shiming yin nida, kamok izen kashesh yir n be̱ bubarak kyo̱o̱rna nar nizen iya yir tin no̱o̱k yir katsak ni ime̱se̱ng'e.

aRom 13:12

Katuk m be̱ barak ka ta gor, kadiding n be̱ barak ka ta karak. Kamok anong, i wobok yir amaan kunye afurin nukim ne i te yir ike̱re̱ itsom ife akanang.

2 aTasalonika 2:3

Sang tu won yin aner akak ta ka wo̱ro̱k yin niren ikak baꞌ, kamok kunom kube̱ aYeso'me ta nye baꞌ, ma ánerawe whe̱re̱ raba Adakunom ne agwo̱m kushonong be̱ nizham, wu nye aner aya a tá tsang a sak ye a tù ku shosh.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

Ike̱ng a ta tonong aYohana 1:3

Aner riye̱ rikan ne a nye aner aya a ta fa ike̱re̱ na ife aner kuzarap na tá zibir. Aner riye̱ rikan ne a nye aner aya a ta fok ne a kuus ike̱ng iya a ta zibir kaye̱e̱r kufumung na, kamok izen n be̱ barak ike̱re̱ na tana nye.

Ike̱ng a ta tonong aYohana 10:4

Nizen akparam kanataar'e tá fe̱ kanu, mi shim ta zibir rife̱'me, amma mi fok kuto̱ kukak naza ye, “Sang tu zibir ike̱re̱ iya akparam'e tá fe̱ baꞌ.”

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”

Ike̱ng a ta tonong aYohana 22:18

Mi aYohana ne i fe̱ be yin be agbang kuto ye, koangan afe a ta fok rife̱ kuzarap riya ri ta se kaye̱e̱r kufumung na: Aner aya ne a tin barang ike̱ng ikak natoon'e, to̱, Adakunom tù ku barang mo amaan risam wu gip riya a ta zibir kaye̱e̱r kufumung na.

Ike̱ng a ta tonong aYohana 22:20

Wu aner aya tin taas ike̱re̱ na, fe̱ ye, “Ei, Mi saase kyo̱o̱rna.” Anong. Be̱, Agwo̱m Ágwo̱m yir, aYeso.

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”

Ike̱ng a ta tonong aYohana 22:9

Amma amaleka'me fe̱ be mi ye, “Sang tu nye anong baꞌ. Mi nye asam afudang wan, kyo̱ndi ribir áronyining wan áner kuzarap Adakunom cei be ribir ánerawe áya a tin sak riye̱ nufumung a ta zibir na. Ya yin Adakunom iben!”

Ike̱ng a ta tonong aYohana 5:1

Mi di kufumung a ta min nye izibir cei abas afa nubo̱k riya aner aya a ta se nusonong natoon itsik ame. A rosom kpa be idun kanataar.