Ike̱ng a ta tonong aYohana 20:4 - Izere New Testament

⁴ Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 20:4 Iomraidhean Croise

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 24:10

Nizen iyong, ánerawe whe̱re̱ tà won kuno̱o̱k katsak ba ne á naka wosong nibo̱k ámudo̱n ba ne á naka shishim.

aMarkus 6:16

Amma nizen iya aHiridus tá fok anong, ayong a fe̱ ye, “Aner'e nye aYohana, aya mi tá te̱n rice wu, ne a mo ku dorok nure̱k!”

aMarkus 6:27

Ayong a tom áya a ta nye itomong azong zizirik nong á tá be̱ be rice aYohana. Áner ame tseng nong á ta se te̱n rice aYohana nitso̱m,

aMarkus 9:11

Ni igang'e ne á rip aYeso ye, “Akye̱ sak áner kubo̱so̱p itsi tá fe̱ ye, Iliya ne a tà be̱ nizham aKiristi ta ra be̱ e̱?”

aLuka 1:17

A tà tseng nasho̱o̱n Agwo̱m Ágwo̱m kaye̱e̱r kabik be kukyem kuri kufe Iliya nong a tà sak aye̱ átek inoon tà ku bun ni inoon ba, ne a sak áya a ta shonong, ta kuus kutseng aner a ta se gye̱r nasho̱o̱n Adakunom. A tà sak ánerawe tà nye kanye̱k kamok Agwo̱m Ágwo̱m.”

aLuka 14:14

Wan tà se̱ ishorong, ba ta kyem á ka karang baꞌ gye̱rtatan, a tà ka karang nizen iya a tana dorok azhe̱l'e áya a ta n kus.”

aLuka 22:30

Nong ase̱ ta ya ne i so̱ yin mak be mi kaye̱e̱r rigwo̱m'i, tá sosok yin ni ítsik rigwo̱m ne i to̱ yin nazu Isarela kuso̱k be afa amok.

aYohana 14:19

A tú ku won izen cie̱k, kazatse tà bin di baꞌ, amma yin tin di yin. Kamok mi be kutser, yin gip yin tà sor yin be kutser.

aRom 11:15

Ke ku ka raba ba ta be̱e̱n kazatse igaas, ku ka shan ba tà be̱e̱n akye̱, kyo̱ndi a ta wuruk kaye̱e̱r riku nong a ta be kaye̱e̱r kutser aꞌa?

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

Ike̱ng a ta tonong aYohana 1:2

aYohana taas koakye ike̱ng wu tá di gye̱r. Itak'e nye rife̱ Adakunom ne itak natoon aYeso Kiristi.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 11:11

Amma nama inom itaar be ribir'e, isong iya i ta nyeseng kutser tà ne nufe Adakunom i titiik niba. Iyong á wor á dorok be kutser. Koangan afe a tú ku di ba be kutser fok inyim makiyi.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

Ike̱ng a ta tonong aYohana 11:3

Mi tà ka no̱o̱k asheda mi afa kukyem nong a tin zarap ma kuko̱s izungu izining be iso̱k inyak ifa be iso̱k igataar.” (1,260) A ta te agye̱e̱r ares nong á ta tonong riye̱ riwe ba.

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ike̱ng a ta tonong aYohana 14:11

Itsing kuro̱ng kuya a tana ku no̱o̱k mo ba risam'me ngarak naza ma izen izen. Koangan áner aya a tà ya kukewum ame iben ka ike̱ng iya i tù ku tas iben ne a tú ku tse̱k ba izizo̱ riyerek ikewum'e, á ta so̱ risam katuk be kunom dar gang.”

Ike̱ng a ta tonong aYohana 15:2

Iyong mi di ike̱ng ikak i ta se kyo̱ndi kudung agilas a tá min kare̱ be kuro̱ng. Ne mi di áner a tá canang ikewum ame be ike̱ng i tú ku tas ne izizo̱ riyerek wu ame, ba se nuyeseng nukim agbang kudung'e. Á se be ízom Adakunom tá ka nyesek ba.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ike̱ng a ta tonong aYohana 2:26

Aner aya a ta canang kazatse ne a nye ike̱ng iya mi ta shim ma nigang'e, mi tù ku no̱o̱k kukyem a tà nye rigwo̱m natoon kazatse cei kyo̱ndi mi ta shan kukyem'i nufe Ada mi. Kyo̱ndi a ta fe̱ ye, ‘A tin nye rigwo̱m natoon ba be ishe̱n kutso̱m, a tà ka fo ba kyo̱ndi a ta fo kadonong iben.’ Mi tu ku no̱o̱k adar kusetson.

Ike̱ng a ta tonong aYohana 20:6

Aner riye̱ rikan ne a nye áner aya a tin se kaye̱e̱r kudorok ikom kufe ime̱se̱ng'e ne á nye ázhe̱l'e. Riku rife̱ afa sen ka se̱ ba baꞌ, amma ba ne á tà te átsi Adakunom be áfe aKiristi, á ta nye rigwo̱m ba mak be wu ma aye̱ izungu izining.

Ike̱ng a ta tonong aYohana 22:5

Karo̱ ba sen te katuk baꞌ. Ánerawe tà ba tse̱r akanang kunom ka apitila nong a tin di karo̱ baꞌ, kamok Adakunom, Agwo̱m Ágwo̱m ne a tà nye akanang ba. Á tà nye rigwo̱m ma izen izen.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 6:9

Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.

Ike̱ng a ta tonong aYohana 7:3

A fe̱ be ba ye, “Sang tu beseng yin iben ka ashi ka nakon baꞌ, ma yir ti tse̱k yir izizo̱ nati ásam Adakunom nizham.”