Ike̱ng a ta tonong aYohana 21:4 - Izere New Testament

⁴ A tà ka re̱ng ba nanyisi cei. Riku ka riye̱ riwe ka kanak ka kuro̱'me ba sen kuse baꞌ, kamok ike̱re̱ kazatse izen cice̱r tà wei.”

Ike̱ng a ta tonong aYohana 21:4 Iomraidhean Croise

aMatiyu 24:35

Kaza be kaben ta gor, amma ko rife̱ mi sen gor ze̱r baꞌ.

1 aKoranti 15:26

Amudo̱n afe igang'e a tana fe̱r nye riku.

1 aKoranti 7:31

Cice̱r yir i tin nye yir itomong be ike̱re̱ kazatse na, i tin te yir riye̱ nike̱re̱'me baꞌ, kamok kazatse yir ta di yir na tà gang.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

2 aKoranti 6:17

Kamok anong, Agwo̱m Ágwo̱m fe̱ ye, “Wuruk yin kaye̱e̱r ba, naka kam yin be ba. Sang tu gaar yin ike̱ng iya i ta won dar i se zhe̱l baꞌ, nong mi ta ka shan yin.”

Ibrani 12:27

Rife̱ a ta fe̱ ye, “kutak kuzining'ong” tonong ye, a ta turung ike̱re̱ iya a ta zuur'me; i ta nye ike̱re̱ iya Adakunom tá nye, kamok ike̱re̱'me ikak iya sang a tá kyem á zuur baꞌ, kuse.

2 aBitrus 3:10

Katuk kube̱ Agwo̱m Ágwo̱m bu se kyo̱ndi kube̱ akpatang. Katuk kayong a tà fok riwo̱ng be agap ne kaza wei, cice̱r ike̱re̱ a tin nye kaza be kaben a tà shosh. Koakye i ta se nune̱re̱ng kaye̱e̱r'e a ta tun kanang nasho̱o̱n Adakunom.

1 aYohana 2:17

Kazatse na, be amaan kushim ike̱re̱ i ta se kaye̱e̱r kazatse'me ta gang, amma aner aya a ta nye ike̱re̱ Adakunom ta shim a tà sor ma izen izen.

Ike̱ng a ta tonong aYohana 20:13

Iyong ágbang adung be̱s be áner aya ba tá kus kaye̱e̱r ba. Riku be karo̱ kaya nabik áya a tá kus tú ku sor be̱s be afuba gip. A to̱ koangan amok te̱re̱ be kunye wu.

Ike̱ng a ta tonong aYohana 20:14

Ayong a barak Riku ame ne karo̱ kaya nabik áya a tá kus tú ku sor kaye̱e̱r icen kuro̱ng ame. Iyuna ne i nye riku rife̱ afa.

Ike̱ng a ta tonong aYohana 21:1

Ne mi di kaza kafas be kaben kafas, kamok kaza kafe ime̱se̱ng'e ne kaben kafe ime̱se̱ng wei, agbang adung ashi tu ku se baꞌ.

Ike̱ng a ta tonong aYohana 22:3

Adakunom tà ba fiming ike̱ng ikak baꞌ. Itsik rigwo̱m Adakunom be itsik rigwo̱m Aturuk'e tà sor kaye̱e̱r kuwo̱p'e ne ásam wu ku nye itomong.

Ike̱ng a ta tonong aYohana 7:17

Kamok Aturuk a ta se natoon itsik rigwo̱m'e tà te afek ba. A tà tseng be ba naro̱ itop ashi kutser tù ku wuruk. Adakunom tà ka re̱ng ba nanyisi nanyisi ba cei.”