Ike̱ng a ta tonong aYohana 20:8 - Izere New Testament

⁸ a tà wo̱ro̱k ánerawe cice̱r nikes kazatse inaas a ta yis ye aGok be aMagok. Ishetan tà ka tusung ba naro̱ kazining nong a tà ko̱n itsom. Rigwo̱m ánerawe'me ta se kyo̱ndi rize̱k isho̱ng.

Ike̱ng a ta tonong aYohana 20:8 Iomraidhean Croise

Ibrani 11:12

A san'e be aner azining tsek, afe a ta se kyo̱ndi aner aya a tan ku, kyo̱o̱rna an te ánerawe whe̱re̱ kyo̱ndi adar a ta se naza ka rize̱k kanu agbang isho̱ng ayi.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 16:14

Ámaan nabik'e nye ítseng i tá nye ike̱re̱ azhing. Á tsees nufe ágwo̱m kazatse na cice̱r nong a ta ka tusung ba naro̱ kazining kamok itsom a tana ko̱n katuk agbang kunom Adakunom afe kukyem cice̱r.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 20:3

A tú ku barak kaye̱e̱r ribong ri ta se dar igak ame nong a tá whe̱e̱n kpa fan a bu se̱ iren kuwo̱ro̱k ánerawe kazatse ma aye̱ izungu izining gor. Nama aye̱ izungu izining'e gor, a tù ku bisik kaye̱e̱r nizen cie̱k tsek.

Ike̱ng a ta tonong aYohana 7:1

Nama ike̱re̱ iyong, ne mi di ámaleka anaas á tan nyeseng nikes kazatse inaas, á ta te̱ne̱ng kuwun iri naas fan i bu fe̱e̱p kaben ka ashi ka koakye kuri kakon.