Ike̱ng a ta tonong aYohana 21:3 - Izere New Testament

³ Ne mi fok kuto̱ kukak tá wuruk be agap naro̱ itsik rigwo̱m ame ye, “Di yin, Karo̱ kusor Adakunom n tiik kaben mak be ánerawe, ka tà sor mak be ba. Ba tà te ánerawe wu ne Adakunom be rice wu se mak be ba ne a bun a sor Adakunom ba.

Ike̱ng a ta tonong aYohana 21:3 Iomraidhean Croise

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 14:23

aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

2 aKoranti 6:16

Akye̱ gung agbang karo̱ kuya Adakunom iben be karo̱ itsi e̱? Kamok yir ne i nye yir karo̱ a tu ku ya Adakunom afe kutser iben, kyo̱ndi Adakunom ta fe̱ ye, “Mi ta sor be ba ne i tsang kar kaye̱e̱r ba, ne mi te Adakunom ba ne ba te ánerawe mi.”

2 aKoranti 6:18

“Mi ta te Ada yin ne yin sor yin inoon'i, acam be nanamang Agwo̱m Ágwo̱m ayiik'e ne ku fe̱ anong.”

1 aTasalonika 3:11

Won Ada yir Adakunom be rice wu ne Agwo̱m Ágwo̱m yir aYeso Kiristi tu nye iren nong i tà be̱ yir nufe yin.

Ibrani 11:16

Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

Ibrani 8:10

Kushu kuya mi tana nye be kasa áner Isarela na: Agwo̱m Ágwo̱m fe̱ ye nama izen iyong, mi tà ka te ba Itsi kaye̱e̱r aye̱ ba ne i bun i zibir naye̱ ba. Mi tà te Adakunom ba ne ba te ánerawe mi.

Ibrani 8:2

A nye itomong wu naro̱ itomong atsi kazhe̱l'e kufe katsak, kuya Adakunom tá nye sang anerawe baꞌ.

Ike̱ng a ta tonong aYohana 10:4

Nizen akparam kanataar'e tá fe̱ kanu, mi shim ta zibir rife̱'me, amma mi fok kuto̱ kukak naza ye, “Sang tu zibir ike̱re̱ iya akparam'e tá fe̱ baꞌ.”

Ike̱ng a ta tonong aYohana 10:8

Iyong mi bun i fok kuto̱ kuya mi ta tsang i fok naza ame. Ku fe̱ be mi ye, “Tseng, ta se shan kukpa izibir ku ta se nubo̱k amaleka a ta nyeseng be kutak kukak natoon ashi ne kukak niben ikoor.”

Ike̱ng a ta tonong aYohana 12:10

Iyong mi fok kuto̱ kukak kanang natoon kaza ku ta fe̱ ye, “Kyo̱o̱rname, kashesh be kukyem ne rigwo̱m Adakunom yir ne kukyem aKiristi wu m be̱. Kamok an barak aner aya a tá tsees kukun áronyining yir kaben, wu aya a ta yiir nye kukun áronyining yir nasho̱o̱n Adakunom katuk be kunom.

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.

Ike̱ng a ta tonong aYohana 22:3

Adakunom tà ba fiming ike̱ng ikak baꞌ. Itsik rigwo̱m Adakunom be itsik rigwo̱m Aturuk'e tà sor kaye̱e̱r kuwo̱p'e ne ásam wu ku nye itomong.

Ike̱ng a ta tonong aYohana 7:15

Kamok anong, “ba sor nasho̱o̱n itsik rigwo̱m Adakunom ne á ku ya iben katuk be kunom nagbang karo̱ ku kuya iben. Aner a ta sonong ni itsik rigwo̱m'e ta tarak ikpaar wu natoon ba koakye izen.