Ike̱ng a ta tonong aYohana 21:12 - Izere New Testament

¹² Kuwo̱p'e be agbang kubar kukak ku ta se garang dide̱ng be nanu kutu kuno̱o̱s kuso̱k be afa be amaleka azining a tan nyeseng nasho̱o̱n koakye kanukutu'me. A tin zibir ayerek izo̱ro̱k áner Isarela kuso̱k be afa ni nanu kutu'me.

Ike̱ng a ta tonong aYohana 21:12 Iomraidhean Croise

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

aLuka 15:10

Anong ne i ta se gip, mi ta tak yin, ámaleka Adakunom tà nye riye̱ rikan ke afe rine̱n azining shishing kuse wu nong a ta shan Adakunom.”

aLuka 16:22

“Katuk kakak aLazarus'e ku, yong ámaleka tú sok nong á tá tseng be wu nufe Ibrahim naro̱ kayiik'e. Arum ame ma ku gip, yong a tú ne̱r.

Itomong Ámanzo 26:7

Ike̱ng iya a tá tsang a fe̱'me nye nazu yir áner Isarela kuso̱k be afa ti te riye̱ ye i tá shining, ma a ti te rice ni itomong Adakunom kunom be katuk. Kunom ra be rigwo̱m, kamok mi ti te riye̱ mi ne áner aYahuda nye kukun'i.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

Ike̱ng a ta tonong aYohana 21:13

Nanu kutu'me se nataar nabas kuwuruk kunom, nataar nabas rikpa kunom ne nataar nataar ribir ikes kazatse ifa.

Ike̱ng a ta tonong aYohana 21:15

Amaleka afe a tá fe̱ kanu be mi ame be ishe̱n a tin maas ike̱ng, a tá nye be izinariya nong a tin maas kuwo̱p'e ne nanu kutu'me be kubar'e.

Ike̱ng a ta tonong aYohana 21:25

A tà whe̱se̱ng nanu kutu kuwo̱p'e nigaan'e baꞌ, kamok katuk tuse azong baꞌ.

Ike̱ng a ta tonong aYohana 22:14

“Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.