Ike̱ng a ta tonong aYohana 21:8 - Izere New Testament

⁸ Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ike̱ng a ta tonong aYohana 21:8 Iomraidhean Croise

aMatiyu 10:28

Sang yin tu fok yin inyim áfe ku fe̱s ánerawe baꞌ, kamok á ta kyem a fe̱r kabik'e baꞌ. Fok yin inyim aner aya a tana kyem a te kabik be kuro̱m anerawe cei kaye̱e̱r kasa kuro̱ng ingya.

aMatiyu 25:25

Iyong ne i sak mi tá fok inyim. Mi tseng i ta se rum ribong nong i tin ne̱r itso̱m wan tin no̱o̱k. Inga, ike̱ng wan tin no̱o̱k na'me.’

aMatiyu 8:26

Ayong aYeso fe̱ be ba ye, “Yin áfe kuno̱o̱k katsak yin ta gop baꞌ, akye̱ sak yin be yin inyim anong e̱?” Ayong a dorok a ta tigba kuwun be agung ashi'me ne karo̱ wor ka te win.

aMarkus 9:44

Azong azhizhi'me kus baꞌ, a ta kyem a riming kuro̱ng'e baꞌ.]

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

2 aTasalonika 2:9

Agwo̱m kushonong'e, tá be̱ be kunye ike̱re̱ kuri ife Ishetan, a tà nye ike̱re̱ azhing ne kukyem ne kubok be abo̱o̱s,

1 aTimoti 4:2

Kubo̱so̱p na ta ne nufe ákardak áner afe abo̱o̱s áya aye̱ ba tan kus cei.

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

Ibrani 12:24

Yin n be̱ yin nufe aYeso a ta igaas kushu kufas, ne nufe naso̱k a ta mis na ta be ritek ne na nar naso̱k aHabila.

Ibrani 13:4

Koangan ra tor kuwe̱ne̱ng yiik, koangan ra tor kuwe̱ne̱ng wu zhe̱l'e, kamok Adakunom tà to̱ aner a tá nye rikuna be áya a nye kpe̱de̱ng amok.

1 aYohana 2:22

Angan ne a bo̱ agbang abo̱o̱s e̱? Aner aya a ta ton'e ye sang aYeso nye aKiristi. Aner kuri ayong ne a nye amudo̱n aYeso, a rawu Ada'me be Igon'e.

1 aYohana 3:15

Koangan a ta rawu aronyining wu se kyo̱ndi aner a ta fe̱s ánerawe. Yin ren yin ye akak kuse a ta fe̱s ánerawe a ta be kutser kufe izen izen baꞌ.

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

Ike̱ng a ta tonong aYohana 14:10

wu gip a tà so̱ ashi riye̱ kubeseng Adakunom, aya a tá nye be agap wu kaye̱e̱r kures riye̱ kubeseng wu. A tù ku no̱o̱k risam dide̱ng be kuro̱ng ne ike̱ng ikak kyo̱ndi itong abindiga itong ikak nasho̱o̱n ámaleka ázhe̱l'e ne nasho̱o̱n Aturuk'e.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 2:11

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, riku rife̱ afa tu ku se̱ baꞌ, ko cie̱k.

Ike̱ng a ta tonong aYohana 2:2

Mi ren kuse wan cei. Mi ren iso̱r wan ne itomong wan ne i ren kutsesek wan. Mi ren wan won akardak aner tá bo̱so̱p ánerawe'me baꞌ. Wan bo̱mo̱ng áya a tá sok ace ba ye ba nye ámanzo aYeso, amma sang á ra nye baꞌ, á nye ámanzo abo̱o̱s.

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

Ike̱ng a ta tonong aYohana 9:17

Ítsaap'e be áner aya a tá ko̱n natoon itsaap'e mi tá di kaye̱e̱r ike̱ng iya Adakunom tin tonong'e be íkpaar atso̱m iseng ni nafok ba, ife ákak se shim shim ne ife ákak se kyo̱ndi ashi aruron. Ace ítsaap'e se kyo̱ndi áfe azaki, kuro̱ng be itsing ne ike̱ng ikak kyo̱ndi itong abindiga wuruk ni nanu ítsaap'e.

Ike̱ng a ta tonong aYohana 9:21

Á gaar kushishing kuse ba kufe kufe̱s ánerawe be kukur be rikuna ne itsang ba ta nye.