Ike̱ng a ta tonong aYohana 21:5 - Izere New Testament

⁵ Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”

Ike̱ng a ta tonong aYohana 21:5 Iomraidhean Croise

aLuka 5:38

Ei, a korok ashi anap afas kaye̱e̱r ariding kukpa kufas.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

Ibrani 12:27

Rife̱ a ta fe̱ ye, “kutak kuzining'ong” tonong ye, a ta turung ike̱re̱ iya a ta zuur'me; i ta nye ike̱re̱ iya Adakunom tá nye, kamok ike̱re̱'me ikak iya sang a tá kyem á zuur baꞌ, kuse.

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

Ike̱ng a ta tonong aYohana 1:19

“Kamok anong zibir ike̱re̱ iya wan ta ye̱re̱k kyo̱o̱rna ne ike̱re̱ iya i tana nye nama iyuna.

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

Ike̱ng a ta tonong aYohana 20:11

Iyong mi di agbang itsik rigwo̱m rikak rikan be aner akak natoon'e. Kaza be kaben wor ka wei, akak ba di baꞌ.

Ike̱ng a ta tonong aYohana 22:19

Aner aya a ta te̱e̱k ike̱ng ikak kaye̱e̱r ike̱ng iya a ta zibir kaye̱e̱r kufumung kuzarap na, Adakunom tà sok ishorong kanu kafu kaye̱e̱r kakon kutser ne kaye̱e̱r kuwo̱p kuzhe̱l'e ame, aya a ta fe̱ itak'e kaye̱e̱r kufumung na.

Ike̱ng a ta tonong aYohana 22:6

Ayong amaleka'me fe̱ be mi ye, “Rife̱ na nye katsak, i nye ike̱ng iya a tana kuus. Adakunom, Agwo̱m Ágwo̱m aya a ta no̱o̱k afe kuzarap kabik wu, tom amaleka wu nong a ta tonong ásam wu ike̱re̱ iya i tana nye sang be kubeseng izen baꞌ.”

Ike̱ng a ta tonong aYohana 4:2

Nizen izining, Kabik ti tiik natoon mi ne mi di itsik rigwo̱m nasho̱o̱n mi be aner akak a ta min sonong natoon'e.

Ike̱ng a ta tonong aYohana 4:9

Ike̱re̱ inaas itser'ong bom abom riye̱ rikan, be nakerek ne a kuyiik, aner aya a ta sonong natoon itsik rigwo̱m'e, wu aya a tana sor ma izen izen'e. Koakye izen iya ba nye anong,

Ike̱ng a ta tonong aYohana 5:1

Mi di kufumung a ta min nye izibir cei abas afa nubo̱k riya aner aya a ta se nusonong natoon itsik ame. A rosom kpa be idun kanataar.